11/07/2021
عزيزي المشترك عند حدوث قطع بخدمة الأنترنت يجب التاكد من ان القطع عندك لو من عند ابو البرج:-
1- اول شي افتح اي تطبيق مثلا ( يوتيوب _ فيس _ ماسنجر) وتشوف الخلل من برنامج واحد لو بالجميع او يجوز موبايلك فقط غير شغال والباقي طبيعي.
2- اذا كان اليوزر بالنانو و فصلت الخدمة تكدر تفتح الراوتر وتشوف اكو ايبيات موجودة لو كلها صفررر
اذا اكو ايبيات افتح البرج واتاكد من البرج شغال وأنه الواير Lan 0 يقراا 100 ميكا فول وليس 10 ميكا فول.
3- حاول تتأكد من الاشارة مالتك دائما وتتأكد من الواير يكون مابينو شي وما يدخل من خلال باب او شباك لان اي ضرر بالواير يمكن يعمل قطع داخلي.
واذا ماكنت تعرف كل هاي الشغلات ممكن تشوف النانو مالتك عالك اضوية لو طافي حتى تعرف انه الخلل من الواير لو غير شغلة.
* - اذا كان عندك عاكسة وجهازك شغال ٢٤ ساعة حاول كل يوم او يومين ترست الجهاز حتى لا يصفن او تعلك الاجهزة
واذا ما عرفت كل هاي خابر على الوكيل وهو راح ينجاز بالسالفة 🌹🌹
