06/05/2026
Kënaqësi e veçantë për ekipin tonë të zhvillonte një sesion informues me nxënësit e shkollës SH.F. “7 Marsi” në Çair - Shkup.
Gjatë këtij takimi, patëm mundësinë të prezantojmë dhe demonstrojmë nga afër se si Eko Lab mund të shërbejë si një mjet i dobishëm dhe praktik për edukimin e të rinjve mbi çështjet mjedisore. Nxënësit u njohën me mënyra konkrete se si teknologjia dhe qasjet inovative mund t’i ndihmojnë ata të kuptojnë më mirë rëndësinë e mbrojtjes së ambientit dhe të kontribuojnë aktivisht në komunitetin e tyre.
Një falënderim i veçantë shkon për prof. Adriatik Zeqiri për demonstrimin praktik të matjes së temperaturës dhe lagështisë përmes pajisjeve Arduino, duke e bërë sesionin edhe më interaktiv dhe tërheqës për nxënësit.
Interesimi dhe energjia e tyre ishin motivim i madh për ne që të vazhdojmë me iniciativa të tilla në të ardhmen.
