AFG Digital Store

AFG Digital Store Contact information, map and directions, contact form, opening hours, services, ratings, photos, videos and announcements from AFG Digital Store, Software Company, eg/elgiza, Giza.

نقدم خدمات تصميم وتطوير مواقع إلكترونية احترافية ومتجاوبة، بالإضافة إلى إدارة وتنفيذ الحملات الإعلانية الممولة على منصات التواصل الاجتماعي بهدف زيادة المبيعات والوصول للعملاء
اجعل مشروعك يظهر باحتراف على الإنترنت!

18/05/2025

يعني إيه JWT؟
كتير بنشوف اختصار JWT في مواقع فيها تسجيل دخول، طيب يعني إيه؟

JWT = JSON Web Token
وده أسلوب لتأمين تسجيل الدخول، بيشتغل كده:

المستخدم يدخل بياناته

السيرفر يتأكد منها ويبعته "توكن" (كلمة سر مشفرة)

التوكن دي بتتبعت مع كل طلب عشان السيرفر يتأكد إنك لسه داخل بحسابك

يعني ببساطة: بتسجل دخول مرة واحدة، والتوكن دي بتثبت إنك مسموحلك تدخل باقي الصفحات

#برمجة #تعلم

17/05/2025

إيه هو الـ SPA (Single Page Application):
المواقع العادية كل ما تدوس على رابط، بتعمل Refresh وبتحمّل صفحة جديدة.

لكن الـ SPA شغال بطريقة ذكية:
الموقع بيحمّل مرة واحدة بس
بعد كده كل حاجة بتحصل جوا الصفحة نفسها
أسرع، وأخف، وتجربة المستخدم أحسن

أشهر مثال؟ Gmail وFacebook
واللي بيساعدنا نعمل كده: React، Angular، Vue
#برمجة #تعلم

17/05/2025

يعني إيه Framework؟
فيه ناس بتسأل: ليه أتعلم React أو Laravel أو غيرهم؟
ده لأنهم Frameworks، يعني أدوات جاهزة بتسرّع الشغل وتسهّله.

بدل ما تكتب كل حاجة من الصفر، الفريمورك بيقدم لك:
✅ أكواد جاهزة
✅ تنظيم للمشروع
✅ أمان أكتر
✅ أداء أعلى

يعني بدل ما تبني عمارة طوبة طوبة… الفريمورك بيجيبلك خرسانة جاهزة 💪

16/05/2025

يعني إيه Responsive Design؟
عمرك فتحت موقع من الموبايل وطلعلك شكله متكسر؟ 😩
ده معناه إن الموقع مش Responsive!

يعني إيه Responsive؟
يعني الموقع يتظبط شكله تلقائيًا على أي شاشة:
📱 موبايل – 💻 لابتوب – 🖥️ شاشة كبيرة
المستخدم يشوف موقعك مظبوط مهما الجهاز اللي معاه.

دي من أهم أساسيات تصميم الويب

15/05/2025

الفرق بين موقع استاتيك و دايناميك:
فيه نوعين من المواقع:

Static Website: صفحات ثابتة، المحتوى مش بيتغير، زي CV أو صفحة تعريفية

Dynamic Website: المحتوى بيتحدث حسب المستخدم، زي المتاجر والمواقع اللي فيها تسجيل دخول وخروج

لو ناوي تعمل متجر أو لوحة تحكم… أكيد هتحتاج موقع Dynamic

15/05/2025

ليه الأمان مهم في المواقع؟
أهمال الأمان في موقعك ممكن يفتح الباب للهاكرز 😬
مثال: لو الموقع مفيهوش حماية على نموذج تسجيل الدخول، أي حد ممكن يعمل هجوم ويسرق البيانات.

عشان كده لازم:
✅ تستخدم HTTPS
✅ تمنع SQL Injection
✅ تحط صلاحيات صح لكل مستخدم
✅ تعمل Backup للموقع دايمًا

الأمان مش رفاهية… ده ضرورة

14/05/2025

إيه الفرق بين Local Storage و Session Storage؟
الاتنين بيخزنوا بيانات في متصفح المستخدم، بس الفرق:

Local Storage: بيحتفظ بالبيانات حتى بعد ما تقفل المتصفح

Session Storage: البيانات بتتمسح أول ما تقفل التبويب أو المتصفح

يعني لو عايز تخزن معلومات بشكل مؤقت (زي دخول المستخدم) استخدم Session
ولو عايز تخزن حاجات تفضل موجودة (زي المفضلة) استخدم Local

#تعلم #برمجة

14/05/2025

المنتج اللي مش متسوّق له، زيه زي المحل اللي فاتح في شارع فاضي .
خلي الناس تعرفك، مش كفاية إنك شاطر !

13/05/2025

ليه لازم يبقى عندك صفحة على السوشيال ميديا لشغلك...؟

الناس كلها هناك

بتزود ثقة العميل فيك

بتعرض منتجاتك بسهولة

بتوصّل صوتك لأبعد مكان

وبتتابع الناس إنت بنفسك

13/05/2025

الفرق بين Frontend و Backend :
ناس كتير بتتلخبط بين الـ Frontend والـ Backend في البرمجة…
ببساطة كده :

Frontend هو كل اللي المستخدم بيشوفه ويتفاعل معاه… زي شكل الموقع، الأزرار، الألوان، الصور
أدواته: HTML, CSS, JavaScript, React, Vue

Backend هو الجزء اللي ورا الكواليس … بيخزن البيانات، يربط بين الصفحات، ويعالج الطلبات
أدواته: PHP, Node.js, Python, Laravel, MySQL

الموقع الناجح = واجهة حلوة + سيرفر قوي

13/05/2025

مفهوم الـ Component:
لو بتتعلم React أو Vue، أكيد سمعت عن كلمة Component
طيب يعني إيه؟
الـ Component هو جزء مستقل من الصفحة، تقدر تعيد استخدامه أكتر من مرة.

مثال بسيط:
زرار واحد بكود واحد، بس تقدر تستخدمه في 10 أماكن في الموقع من غير ما تعيد كتابته.
وده بيخلي شغلك أنضف وأسرع

13/05/2025

يعني إيه API؟
سمعت قبل كده كلمة API ومش فاهم معناها؟
ببساطة، الـ API هو "الكوبري" اللي بيربط بين تطبيقين أو موقعين.

مثال:
لما تطلب أوردر من تطبيق دليفري، التطبيق بيكلم السيرفر عن طريق الـ API، يجيبلك البيانات (المطاعم، الطلبات، الأسعار)… كل ده بيحصل ورا الكواليس.

يعني الـ API بيخلّي البرامج تتكلم مع بعض بلغة مفهومة.

Address

Eg/elgiza
Giza
20+

Website

https://ahmedelfki.rf.gd/

Alerts

Be the first to know and let us send you an email when AFG Digital Store posts news and promotions. Your email address will not be used for any other purpose, and you can unsubscribe at any time.

Shortcuts

Share

Category