04/11/2026
🥽 Completamos as dúas primeiras paradas de EVOCAMIÑO en Oia e O Porriño, un novo proxecto no que temos a sorte de contar, unha vez máis, coa colaboración de AFAGA Alzheimer.
Levamos anos compartindo proxectos e experiencias con AFAGA, explorando como a tecnoloxía e a innovación poden contribuír ao benestar, á estimulación cognitiva e á mellora da calidade de vida das persoas maiores e das persoas con deterioración cognitiva.
EVOCAMIÑO é un novo paso neste camiño conxunto, no que a realidade virtual, a memoria e as emocións se unen para achegar o patrimonio e as vivencias do Camiño de Santiago dun xeito diferente.
Grazas a todo o equipo de AFAGA pola confianza, a implicación e por seguir acompañándonos nesta aventura. 💙
