21/04/2021
شنو هوا Suivi client أو المتابعة بالنسبة ليا
من بعد ما كانشد ذاك المشروع وكنكسب تقة العميل ديالي وكنبدا الخدمة .
وصط وانا خدام كنبقا نطرح افكار على العميل لتحسين جودة الموقع والوصول الى نتيجة نهائية منها كنطور راصي ومنها كنحسن من جودة العمل لي انعطي في الاخير , ونفس الوقت كنزيد نخلي العميل يتيق فيا مزيان ويقد يسلمني زمام الامر باش نتحكم في المشروع كامل ونعطيهم نتيجة مرضية للمرحلة التسليم المشروع .
وهاد شي كامل راه مكيجيش من فراغ.
قبل ما ماكنشد لبروجي راه كندير دراسة مبسطة على داك المشروع وكنقلب على المنافسين ديالو باش نشوف اش دايرين عاد كنبدا العمل وفي الاخير كتجي مرحلة التسليم .
من بعد ما كنسلم المشروع كنشد 💲 راه ماتنقولش لكليان 👋
بالعكس كتبقا متابعة من طرفي مرة مرة نسول فيه لا بان ليا شي جديد يقد يفيدو كنقتارحو عليه وماشي بالضرورة بمقابل مادي 💲
ولاكن هنا كتبين ليه بلي راك جنبو اي وقت حتاجك راه يلقاك متلا مرة مرة تعلمو كيفاش يقاد شي حاجة
كيفاش يلوح بوصط في Instagram ولا Facebook ولا كيفاش يحسن المحتوى ديالو شنو الجديد في الميدان وهكدا كتبقا غادي وحاجة كتجيب
حاجة .
ماتنساش هنا راه كتبني carrière ديالك وكتحط البصمة ديالك في السوق. حيت في الاول والاخير راه اسمك وسمعة ديالك هيا الي كاتفرق
والله المستعان
غير صفي نيتك
