18/08/2026
車Cam學堂EP.4
如何選擇記憶卡
相信大家呢一個問題成日都會發生，究竟我買乜嘢記憶卡最好??，容量係咪越大越好?? 乜嘢牌子最好?? 但係而家啲記憶卡又好貴，究竟點樣揀呢???😔🤔 以下係我自己一個小小建議，大家作一個參考，始終決定權喺你手上😊
點解今日我會出呢一個Post?? 就係因為今朝收到一個客人查詢，因為發生咗小小交通意外，然之後睇返我車Cam嘅片段,發覺最重要嗰部分冇咗, 但係明明有錄到,唔知點解去到碰撞嗰刻就冇咗😭🤕呢啲情節係咪熟口熟面呢,自己有冇發生過呢一個情況?? 好多時車主都會覺得啊個車Cam可能係壞咗喇, 或者唔夠好等等........ 其實亦都唔排除呢一個情況發生😜，但我哋做咁耐，往往個重點就係入錯咗一張記憶卡🥺🤐噉究竟點樣揀一張記憶卡好呢??
首先你要知道自己用緊嘅車Cam, 佢行緊咩K數, 例如前4K後4K, 前4K後2K, 前後2K, 前後1080p 等等，因為而家啲車Cam越出越好，又有AHD HDR, 又有Digital HDR....
基本上最新型號車Cam, 買記憶卡格式最好有
U3 V30 A2 這幾個參數，因為如果冇呢一個參數，好多時會有漏錄嘅情況，或者錄製影片唔暢順，因為讀寫速度唔夠快，就會有呢個情況發生😉因為好多時自己屋企有一啲舊卡，可能容量比較大，車主往往都會擺返入去換咗嘅新機裏邊，咁樣真係好容易會奶野😌因為讀寫速度唔夠快，就算一張大容量嘅記憶卡入去
都冇用😨呢個就係一般客戶常見問題
係咪我買一張最新最快既卡插入任何車Cam,咁就包冇衰啦？！咁又未必，好似我之前所講你要睇下你部機行什麽規格，如果你部機已經係兩三年前，前後得1080p 你就唔需要買咁快卡，U3 V30 A1 已經足夠應付😊
其實有時我見好多客嘅記憶卡,舊到U1 10 Class 都有😂😭呢啲我就建議真係唔好用😆
其次另外一個問題就係我買幾大容量嘅記憶卡?
其實我自己就用緊128GB 😆😆, 我唔使追求512或者256個原因，係因爲我每日都會用車，因為通常我攞片都會係攞返最近嘅時間，好少會攞返一個禮拜之前，又或者咁講😄因爲我每日都用車所以有時都未必攞得返一個星期前嘅片，而且越大記憶容量嘅記憶卡,會對機器嘅存取都會有負荷, 究竟用幾大嘅記憶卡係好視乎你哋自己嘅需要,或者咁講，呢一個係冇固定答案😂😃同埋買卡之前都應該要瞭解部機器最大支援容量幾多
最後市面上仲有啲防高溫嘅記憶卡叫 High Endurance, 但佢就無出A2，我自己就寧願用A2 而沒有耐高溫功能,當然如果你揀到幾樣都有曬梗係最好,但呢一張咭就會好貴😂😆😆
最後安裝完新車Cam 嘅車主, 最好得閒Dowload 啲片落嚟睇睇,有冇我講以上嘅情況,例如佢會唔暢順,漏錄嘅情況，及早解決呢一個問題，咁樣就安心用車😆😆呢一個post我就唔介紹用邊個牌子,因為唔係廣告時間,可以上網做下功課就會知道😊🤓
好落堂!!
