4A Development

15/06/2022

كبسوله Git ✋
_______________
طبعا كلنا عارفين ال git واهميته فى اداره المشاريع البرمجيه لانه يعتبر اداه لا غنى عنها فى حياتك اليوميه كا software engineer الصورة ال تحت دى 👇 فيها تلخيص لبعض الاوامر المهمة فى ال git 👀

14/06/2022

#كورسااات👌😄

- دي مجموعة كبيرة من الكورسات للي عاوز يتعلم وهو قاعد في البيت من غير ماينزل ولا يدفع فلوس وكلها عربى☝️ وكما تقدر تضيفها ف الـ CV
- قبل ماتقرأ البوست ده المفروض تكون حددت المجال اللى انت قررت هتكمل فيه👌 واسف لو الكورسات كتيير✋️ .. بس انت هتختار كورس واحد بس وتكمل معاه للنهاية 👌
--------------------------------
- قناة لتعليم السيو والعمل الحر وربح المال
https://www.youtube.com/user/HesseinSEO/videos
--------------------------------
- دول شوية قنوات متنوعة شرح لكل المجالات :-
free4arab - من افضل قنوات اليوتيوب اللى بتقدم كورسات عربية كاملة مجانية ف كل المجالات
https://www.youtube.com/user/Nourelhoda2011/playlists
وقف اونلاين - قناة يوتيوب متنوعة برضو فيها شوية كورسات مميزة
https://www.youtube.com/user/qatarit/playlists
اكاديمية الدارين - قناة يوتيوب مميزة بتقدم شرح لكل المجالات سواء كمبيوتر ومحاسبة وتنمية بشرية ومحاضرات متنوعة ف مجالات مختلفه
https://www.youtube.com/user/Aldarayn/playlists
د/عادل صبور - مجموعة كورسات ف مجالات مختلفه زى الويب والبرمجة والداتا بيز والشرح بنظام المشاريع .. يعنى تطبيق عملى لمشروع كامل
https://www.youtube.com/user/AdelSabour/playlists
د/عبدالله عيد - قناة بتضم مجموعة ضخمة من الكورسات للمبتدئين بيشرح الاساسيات بتاعت كل حاجة
https://www.youtube.com/user/abdullaheidtv/playlists
--------------------------------
- دول شوية قنوات متخصصة ف مجال الويب
https://www.youtube.com/user/theadvphp/playlists
القناة دى هتعلمك الاساسيات بتاعت الويب زى HTML , CSS ولغات برمجة وتصميم قاعدة البيانات الخاصة بالموقع زى php and mysql وغيرها من الموضوعات المتقدمة ف مجال الويب
https://www.youtube.com/user/ali7amdi/playlists
م/على حمدى - القناة دى بتقدملك مجموعة من الكورسات ف صيغة مشاريع -6 مستويات من الصفر لغاية الاحتراف كل مشروع هيخليك تفهم اكتر وهتلاقى شرح php و MVC , CMS وتحويل التصميم لوردبريس
https://www.youtube.com/user/AmroEldewiny/playlists
قناة متميزة - فيها شرح لاغلب الحاجات الخاصة بالويب زى HTML , CSS , JQuery, bootstrap , PSD into HTML وبرنامج Dreamweaver , photoshop , Fireworks
https://www.youtube.com/user/firefoxegy/playlists
م/محمد يحى - شرح لكل مايخص الويب بطريقة علميه ودبلومة متخصصة ف تصميم وبرمجة المواقع وكذلك php , CMS
--------------------------------
- دول شوية قنوات متخصصين ف مجالات اوراكل زى الجافا والداتا بيز :-
https://www.youtube.com/user/oraclejavaplanet/playlists
م/احمد طرطور - ف القناة دى هتلاقى شرح لكل مايخص تراك Oracle Developer و DBA وغيرها
https://www.youtube.com/results…
لو دورنا على م/هلال احمد هتلاقى كل الحاجات اللى شرحها SQL , PL/SQL , FROMS , REPORTS , Java SE , JDBC , Java OOP , Oracle ADF
, Web Concepts , Servlet & JSP , JSF
https://www.youtube.com/user/AppsStuff/playlists
ِApps Stuff - من القنوات المميزة برضو فيها شرح Java SE , Java EE , Oracle ADF , Oracle Apps وغيرها
https://www.youtube.com/user/codemasrytube/playlists
مبادرة كود مصرى - هتلاقو عليها دروس شرح للجافا بشكل منظم وكذلك oop و Data Structure وتم اضافة برمجة المواقع باستخدام لغة Ruby
https://www.youtube.com/user/AhmadSaid21/playlists
م/احمد سيد تعليم ADF وكورس Jasper iReport لاعداد التقارير
--------------------------------
برمجة C # - كورس عادل صبور هتلاقوه ف القناة بتاعته
https://www.youtube.com/user/DevAhmedHussein/playlists
ف القناة دى هتلاقو شرح لاساسيات برمجة C # وشوية موضوعات متقدمة وشرح Windows Application , وشرح SQL Server
https://www.youtube.com/user/HassounaAcademy/playlists
قناة مميزة برضو
https://www.youtube.com/user/EssaadaniTV/playlists
م/خالد السعدنى - شرح لاساسيات الـ C # , كورس كامل بالاضافة لمشروع ادارة مبيعات
https://www.youtube.com/playlist…
شرح SQL Server 2008
https://www.youtube.com/playlist…
شرح ASP.NET
https://www.youtube.com/playlist…
شرح LINQ
https://www.youtube.com/user/HamadMakki/playlists
مواضيع متنوعة
--------------------------------
شرح لغة البرمجة C++
https://www.youtube.com/playlist…
د/محمد الدسوقى - شرح لاساسيات C++
https://www.youtube.com/playlist…
م/احمد سيد - كورس كامل لـ C++
https://www.youtube.com/user/LearnByAhmedFathi/playlists
قناة ممتازة لشرح C++ برضو
--------------------------------
برمجة الاندرويد
https://www.youtube.com/playlist…
كورس لتعليم برمجة الاندرويد
https://www.youtube.com/playlist?list=PLBB9C1D92F09272E6
دكتور عادل صبور - شرح الاندرويد
--------------------------------
بالنسبة لعالم الشبكات
ف قناة free4arab ف اول البوست هتلاقو شرح للشبكات بشكل كبير دور ع اللى انت عاوزه ف الشبكات سواء A+ , N+ , CCNA , CCNP , وغيرها وغيرها
https://www.youtube.com/user/networkset/playlists
ده ايضا قناة روعة ف الشبكات
--------------------------------
تعليم الفوتشوب والتصميم
https://www.youtube.com/playlist… كورس ممتاز
https://www.youtube.com/user/mohammed3omarmotion/playlists
م/ محمد عمر شرح اكتر من ممتاز
--------------------------------
شرح 3D Max
https://www.youtube.com/playlist…
--------------------------------
شرح لبرنامج اوتوكاد وعلم المساحة
https://www.youtube.com/user/mahmoudabdelrahman/playlists
--------------------------------
Adobe Illustrator | م.سمر صبحى
https://www.youtube.com/playlist…
--------------------------------
قناة متخصصة ف شرح مجال freelancing وازاى تكسب من شغلك
https://www.youtube.com/user/Freelance4arabs/videos
--------------------------------
اخر حاجة لو عاوز تحمل قائمة تشغيل او كورس بالكامل طريقة بسيطة وسهله هتحمل واحد من البرامج دى وهو هيحملك البلاى ليست بسهوله وبسرعة وبالصيغة اللى انت عاوزها
YTD Downloader
FreeMake
Free YouTube Download
اى استفسار تحت امرك

®

the Egyptian Entrepreneur

14/06/2022

https://youtu.be/oRzjtOJGvWA

في هذا الفيديو ، سيتم شرح الموضوعات المهمة بأبسط ما يمكن لإرشادك إلى كيفية أن تكون مطور ASP.NET Full Stackسيشرح هذا الفيديو كيف تناسب التقنيات المختلفة مثل ...

03/01/2017

مساء الخير عليكو ✋

👌

و قبل ما ندخل فى برمجة الذكاء الاصطناعى نفهم ايه معنى ذكاء اصطناعى:
الذكاء الاصطناعى معناه انى ازاى اخلى الاله او بالمعنى البلدى الجهاز اللى قدامك او حتته الحديده دى تفهم 💻 , ازاى اقدر اخلى الاله تحل محل العقل البشرى وتقدر تعمل اوامر معينة تجاه تصرفات معينة .
ناس كتير فاكره ان برمجة الذكاء الاصطناعى ليه لغات برمجة معينة وده خطأ لانك تقدر باى لغة برمجة تبرمج ذكاء اصطناعى وده بيعتمد على الخوارزميات اللى هتكتبها او الكود بمعنى ابسط.

ناخد مثال بسيط:
لما بتيجى تعمل عملية حسابية وتقسم اى رقم على صفر بتطلع رسالة خطأ بتنبهك وتقولك ان القسمة على الصفر لا تجوز ولو انت ياعقل يابشرى مش مركز انا الحديده اللى قدامك مركزه اكتر منك . 😉

ناخد مثال تانى :
ازاى جهاز البصمة بيعرف انك فلان الفلانى لما بتحط صابعك ويطلعلك بياناتك؟
اقولك انا ليه : عشان الجهاز لما بيعمل مسح لصابعك وياخد ابعاد صابعك بيروح يقارن الابعاد اللى اخدها بابعاد صور بصمات محفوظه فى الداتابيز ولو لقى تطابق يروح يقولك انت فلان الفلانى.

طيب ايه #المطلوب عشان ادخل المجال ده؟

1- تكون فاهم فى الرياضيات كويس.
2- تكون متقن للغة برمجة ما.
طبعا فى لغات برمجة كتير وكل اللغات تقدر تبرمج بيها ذكاء اصطناعى بس فى لغات معينة بتهتم اكتر بمجال الذكاء الاصطناعى وبتوفرلك مكتبات كتير بتوفر عليك الوقت والجهد بدل ما تقعد تبنيها من الاول .

لغات البرمجة اللى بتبرمج عن طريقها ذكاء اصطناعى:
-لغة Python : تعتبر “بايثون” Python من لغات البرمجة عالية المستوى والتى تم تصميمها عام 1989 عن طريق الهولندى Guido van Rossum , لغة بايثون لغة قوية وسهلة وليها استخدامات فى مجالات كتير وتعتبر من اكثر اللغات اللى بتدعم الذكاء الاصطناعى وتم تطوير الكثير من المكتبات المختصه بمجال الذكاء الاصطناعى لهذه اللغه ومن المكتبات دى Numpy / Scypy / Pybrain .
-لغة lisp : وهي اختصار لــ list of processing وتعني معالجة القوائم والتي تم تصميمها عام 1984 في الولايات المتحدة وكان الغرض منها تحقيق الأغراض البرمجية للذكاء الاصطناعي.
- لغة prolog :وهي اختصار لــ programming in logic وتعني البرمجةبالمنطق والتي تم تصميمها عام 1970 بجامعة مرسيليا بفرنسا بغرض برمجة المسائل المنطقية قبل ظهور علم الذكاء الاصطناعي.
- لغة Haskell: لغة تصنف تحت البرمجة الداليّة او الوظيفية او بالانجليزي نسميها Functional Programming.
- لغات Java - AIML – Lisp – Smalltalk – C++ - Matlab وغيرها من اللغات تقدر تبرمج بيها ذكاء اصطناعى
يارب تكونو استفدتوا معانا ونفضل دايما بنفيدكو 😀
👌😄

01/01/2017

4A Team يتمنى لكم عاماً سعيداً 🎉🎊😊

24/12/2016

يالا نغير فكرنا عن التواصل الاجتماعى ونخلي التواصل الاجماعى بفايده
الفيس بوك ممكن يكون نعمه ونقمه او سلاح ذو حدين انما اللى نعمه وبفايده على مدار الوقت هو "linked in "
"لينكد ان " بدا اطلالتة الفعليه فى عالم التواصل الاجتماعى فى 5 مايو 2003
ولكنه اتسم باسلوب مميز وهو التواصل الاجتماعى المربوط بالتخصص والمهنيه , يعنى بيقترحلك الاصدقاء على اساس انكم بنفس مجال الدراسه والاهتمامات
* "لينكد ان" يزوره شهريا بامريكا فقط 43 مليون زائر وعلى مستوى العالم 118 مليون زائر شهريا
المفاجاءه والضجه الكبيره اللى جعلت اغلب الناس تاخد بالها من "لينكد ان" كانت فى 13 يونيو 2016 وهى انا ميكروسوفت اشترت " لينكد ان" فى صفقه تقدر تكلفتها 26 مليار دولار "متركزش مع الرقم قوى ........."
المهم: ليه ميكروسوفت بجلاله قدرها تدفع المبلغ الخرافى ده فى موقع مبرمجين ميكروسوفت يبرمجوه وهما بيشربوا شاى ف البريك !!؟
اقولك ياسيدى .....
ميكروسوفت مشترتش الموقع لذاته انما دفعت كل المبلغ ده علشان الداتا اللى عليه لك ان تتخيل ان 178 مليون عضو مسجل على الموقع من اكثر من 200 دوله لو كل واحد كتب اسمه وتعليمه بس كفايه ...رغم ان "لينكد ان" بيتيح لك تكتب سيره ذاتيه كامله
عن نفسك وعن جميع اهتماماتك ....شوف بقا الداتا دى هتساعد ميكروسوفت ازاى ف انها تعرف تعليم ومتطلبات الناس فى جميع انحاء العالم وده مجال اصبح ضخم جدا فى الوقت الحالى وباذن الله هنتكلم عنه قريب وهو ال big data
وطبعا دى نفس الطريقه والضجه اللى حصلت لما فيس بوك اشترت واتس اب فى 19 فبراير 2014 فى صفقه قدرت ب19 مليار دولار
**الخلاصه ::حاول تخلى اللوقت اللى بتقضيه على مواقع التواصل الاجماعى يكون على "لينكد ان" هتلاقى اصدقاء بنفس اهتماماتك تتناقشوا سوا وتستفادوا واعملوا cv
محترم عليه لان اغلب الشركات لما بتيجى تدور على موظفين بتدخل تدور على لينكد ان الاول ولما بتبعت انته cv
الخاص بيك هيا بتقولك ابعت الاكونت الخاص بيك على "لينكد ان"
ولينكد ان فيه كل حاجه موجوده فى الفيس بوك "شات , وطلبات صداقه ,وجروبات......الخ
يالا ادخل اعمل اكونت دلوقتى وقضى وقتك ف اللى يفيدك
يالا كن عضوا الان ..........
لينك الموقع https://goo.gl/5c6CJ


#الطريق

Alaa Eisa

22/12/2016

اكيد عارفين مين اللى ف الصوره ده .....
عمك مارك بس انته عارف مارك بيكلم مين ...!!
هيكون بيكلم مين يعنى اى شخص عادى او المدام ولا حاجه
لا مارك مبيكلمش بنى ادم خالص مارك بيكلم jarvis ....!!!
وايه jarvis ده بقا
وjarvis .هو المساعد الشخصى لمارك ورغم انه مارك بيمتلك افضل المبرمجين ع مستوى العالم الا ان مارك عمل السيستم ده بنفسه وكتب لحظه الاعلان عنه
"After a year of coding , here's jarvis "
وقال انه اضطر انه .. "يذاكر"...اكتر من لغة برمجة وهم Python وPHP وObjective C.. علشان ينفذ السيستم .....مارك بيذاكر ياناس !!!
* السيستم مربوط بكل حاجه ف البيت زى ماهيبان ف الفديوا بالظبط وانه بيعمله كل حاجه لدرجه انه قال انه السيستم قادر على تربيه بنته كمان بدون تدخله
* السيستم زى ماهتشوفوا فى الفيديوا مربوط بكل حاجه ف البيت وازاى السيستم جابله التى شيرت من الدولاب
* السيستم مربوط كمان بالكميرات اللى ف المنزل واللى خارج المنزل ومن خلاله لو بنت مارك خرجت لوحدها يبلغ مارك
* مارك كمان اتكلم بخصوص الصعوبات اللي واجهته وقدر يحلها انه ازاى يخلي السيستم يقدر يفرق بينه وبين مراته لو طلبوا منه نفس الطلب , فمثلا لو مراته وهي في البيت طلبت انه يشغل التكييف، ومارك طلب منه انه يشغل التكييف وهو في مكتبه ,لازم السيتم يعرف مين اللى بيكلمه وهوه فين علشان يشغل التكيف الخاص بيه ......
* الأصعب بقى انه قدر يخليه يعرف هو فين بظبط جوا البيت، فلو طلب منه يشغل مزيكا بدون ما يحدد هو فيين داخل البيت السيتم يشغله المزيكا فى الغرفه اللى هوه فيها ، بدل مايشغل المزيكا فى البيت كله
* مارك كمان قدر يخلى السيستم يفتح الباب للاشخاص اللى مسموح ليها تدخل البيت يعنى هو والمدام والكلب الباب يفتح ليهم لوحده ....
* الافظع بقا انه قدر يخلى السيتم يعرف ان الكلام موجه ليه ولا لحد غيره يعنى لو هوه بيتكلم مع صديق ليه او مع اى حد السيستم شغال خلى السيتم مايفهمش الكلام ده
****الخلاصه واللى لازم نقف عندها كتير بعيدا عن الفظاعه ف استخدام الذكاء الاصطناعى انه مارك عمله بنفسه ..........
لينك فيديوا مارك اللى عمله عن السيستم https://goo.gl/6gP2on
وده مقال مفصل عن السيستم ........... https://goo.gl/A1swX9

#الطريق
Alaa. Eisa

20/12/2016

الطريق....
لو حبنا نقسم طريقنا ف تعلم مجال التكنولوجيا عامه ... ازاى ممكن نقسمه ؟!
اعتقد هنختلف كتير ...
بس من وجهة نظرنا يمكن تقسيمه الى طريقين اساسيين وكل طريق على حده ملوش نهايه ...!
هنحاول ندخلك ع بدايه كل طريق منهم ونمشى معاك شويه كمان ومش هنسيبك غير لما نتاكد انك ماشى صح وان شاء الله هتوصل ....
الطريق الاول :: الشبكات ...تحس انه طريق سالك شويه بس طويل وملوش نهاية
الطريق التانى :: مش عارف ... !! بس اقدر اقولك اللى مش شبكات والطريق ده له افرع كتيره شويه ويتوه الى حد ما .......
تبعونا ...هنتكلم عن كل طريق على حده ونمشى معاكم فيه
شاركونا ارائكم تحبوا نبدا بمين من الطريقين
#الطريق

A.Eisa

18/12/2016

الطريق .........!!
الطريق هو عنوان سلسسله مقالات هنزلها لحضراتكم هنشرح فيها باذن الله تعالى جميع المجالات الخاصه بالتكنولوجيا وازاى تكمل فى مجال انت بتحبه ومصادر تعلمه ومميزاته وعيوبه .....
يلا اللى عايزنا نتكلم عن مجال معين يقولنا وهنجمعه كل شى عن المجال ده
#الطريق

A.Eisa

16/12/2016

السلام عليكم
اولا احب اعرفكم بينا احنا شركه صناعه برمجيات ناشئه عندنا الاستطاعه بفضل الله على صناعه اى متطلب برمجى حضراتكم محتاجينه ونتمنى انا ننال ثقتكم فينا
ثانيا ان شاء الله فى صفحتنا هيكون لنا جزء مجتمعى وهو تنزيل مقالات دوريه بخصوص اى جديد فى مجال التكنولوجيا ....محتاجين فقط ان ننال ثقتكم ودعواتكم