03/09/2022
ထုတ်ကုန်၊ ရောင်းကုန်တွေမှာ ဒီဇိုင်းတွေ၊ ဓာတ်ပုံတွေ ဘာလို့လိုအပ်တာလဲ?
အရင်ခေတ်တွေတုန်းက အစားအစာတွေ အသုံးအဆောင်ပစ္စည်းတွေကို
အင်ဖက်(သစ်ရွက်)၊ စက္ကူ၊ ပီနံအိတ် အရည်တွေဆိုရင် ချိုင့်(သို့) ပုလင်းတို့ကော်ပုံးတို့နဲ့သယ်ယူကြပါတယ်။ ခေတ်တွေပြောင်းလာတာနဲ့အမျှ ယနေ့မှာတော့ အိမ်တွင်းစီးပွားလေးတွေဖြစ်တဲ့ မြေပဲကြော်၊ အာလူးကြော် စသဖြင့် အထုပ်လေးတွေမှာ ဆိုင်နံမည်၊ မုန့်အမည်တို့ကို စာရိုက်ပြီးဖြစ်စေ ဒီဇိုင်းပုံဖော်ပြီးဖြစ်စေ ရိုက်နှိပ်အသုံးပြုလာကြပါတယ်။
နောက်တစ်ခုက အသင့်စားသောက်ကုန်တွေ ခေတ်စားလာတော့ တစ်ခါသုံး Packing ထုပ်များနဲ့ ဒီဇိုင်းအမျိုးမျိုး အရောင်မျိုးမျိုးကို သုံးပြီး ကြော်ငြာရောင်းချလာပါတယ်။ မူလရိုးရာ ရောင်းဝယ်ဖေါက်ကားခြင်းနဲ့ ကုန်ပစ္စည်းထုတ်လုပ်မှုမှာတောင် Design တွေ ဘယ်လောက်အထိ ပတ်သက်ဆက်နွယ်မှုရှိတယ်ဆိုတာ ထင်ထင်ရှားရှားတွေနေရပါပြီ။ OnLine, Social Media အတွက်ဆိုပိုပြီး ဂရုစိုက်ဖို့အထူးလိုအပ်လာပြီ။ ကိုယ်က ဘယ်သူ့ကိုရောင်းချင်တာလဲ ကိုယ့် Product ကို ဘယ်သူတွေကိုမြင်စေချင်လဲဆိုတဲ့ Audience တွေကိုဆွဲဆောင်နိုင်ဖို့ဆိုတာ ဒီဇိုင်းကောင်းကောင်း(သို့) ဓာတ်ပုံကောင်းကောင်းရိုက်နိုင်ဖို့လဲလိုပါလိမ့်မယ်။ ဒီထက် တဆင့်မြှင့်ချင်တယ် ဒါမှမဟုတ် ကိုယ့် Product ပုံကောင်းမထွက်နိုင်ရင် 3D Design အပ်နှံဖို့တောင်လိုလာပါလိမ့်မယ်။ ကိုယ့် Product ကိုသူများတကာလို Phone နဲ့ရိုက်ပြီးတင်ရင် ကိုရဲ့ Product (or) Brand တွေက ပုံမှန် တင်နေကြ ပုံအဖြစ်နဲ့သာရှိနေမှာပါ။ Design တွေကို Agency ဖြစ်ဖြစ် Freelance Designer တွေကိုပဲဖြစ်ဖြစ် အပ်လိုက်တဲ့အခါမှာ ကိုယ့်ရဲ့ Product တွေက ကိုယ်ပိုင်ပုံစံတစ်ခုအနေနဲ့ အများသူငါကြားထဲမှာကွဲထွက်လာမှာအမှန်ပါ။ လူသိပိုများလာမယ်၊ ကိုယ့်ရဲ့ Product ကိုယုံကြည်မှုပိုရလာစေပါတယ်။ အပေါ်ကပြောခဲ့သလို Agency Vs Freelance ဘာကွာလဲ (မသိသေးတဲ့သူတွေအတွက်) သိချင်မှာအမှန်ပါ။ Agency ဆိုတာကတော့ Team, Group လူအများကြီးနဲ့ အလုပ်လုပ်နေကြတဲ့အဖွဲ့အစည်းတစ်ခုပါ။ တင်ပြချက်တွေပိုမိုကောင်းမွန်မယ် ကိုယ်သုံးနိုင်ရင်သုံးနိုင်သလောက် ကြော်ငြာကဏ္ဏတွေကိုချဲ့ထွင်နိုင်ပါတယ်။ ဒါပေမယ့် Budget သုံးရမယ့် ပမာဏတော့များလာတာပါ့။ ကိုယ်က အသေးစား စီပွားရေး၊ အလတ်စားစီပွားရေး အတွက်(သို့) ငွေကြေး ချွေတာချင်တယ်ဆိုရင်တော့ Freelance Designer တွေနဲ့သာ အမြန်လက်တွဲလိုက်ပါ။ Freelance Designer တွေဆိုတော့ယုံကြည်လို့ရပါမလား? Agency အတွေ့အကြုံ၊ ပုံနှိပ် Media အတွေ့အကြုံစသဖြင့် Traditional, Digital နယ်ပယ်တွေမှာ ဝမ်းစာဖြည့်ပြီးမှ ကိုယ်တိုင်ယုံကြည်မှုအပြည့်နဲ့ Freelance နယ်ပယ်ထဲကို ခြေချကြတာများပါတယ်။ အချိန်ပေးပြီးဖတ်ပေးတဲ့အတွက်ကျေးဇူးနော်🥰
