KOOMPI

18/05/2026

ISI Dangkor Senchey មិនត្រឹមតែជាក្លិបបាល់ទាត់នោះទេ ក្នុងនោះដែលក៏បានបូករួចជាមួយនិងថ្នាក់សិក្សាផ្នែកឌីជីថល ដើម្បីជាស្ពានចម្លងយុវជនទៅកាន់ពិភពឌីជីថលមួយផ្នែកទៀត! 🌐✨ យើងជឿជាក់ថា យុវជនសម័យថ្មីត្រូវតែមានភាពវៃឆ្លាតទាំងផ្នែកកាយសម្បទា (កីឡា) និងប្រាជ្ញាស្មារតី (ចំណេះដឹងឌីជីថល) ដើម្បីដើរទាន់ការវិវត្តនៃសង្គមបច្ចុប្បន្ន។
អ្វីដែលកាន់តែពិសេស និងគួរឲ្យមានមោទនៈភាពក្នុងវីដេអូនេះ គឺលោកគ្រូ សួង ភីរម្យ ដែលជាគ្រូបង្វឹកផ្នែកអ្នកចាំទី (Goalkeeper Coach) ដ៏ឆ្នើមរបស់ក្លិប ISI ក៏បានចូលរួមសិក្សាផ្នែកឌីជីថលនេះផ្ទាល់តែម្តង! 🧠💻 លោកគ្រូថែមទាំងបានចែករំលែកនូវមតិខ្លះៗជុំវិញការសិក្សារបច្ចេកវិទ្យាថ្មីនេះទៀតផង។
ទស្សនាវីដេអូនេះទាំងអស់គ្នា 🎬👇
#លោកគ្រូសួងភីរម្យ

09/05/2026

ការរួមបញ្ចូលគ្នានៃសមត្ថភាព និងការច្នៃប្រឌិតនៅ ISI Dangkor Senchey ⚽️💻

មជ្ឈមណ្ឌលហ្វឹកហាត់ថ្មីរបស់ ISI Dangkor Senchey មិនមែនគ្រាន់តែជាវាលស្មៅសម្រាប់ពង្រឹងសមត្ថភាពកីឡាប៉ុណ្ណោះទេ ប៉ុន្តែថែមទាំងជា «ថ្នាលបណ្តុះចំណេះដឹងឌីជីថល» ដ៏ទំនើបផងដែរ។ ក្រុមការងារ KOOMPI បានចុះរៀបចំ និងដំឡើងប្រព័ន្ធកុំព្យូទ័រចំនួន ១២ គ្រឿង ដោយផ្ទាល់ ដើម្បីបង្កើតជាថ្នាក់រៀនបច្ចេកវិទ្យាដ៏រស់រវើកមួយសម្រាប់យុវជន។ ✨

នៅទីនេះ យុវជនជំនាន់ក្រោយនឹងទទួលបានឱកាសមាសក្នុងការ៖
✅ Master Digital Skills: រៀនប្រើប្រាស់កុំព្យូទ័របែបទំនើបឱ្យស្របតាមសម័យកាល។
✅ Ignite Creativity: បណ្តុះការច្នៃប្រឌិត និងការស្វែងរកចំណេះដឹងថ្មីៗក្នុងពិភពអ៊ីនធឺណិត។
✅ All-Round Growth: រីកចម្រើនទាំងកម្លាំងកាយ (កីឡា) និងកម្លាំងបញ្ញា (ការអប់រំឌីជីថល)។

ការបញ្ចូលគ្នារវាង «កាយសម្បទា» និង «បច្ចេកវិទ្យា» គឺជាទស្សនវិស័យដ៏ឆ្លាតវៃរបស់ក្លិបបាល់ទាត់ ISI Dangkor Senchey ក្នុងការកសាងធនធានយុវជនឱ្យកាន់តែរឹងមាំ និងដើរទាន់ពិភពលោក។ 🚀កីឡាករមានសមត្ថភាព យុវជនមានចំណេះដឹង!

02/05/2026

ការនាំយកពន្លឺឌីជីថលទៅកាន់តំបន់ដាច់ស្រយាល 🇰🇭💻

នេះគឺជាទិដ្ឋភាពខ្លះៗនៃសកម្មភាពក្រុមការងារ KOOMPI ក្នុងបេសកកម្មចុះដំឡើង និងបំពាក់គ្រឿងបង្គុំកុំព្យូទ័រដល់ «ថ្នាក់រៀនឌីជីថល» ក្នុងតំបន់រងគ្រោះ។ គោលដៅធំបំផុតរបស់យើង គឺការធានាថាប្អូនៗគ្រប់រូប មិនថាស្ថិតក្នុងកាលៈទេសៈណាក៏ដោយ ក៏ត្រូវតែមានឱកាសប្រើប្រាស់បច្ចេកវិទ្យាដ៏ទំនើប ដើម្បីកសាងអនាគតប្រកបដោយគុណភាព។ ✨

ការចុះមកដល់ទីតាំងផ្ទាល់នេះ មិនមែនត្រឹមតែជាការផ្ដល់ជូននូវឧបករណ៍បច្ចេកទេសប៉ុណ្ណោះទេ ប៉ុន្តែគឺជាការ ‘ដុតកម្លាំងចិត្ត’ និងការ ‘បណ្ដុះការច្នៃប្រឌិត’ ដល់ប្អូនៗ៖
✅ ស្វែងយល់ពីពិភពឌីជីថលដែលគ្មានដែនកំណត់
✅ ពង្រឹងជំនាញប្រើប្រាស់កុំព្យូទ័រឱ្យមានប្រសិទ្ធភាព និងទំនុកចិត្ត
✅ បើកផ្លូវសម្រាប់ការស្រាវជ្រាវ និងការសិក្សាដោយខ្លួនឯង (Self-Learning)

លើសពីនេះ ម៉ាស៊ីននីមួយៗត្រូវបានដំឡើងយ៉ាងសម្រិតសម្រាំងនូវ «កម្មវិធីសិក្សាដ៏សម្បូរបែប» ដែលជាឃ្លាំងចំណេះដឹងសម្រាប់អនុវត្តផ្ទាល់ និងការសិក្សាគ្រប់ជ្រុងជ្រោយ ដើម្បីត្រៀមខ្លួនសម្រាប់ពិភពលោកនាពេលអនាគត។ 🚀📖

25/04/2026

នេះគឺជាទឹកមុខដ៏សប្បាយរីករាយរបស់ប្អូនស្រី ទួត ទេវី សិស្សានុសិស្សមកពីសាលាបឋមសិក្សាបន្ទាយមានរិទ្ធិ ក្នុងតំបន់បឹងត្រកួន ខេត្តបន្ទាយមានជ័យ។ សម្រាប់ប្អូនស្រី និងមិត្តភក្តិរួមថ្នាក់ ការមានវត្តមាន ‘ថ្នាក់រៀនឌីជីថល’ មិនត្រឹមតែជាការរៀនសូត្រថ្មីមួយប៉ុណ្ណោះទេ ប៉ុន្តែវាគឺជាការបើកទ្វារទៅកាន់ពិភពលោកដ៏ធំទូលាយដែលពួកគេមិនធ្លាប់បានជួបប្រទះពីមុនមក។ 💻🇰🇭

ប្អូនស្រីបានចែករំលែកទាំងស្នាមញញឹមថា ការបានប៉ះ និងរៀនប្រើប្រាស់កុំព្យូទ័រផ្ទាល់ បានធ្វើឱ្យប្អូនយល់ដឹងកាន់តែច្រើន និងប្លែកភ្នែកជាមួយមេរៀនទំនើបៗជាច្រើន។

ដើម្បីគាំទ្រដល់ការសិក្សានេះ ក្រុមការងារ KOOMPI បានបញ្ចូលកម្មវិធីសិក្សារបស់ក្រសួងអប់រំ យុវជន និងកីឡា ដែលមានវីដេអូមេរៀនជាង ១០,០០០ វីដេអូ ទៅក្នុងម៉ាស៊ីនរួចជាស្រេច។ នេះគឺជាឃ្លាំងចំណេះដឹងដ៏ធំសម្រាប់ប្អូនៗក្នុងតំបន់ភៀសសឹក ឱ្យមានឱកាសសិក្សាបន្ថែមយ៉ាងសម្បូរបែប និងស្មើភាពក្នុងសម័យកាលបច្ចេកវិទ្យា។ 📖🚀

11/04/2026

KOOMPI បន្តបេសកកម្មពង្រីកវិសាលភាពអប់រំបែបបច្ចេកវិទ្យា តាមរយៈការបង្កើតថ្នាក់រៀនឌីជីថលនៅសាលាបឋមសិក្សាកណ្ដោល ដែលជាតំបន់ប្រមូលផ្តុំដោយកុមាររងគ្រោះ និងសិក្សានុសិស្សក្នុងជំរុំភៀសសឹក។ 🇰🇭✨

យើងជឿជាក់ថា បច្ចេកវិទ្យាគឺជាស្ពានចម្លងប្អូនៗទៅកាន់ចំណេះដឹងថ្មីៗដែលគ្មានដែនកំណត់។ 🌉💻 ក្រុមការងារយើងមិនត្រឹមតែផ្ដល់នូវសម្ភារៈបច្ចេកទេសប៉ុណ្ណោះទេ ប៉ុន្តែថែមទាំងបានរៀបចំវគ្គបណ្តុះបណ្តាលការប្រើប្រាស់កុំព្យូទ័រជូនដល់លោកគ្រូ-អ្នកគ្រូ ដើម្បីធានានូវនិរន្តរភាពនៃការសិក្សារបស់សិស្សានុសិស្ស។ 👩‍🏫👨‍🏫📖

06/04/2026

សកម្មភាពខ្លះៗរបស់ក្រុមការងារ KOOMPI ក្នុងការនាំយកបច្ចេកវិទ្យាទៅកាន់ប្អូនៗសិស្សានុសិស្ស! 💻✨

គោលបំណងធំបំផុតរបស់យើង គឺចង់ឱ្យប្អូនៗទទួលបានបទពិសោធន៍សិក្សាបែបឌីជីថលថ្មីៗ ដែលពួកគាត់មិនធ្លាប់បានជួបពីមុនមក។ ក្នុងនោះដែរ យើងបានរៀបចំ៖
📚 វីដេអូមេរៀនច្រើនជាង ១០,០០០ វីដេអូ
🖥️ មេរៀនមួលដ្ឋានគ្រឹះនៃការប្រើប្រាស់កុំព្យូទ័រសម្រាប់កម្រិតដំបូង

ក្រៅពីការរៀបចំថ្នាក់រៀន ក្រុមការងារក៏បានធ្វើការណែនាំ និងចែករំលែកបច្ចេកទេសប្រើប្រាស់ដល់លោកគ្រូ-អ្នកគ្រូ ដើម្បីធានាថាការបង្រៀនតាមបែបឌីជីថលនេះនឹងប្រព្រឹត្តទៅយ៉ាងរលូន និងមានប្រសិទ្ធភាពខ្ពស់បំផុត។ 👨‍🏫👩‍🏫

អ្វីដែលកាន់តែរំភើប គឺការឃើញប្អូនៗចាប់ផ្តើមសាកល្បងប្រើប្រាស់កុំព្យូទ័រផ្ទាល់ និងអនុវត្តមេរៀនដែលយើងបានរៀបចំជូនដោយក្តីសប្បាយរីករាយ! 🇰🇭🌟

#ការអប់រំឌីជីថល #កុមារកម្ពុជា

25/03/2026

🎙 អ្នកនាង ឃុន គីមហៃ ជាម្ចាស់សិប្បកម្ម គ្រឿងឃុន នៅខេត្តបាត់ដំបង បានចែករំលែកនូវចំណាប់អារម្មណ៍ដ៏មានអត្ថន័យ បន្ទាប់ពីបានចូលរួមវគ្គបណ្តុះបណ្តាលស្តីពី «ការគ្រប់គ្រងប្រតិបត្តិការ និងការប្រើប្រាស់ឌីជីថលក្នុងអាជីវកម្ម»។ 🚀✨

🎙 Mrs. Khun Kimhai, Owner of Krueng Khun Enterprise in Battambang province, shared her insightful impressions after participating in a training course on "Operation Management and Digital Transformation". 📈💻

| | |

23/03/2026

19/03/2026

វគ្គបណ្ដុះបណ្ដាលរយៈពេល ៤ ថ្ងៃ ស្ដីពី «ការគ្រប់គ្រងប្រតិបត្តិការ និងការប្រើប្រាស់ឌីជីថលក្នុងអាជីវកម្ម» ត្រូវបានបញ្ចប់ដោយជោគជ័យ! 🚀✨

កាលពីពេលថ្មីៗនេះ នៅខេត្តកំពង់ចាម កម្មវិធីបណ្ដុះបណ្ដាលពិសេសមួយត្រូវបានរៀបចំឡើងក្រោមកិច្ចសហការរវាងក្រុមហ៊ុន KOOMPI 🤝 UNIDO គោលបំណងចម្បងនៃគំនិតផ្ដួចផ្ដើមនេះគឺ៖

✅ លើកកម្ពស់ផលិតភាព៖ ពង្រឹងសមត្ថភាពសហគ្រាសធុនតូច និងមធ្យម (SMEs) ឱ្យកាន់តែរឹងមាំ។
✅ ការប្រកួតប្រជែង៖ ជំរុញការប្រើប្រាស់បច្ចេកវិទ្យាឌីជីថលក្នុងអាជីវកម្ម។
✅ និរន្តរភាពការងារ៖ បង្កើតវិថីអាជីពដ៏ល្អប្រសើរ និងរឹងមាំសម្រាប់យុវជនកម្ពុជា។ 🇰🇭💎

យើងជឿជាក់ថា ការផ្លាស់ប្ដូរឆ្ពោះទៅរកឌីជីថល គឺជាសោរគ្រាប់ដ៏សំខាន់សម្រាប់កំណើនសេដ្ឋកិច្ចនាពេលអនាគត! 📈🌐

🇬🇧 English
A successful 4-day training on Operation Management and Digital Transformation recently wrapped up in Kampong Cham! 🚀✨

Organized in collaboration with KOOMPI 🤝 UNIDO, this initiative aims to boost SME productivity and competitiveness, creating more sustainable career paths for young people in Cambodia. 🇰🇭💎 digital adoption is the key to future economic growth! 📈🌐

18/03/2026

លោកស្រី លី សៃផេង ម្ចាស់សិប្បកម្មម៉ីសុវណ្ណ បានចែករំលែកនូវចំណាប់អារម្មណ៍បន្ទាប់ពីបានចូលរួមវគ្គបណ្តុះបណ្តាលស្តីពីការគ្រប់គ្រងប្រតិបត្តិការ និងការប្រើប្រាស់ឌីជីថលក្នុងអាជីវកម្ម នៅខេត្តកំពង់ចាម។

Mrs. Ly Saipheng, owner of Mei Sovann Enterprise, shared her impressions after attending a training course on operations management and digital adoption in business, held in Kampong Cham province.