05/02/2022
جمع و تحليل المعلومات هي أول خطوة للنجاح ❗
⚽️انتشرت الصورة دي لحارس مرمى مصر أبو جبل في ماتش الكاميرون و فيها ماسك زجاجة مياه عليها ملاحظات على أماكن التسديد المفضلة للاعبي الكاميرون .. لو ركزت في الصورة هتلاقي في صورة مرمى و مكان الكورة.
⚽️و فعلا أبو جبل المتألق صد ركلتين من ٣ على المرمى، مش عشان هو حارس متميز فقط و طبعاً توفيق ربنا قبل كل شئ، و لكن جمع المعلومات عن مسددي ركلات الجزاء كان ليها عامل كبير جداً.
📌يعني حاجة معروف إن الحظ و التوفيق لهما عامل كبير فيها و مع ذلك المعلومات و تحليلها فرقت جداً، يبقى لازم تتأكد و تقتنع من أهمية خطوة التحليل و جمع المعلومات كخطوة أولى و مهمة قبل أي قرار .. أو خطة أو مشروع بتقوم بيه، الموضوع مش مجرد خطوات بنكتبها و خلاص، النجاح دائماً نسبته بتكون اعلى للي بيتعب أكثر في الإتجاه الصحيح و التوفيق على الأغلب بيحالف الأكثر مجهوداً و استعداداً .
د/ تامر صالح
