Sondeou

Sondeou Expertos en comunicación visual

Clariño nace para axudarnos a recuperar o equilibrio a través da orde e da organización dos espazos, en etapas de cambio...
21/08/2026

Clariño nace para axudarnos a recuperar o equilibrio a través da orde e da organización dos espazos, en etapas de cambio, mudanzas e reorganizacións.

E desta vez a colaboración foi nos dous sentidos. 💚 Mentres dende SondeOU® creamos a identidade visual de Clariño, Clariño está a axudarnos a organizar e adaptarnos ao novo espazo en Puga (Toén) durante o proceso de mudanza e obras.

Dúas marcas, dous traballos e unha colaboración que acaba de comezar.

as fotografar o eclipse co móbil?A cámara do teu teléfono tamén precisa protección.Se vas apuntar directamente ao Sol du...
11/08/2026

as fotografar o eclipse co móbil?

A cámara do teu teléfono tamén precisa protección.

Se vas apuntar directamente ao Sol durante as fases parciais do eclipse, utiliza un filtro solar axeitado diante da cámara, cubrindo completamente a lente que esteas a usar.

☀️ Non apuntes directamente ao Sol coa cámara sen protección.
📱 Protexe a lente cun filtro solar axeitado.
👓 E lembra: os teus ollos tamén deben estar sempre protexidos con gafas homologadas.

Mañá, goza dun momento único. Pero faino con seguridade. 🌘

Un minuto de silencio polo Community Manager de Rosalía. 🥲A cousa está tensa despois do Mundial. Arxentina por un lado e...
22/07/2026

Un minuto de silencio polo Community Manager de Rosalía. 🥲

A cousa está tensa despois do Mundial. Arxentina por un lado e medio planeta polo outro. E cando as redes están así, calquera referencia á actualidade pode ser unha oportunidade caralluda para conseguir alcance… ou unha maneira estupenda de meterte nunha crise.

E Rosalía conseguiu un pouco das dúas. 😂

Un vídeo de Mia Khalifa, La Perla, un compartir aparentemente inocente e, de súpeto, tes unha parte de Arxentina cabreada e un concerto en Bos Aires á volta da esquina.

Agora mesmo Rosalía é viral. Moi viral. Ten máis xente falando dela, máis visualizacións e máis exposición. Uns están pedindo devolucións das entradas e outros defendéndoa, facendo memes ou gozando directamente do espectáculo.

Porque as redes tamén funcionan así: cando uns te odian, outros quérenche aínda máis.

Pero traslademos isto a un negocio pequeno.

Aquí unha crise non se mide en titulares internacionais. Pode significar perder seguidores, clientes ou a confianza de xente que ata onte mercaba en ti.

Así que, se vas aproveitar un Mundial, unha polémica, un meme ou calquera tema de actualidade para subirte á conversa, pénsao dúas veces.

Pregúntate se realmente sabes o que está pasando ou se simplemente estás subindo ao carro porque todo o mundo está falando diso.

Porque o alcance está moi ben.

Ata que se che vai das mans. 😂

Ser "gallego" é un orgullo agora tamén ser campeón.
20/07/2026

Ser "gallego" é un orgullo agora tamén ser campeón.

SondeOU, orgullo de ser "gallega"e hoxe estamos cá Vermella.A pola segunda! ⭐️⭐️
19/07/2026

SondeOU, orgullo de ser "gallega"
e hoxe estamos cá Vermella.

A pola segunda! ⭐️⭐️

Hoxe desde SondeOU tivemos a oportunidade de participar nunha xornada conxunta de BNI Nós Ourense e BNI Impulsarr, celeb...
26/06/2026

Hoxe desde SondeOU tivemos a oportunidade de participar nunha xornada conxunta de BNI Nós Ourense e BNI Impulsarr, celebrada no Pazo Piñeiro (Chantada).

Este tipo de encontros lembran que o networking vai moito máis alá de intercambiar tarxetas. É un espazo para compartir experiencias, coñecer outras formas de traballar, descubrir novos proxectos e crear relacións de confianza que poden dar lugar a futuras colaboracións.

Foi un pracer reencontrarnos con compañeiros e compañeiras de BNI Nós, coñecer membros de BNI Impulsarr e conversar con visitantes doutros grupos de BNI Galicia. Cada encontro é unha oportunidade para seguir ampliando a nosa rede e continuar aprendendo de profesionais con perfís moi diferentes.

Seguimos convencidos de que as mellores oportunidades nacen das persoas, da confianza e das conexións que se crean polo camiño.

Grazas a todas as persoas que fixestes posible unha mañá tan enriquecedora.


O pasado martes tivemos a oportunidade de asistir á xornada Amas da Terra by Lucía Freitas, celebrada na emblemática Fáb...
25/06/2026

O pasado martes tivemos a oportunidade de asistir á xornada Amas da Terra by Lucía Freitas, celebrada na emblemática Fábrica de Papel da Lavandeira, no Carballiño. Un espazo con moita historia e un gran valor patrimonial que abrirá proximamente as portas como museo. Un escenario inmellorable para un encontro dedicado ao talento, ao emprendemento e ao papel das mulleres no rural.

A xornada, organizada polo Polo de Emprendemento e Apoio ao Emprego do Carballiño, reuniu a emprendedoras e profesionais de diferentes ámbitos arredor de Amas da Terra, unha iniciativa impulsada pola cociñeira galega Lucía Freitas para dar visibilidade e crear rede entre as mulleres que contribúen a manter vivo o territorio.

Ao longo da mañá tivemos a oportunidade de coñecer proxectos e historias moi inspiradoras, descubrindo o talento, o compromiso e a diversidade que existe no noso rural. Un deses encontros nos que sempre se aprende algo novo e dos que marchas con máis ilusión ca cando chegaches.

Saímos tamén coa sensación de que encontros coma este deberían chegar a máis mulleres. Por iso ofrecémonos para colaborar na organización dunha nova edición noutro punto da provincia de Ourense.

Se desenvolves a túa actividade no rural, tes un proxecto ou gustaríache participar nun encontro coma este, escríbenos. Gustaríanos conectar a máis mulleres e seguir creando comunidade.

Porque cando compartimos experiencias, coñecemento e ilusión, o rural tamén medra. 🌿💙

Hoxe é o Día das Letras Galegas.Un día para celebrar a nosa lingua, a nosa cultura e tamén todo aquilo que nos identific...
17/05/2026

Hoxe é o Día das Letras Galegas.
Un día para celebrar a nosa lingua, a nosa cultura e tamén todo aquilo que nos identifica como territorio.

Pero queremos aproveitar este día para falar dun problema que cada vez nos afecta máis no ámbito dixital.

Estamos fartas e fartos de ver como plataformas como Google ou Meta inventan nomes para moitos lugares de Galicia e acaban converténdoos en algo “normal”.

É un problema real.

Como estudo creativo e dixital, traballamos facendo campañas de publicidade por toda Galicia. E moitas veces atopámonos con situacións absurdas: lugares que non aparecen co seu nome real, sitios imposibles de localizar ou campañas que non podemos configurar porque descoñecemos a suposta “tradución” que decidiron usar esas plataformas.

A primeira vez que fixemos unha campaña para O Carballiño estivemos case unha hora sen entender por que Meta non atopaba o lugar.
A razón? Había que escribir “Carballino”.

E así constantemente.

O problema xa non é só ver “Orense” nun mapa.
O problema é que o dixital acaba condicionando como a xente busca, localiza e entende o territorio.

Porque non ten ningún sentido que nun cartel de estrada poña Chantada e no GPS apareza “Clavada”.
Igual que tampouco o ten que cando viaxamos por Francia, Italia ou Alemaña os mapas respecten os nomes reais dos lugares… pero aquí non.

Defender o galego non é só cuestión de literatura nin dun día ao ano.
Tamén é defender a nosa toponimia, os nomes das nosas vilas e a forma na que habitamos o territorio.

Porque os nomes dos lugares non se inventan.
Respéctanse.

Pitucas Galletas Gourmet estrea nova imaxe.Unha identidade que nace do esencial: da materia prima, do proceso e da tradi...
05/05/2026

Pitucas Galletas Gourmet estrea nova imaxe.
Unha identidade que nace do esencial: da materia prima, do proceso e da tradición reinterpretada.

Esta evolución recolle a orixe da marca e lévaa cara unha linguaxe máis clara, coidada e contemporánea, onde cada elemento pon en valor o que realmente importa: o produto.

Un cambio que non busca romper co pasado, senón reforzalo, dándolle forma a unha marca máis sólida, recoñecible e coherente en todos os seus puntos de contacto.

Identidade creada por SondeOU, dende a estratexia e o deseño.

-

Pitucas estrena nueva imagen.
Una identidad que nace de lo esencial: de la materia prima, el proceso y la tradición reinterpretada.

Esta evolución recoge el origen de la marca y lo traslada a un lenguaje más claro, cuidado y contemporáneo, donde cada elemento pone en valor lo realmente importante: el producto.

Un cambio que no busca romper con el pasado, sino reforzarlo, dando forma a una marca más sólida, reconocible y coherente en todos sus puntos de contacto.

Identidad creada por SondeOU, desde la estrategia y el diseño.

Dirección

Puga Toén
Orense
32940

Horario de Apertura

Lunes 09:00 - 15:00
Martes 09:00 - 15:00
Miércoles 09:00 - 15:00
Jueves 09:00 - 15:00
Viernes 09:00 - 15:00

Página web

Notificaciones

Sé el primero en enterarse y déjanos enviarle un correo electrónico cuando Sondeou publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

Atajos

Compartir

Categoría