24/07/2026
💡 කොරියාවේ ජීවත් වන ලාංකිකයන්ට වැදගත් පණිවිඩයක්! 💡
ඔබත් 당근마켓 හරහා පාවිච්චි කළ මෝටර් රථ මිලදී ගැනීමට බලාපොරොත්තු වෙනවාද? එහෙනම් මේ දේවල් ගැන අනිවාර්යයෙන්ම දැනුවත් වෙන්න.
පාවිච්චි කළ වාහන වෙළඳාමේදී සිදුවිය හැකි ප්රධාන වංචා ක්රම කිහිපයක් සහ ඉන් ආරක්ෂා වන ආකාරය පහත දැක්වේ. 👇
🚨 ප්රධාන වංචා වර්ග:
බෙදා හැරීමේ වංචා: බෙදා හැරීමේ සේවාවක් හරහා වාහනය එවන බව පවසා මුදල් ලබාගෙන, වාහනය ලබා නොදීම.
ව්යාජ දැන්වීම්: නොපවතින හෝ තමන්ට අයත් නොවන (උදා: කුලියට ගත්) වාහන විකිණීමට තිබෙන බව පවසමින් දැන්වීම් පළ කිරීම.
තුන්වන පාර්ශ්ව වංචා: විකුණුම්කරු/ගැනුම්කරු අතරමැදියෙකු ලෙස පෙනී සිටිමින් මුදල් වංචා කිරීම.
තොරතුරු සැඟවීම: වාහනයේ අනතුරු සිදු වූ වාර්තා, අඩුපාඩුකම් හෝ ධාවනය කළ දුර (mileage) වෙනස් කර විකිණීම.
✅ වංචාවන්ගෙන් ආරක්ෂා වන්නේ කෙසේද?
කිසිම විටෙක පෙර ගෙවීම් (Down payment) නොකරන්න.
වාහනය පෞද්ගලිකව හමුවී පරීක්ෂා කර, ධාවනය කර බලන්න.
ලිපිලේඛන නිවැරදිදැයි පරීක්ෂා කරන්න (වාහන ලියාපදිංචි සහතිකය, හැඳුනුම්පත යනාදිය).
සහතික කළ විකුණුම්කරුවෙකුගෙන් (උදා: KAIDA නිල ඩීලර්) මිලදී ගැනීමට උත්සාහ කරන්න.
වෙළඳපොළ මිල ගණන් සංසන්දනය කරන්න (මිල අධික ලෙස අඩු වාහන ගැන සැක කරන්න).
🚨 ඔබ වංචාවකට හසු වුවහොත්?
පොලිසියට පැමිණිලි කරන්න: විකුණුම්කරු සමඟ කළ සංවාද (Chatting), මුදල් තැන්පත් කළ රිසිට්පත්, වාහනයේ ඡායාරූප, ගනුදෙනු විස්තර වැනි සියලු සාක්ෂි එකතු කර පොලිසියට ඉදිරිපත් කරන්න.
당근마켓 වෙත වාර්තා කරන්න: 당근마켓 ඇප් එකට ගොස් '신고하기' (Report) තෝරා අදාළ වංචාව ගැන දැනුම් දෙන්න.
🌎 පරිවර්තන සහ නීති උපදෙස්:
서울외국인주민센터 (Seoul Foreigner Resident Center) හරහා ඔබට අවශ්ය සහාය ලබා ගත හැකිය. (දුරකථන: 02-2229-4900 /email : [email protected])
පරිවර්තන සහ නීති උපදෙස් සඳහා පෙර වෙන් කරවා ගැනීමක් අනිවාර්ය වේ.
ඉංග්රීසි, චීන ඇතුළු භාෂා 7 කින් මෙම සේවාව ලබා ගත හැකිය.
ඔබේ මිතුරන්වත් දැනුවත් කරන්න!
#කොරියානුජීව්තය
