24/01/2026
صديقي العزيز مساء الخيرات والمسرات 😊
دول أهم ١٠ أسباب من (وجهة نظري) تخلي الناس تحب تشتغل معاك.
1️⃣ بتفهم وتقيم قبل ما بتحكم:
بتسمع للناس كويس، ومبتستعجلش في الرد أو في أخذ القرار.
2️⃣ كلامك واضح ومباشر:
مفيش لف ولا دوران، اللي عايزه بتقوله واللي مش عايزه بتعترض عليه باحترام.
3️⃣ بتحترم وقتك ووقت الناس:
مواعيدك مظبوطة، واجتماعاتك ليها هدف مش هزار وتضيع وقت.
4️⃣ بتعطي الثقة والحرية للناس:
مبتقفش على دماغ حد، كل واحد شغله في إيده طول ما النتائج بتطلع مظبوط.
5️⃣ بتدعم مش بتكسر:
لو حد غلط، بتعلمه مش بتفضحه ولا بتحبطه.
6️⃣ عارف دورك كويس:
بتمارس صلاحياتك بحرفية، وقراراتك مبنية على فهم وخبرة، مش اجتهاد وتوقعات.
7️⃣ عادل ومش بتفرق:
مفيش شغل بالحب ، والكل عندك في ميزان واحد.
8️⃣ بتشجع الناجحين:
نجاح فريق من نجاحك مش تهديد لوجودك.
9️⃣ بتضغط بالذكاء العاطفي:
أسلوبك بيخلي الدنيا تمشي حتى في وقت الضغط.
🔟 إنسان قبل ما تكون مدير:
بتراعي الظروف خصوصاً الظروف الاجتماعية.
⛔️ اكتب لنا في التعليقات سبب آخر يخلي الناس تحب تشتغل معاك.
مسئول الدعم ؛ م.م صلاح
