24/05/2026
ဒီလပိုင်းတွေမှာ ဆိုင်မှာရောင်းနေတဲ့ Computer Parts တွေဖြစ်တဲ့ CPU, Graphic Card, RAM, SSD, HDD နဲ့ Memory Devices တွေရဲ့ ဈေးနှုန်းတွေဟာ ကြောက်စရာကောင်းတဲ့ နှုန်းနဲ့ ခုန်ပြီး တက်သွားပါတယ်။ အရင် ၁ သိန်းနဲ့ ရောင်းတဲ့ပစ္စည်းက အခု ၃ သိန်း ဖြစ်သွားတဲ့အထိ ခုန်တက်သွားတာမျိုးပါ။
တရားခံကတော့ AI ပါ . . .
AI နည်းပညာ Booming ဖြစ်လာတာကြောင့် AI Server တွေ၊ Data Center တွေ၊ Cloud AI System တွေအတွက် High Performance RAM တွေ၊ SSD တွေ၊ GPU တွေ အပါအဝင် Semiconductor Chip တွေကို အလွန်အကျွံ လိုအပ်လာပါတယ်။
ChatGPT လို AI System တွေ၊ AI Video Generation တွေ၊ AI Cloud Service တွေ အလုပ်လုပ်ဖို့ RAM အများကြီးလိုသလို Ultra-fast SSD Storage တွေ၊ Networking Chip တွေ၊ High-speed Processor တွေနဲ့ Data processing infrastructure တွေ အများကြီး လိုအပ်ပါတယ်။
လတ်တလော ဖြစ်နေတဲ့ အနေအထားက Global Semiconductor Market တစ်ခုလုံးကို AI က ဆွဲခေါ်သွားတဲ့ အခြေအနေပါ . . .
ဒီပစ္စည်းတွေထုတ်တဲ့ ကုမ္ပဏီကြီးတွေကလဲ Profit Margin ပိုများပြီး Order Volume အရမ်းကြီးတဲ့ AI Enterprise အတွက်ပဲ ပိုပြီး ဦးစားပေးထုတ်လုပ်လာတာကြောင့် ပုံမှန်လူတွေ အသုံးပြုနေတဲ့ Desktop/Laptop တွေရဲ့ CPU, RAM, SSD, HDD အပါအဝင် Consumer Hardware တွေအတွက် Supply က မလုံလောက်တော့ဘူး။
Demand က မြင့်၊ Supply က မလုံလောက်တဲ့အခါ ဈေးတွေ မတရား ခုန်တက်လာတာပါ။
အခုခေတ်မှာ AI ဟာ Software Industry ကိုပဲ ပြောင်းလဲနေတာ မဟုတ်တော့ဘဲ Semiconductor Industry နဲ့ Computer Hardware Market တစ်ခုလုံးကိုပါ ပြောင်းလဲနေတဲ့ အဆင့်ကို ရောက်လာပါပြီ။
ဈေးပြန်ကျနိုင်ဖို့လဲ မမြင်မိသေးပါဘူး။