05/11/2026
Password မေ့လို့ "Forgot password" နှိပ်လိုက်တယ်။
Reset link က ဘယ်ကို ရောက်လဲ။
Email ထဲကိုပေါ့။
Facebook၊ shopping၊ cloud — password မေ့ရင် reset link ကို email ဆီပဲ ပို့တာ များတယ်။
ဒါဆို email တစ်ခုထဲကို ဝင်နိုင်သူက
တခြား တံခါးအားလုံးရဲ့ သော့ကို လက်ထဲ ရသွားပြီ။
အိမ်သော့အပိုတွေ ထည့်ထားတဲ့ ဗီရိုကို သော့မခတ်ဘဲ ထားသလိုပါပဲ။
ဒီအပတ် Update 52 · Practice 10/52 —
Email ကို အရင် သော့ခတ်ပါ။ ပြီးမှ တခြား account တွေ။
Radiance မှာတော့ MFA သုံးတာ ၁၅ နှစ်ဝန်းကျင်ရှိပါပြီ
Microsoft ရဲ့ လေ့လာချက်တစ်ခုမှာ
MFA (password အပြင် code တစ်ခု ထပ်တောင်းတာ) မသုံးတဲ့ account တွေနဲ့ ယှဉ်ရင် ခိုးဝင်ခံရနိုင်ခြေ ၉၉% ကျော် လျော့တယ်လို့ တွေ့ထားတယ်။
Password ပေါက်ကြားပြီးသား account တွေမှာတောင် ၉၈% ကျော် လျော့တယ်။
ဒီနေ့ နှစ်မိနစ်ပဲ —
မိတ်ဆွေ အဓိကသုံးတဲ့ email ကို ဖွင့်ပါ။
Security setting ထဲမှာ 2-Step Verification (MFA) ကို ဖွင့်ပါ။
SMS ထက် authenticator app ကို ရွေးပါ။
Recovery code (ဖုန်းပျောက်ရင် ပြန်ဝင်ဖို့ code) တွေကို စာရွက်ပေါ် ကူးပြီး ဖုန်းနဲ့ အတူ မထားတဲ့ နေရာမှာ သိမ်းပါ။
ရုံးမှာ ကုမ္ပဏီ email ကို ကိုင်ထားတာ ဘယ်သူလဲ။
Viber Group ထဲမှာ "MFA ဖွင့်ပြီးပြီလား" လို့ တစ်ခွန်း မေးကြည့်လိုက်ပါ။
အိမ်မှာလည်း အဖေ အမေ့ Gmail ကို တစ်ခါ ထိုင်ကူပေးလိုက်နော်။
"SMS code ရှိရင် ပြီးပြီ" လို့ ထင်တတ်ကြတယ်။
SMS က MFA မရှိတာထက် အများကြီး ကောင်းတာတော့ အမှန်ပဲ။
ဒါပေမယ့် authenticator app က ပိုကောင်းတယ်။
SMS code က ဖုန်းနံပါတ်ကို လိုက်လာတာ၊ SIM ပြောင်းယူခံရရင် code လည်း သူ့ဆီ ရောက်မယ်။ App code ကတော့ ဖုန်းစက်ထဲမှာပဲ။
ဖွင့်။ ရွေး။ သိမ်း။
Lock the inbox first — every other door opens from it.
Source တွေကို comment မှာ ထည့်ထားပါတယ်နော်။
ကုသိုလ် ၊ ပညာ ၊ ဥစ္စာ တိုးပွားတဲ့ နေ့လေးဖြစ်ပါစေ။
မိတ်ဆွေတို့ရဲ့ မောင်ပီစီ
