05/08/2026
Новости од нас - денес го објавуваме новиот правец на кој тајно работиме веќе повеќе од година дена за нашиот проект Angelic : Dark Symphony. Објавата е дека веќе работиме на singleplayer компонентата, што е силно наративно водена кампања која се фокусира на хероите во играта, и се одвива во мрачниот sci-fi свет во кој се наоѓаат. Ова не е на татко ти играта - овде има истурени утроби, крвишта и отсечени екстремитети, сето тоа завиткано во епска приказна која се протега низ цел универзум.
Во минатите месеци снимавме глумци тука во Македонија за ликовите во играта, и една од откритијата беше нашата глумица Dimitrina Mickoska која толку добро ја отелотвори главната хероина, што освен анимациските покрети и го позајмивме и гласот, скоро непроменет (таа е црвенокосата хероина со словенско потекло). Снимавме и други, се надеваме да продолжиме и понатаму.
Проектов долго го работиме, помина низ многу фази, премрежија и реинтерпретации. Но конечно мислиме дека ја добива својата конечна форма.
Ова не е некое игриче - ова е сериозен AAA проект кој принципиелно е продукција на талент од Македонија во копродукција со нашите партнери во Турција, Русија, Иран (да, тој Иран), Германија, Шри Ланка, Бангладеш и други! Долго време работиме да ја ставиме Македонија на светската мапа за популарна култура - и на крај којзнае колку ќе ни успее, ама нема да престанеме да се трудиме.
Во играва, освен со технологија и програмерски талент, работиме и на гејм дизајнот, графичкио дизајн и наративот!
Don't miss the Cinematic Teaser Trailer for Angelic: Dark Symphony,...
