Hi-Tech Digital Studio

14/05/2026

07/04/2026

ആവേശം വാനോളം ഉയർത്തി ഷാഫി പറമ്പിലിന്റെ റോഡ് ഷോ ചാരുംമൂട് / കായംകുളം : കാത്ത് നിന്ന പ്രവർത്തകർക്കിടയിലേക്ക് ഷാഫി പറമ്പിൽ എംപിയുടെ റോഡ് ഷോ എത്തിയപ്പോൾ ആവേശം വാനോളമുയർന്നു. മാവേലിക്കര, മണ്ഡലം യു ഡി എഫ് സ്ഥാനാർഥി അഡ്വ മുത്താര രാജിന്റെയും കായംകുളം മണ്ഡലം സ്ഥാനാർഥി അഡ്വ എം ലിജുവിന്റെയും തെരഞ്ഞെടുപ്പ് പ്രചാരണ പ്രവർത്തനങ്ങൾക്ക് ഊർജം പകരാനാണ് കെ പി സി സി വർക്കിംഗ് പ്രസിഡന്റ് ഷാഫി പറമ്പിൽ എം പി റോഡ് ഷോ നടത്തിയത്. റോഡ് ഷോ കാണാനും അണിചേരാനും പ്രവർത്തകർ ഒഴുകിയെത്തിയപ്പോൾ ഗ്രാമവും നാടും ആവേശത്തിലായി. മാവേലിക്കര മണ്ഡലത്തിലെ യു ഡി എഫ് സ്ഥാനാർഥി അഡ്വ മുത്താര എം രാജിനൊപ്പം തുറന്ന ജീപ്പിൽ സഞ്ചരിച്ചുള്ള ഷാഫി പറമ്പിലിന്റെ റോഡ് ഷോ ഇന്നലെ രാവിലെ എട്ടിന് ചുനക്കര തെരുവിൽ മുക്കിൽ നിന്നും ആരംഭിച്ച് ചാരുംമൂട് താമരക്കുളം വഴി ചൂനാട് സമാപിച്ചു. കായംകുളം മണ്ഡലത്തിലെ റോഡ് ഷോ രാവിലെ പത്തിന്എ രുവ ക്ഷേത്രത്തിന് സമീപത്ത് നിന്നും ആരംഭിച്ച് പുല്ലുകുളങ്ങരയിൽ സമാപിച്ചു.സ്ഥാനാർഥി എം ലിജുവിനൊപ്പം തുറന്ന ജീപ്പിൽ വോട്ട് അഭ്യർത്ഥിച്ച് ഷാഫിയുടെ റോഡ് ഷോയിൽ അണിനിരക്കാൻ നൂറ് കണക്കിന് പ്രവർത്തകരാണ് ഒഴുകിയെത്തിയത്.