15/01/2022
ҮЛ ХӨДЛӨХ ХӨРӨНГӨ + БЛОКЧЭЙН = ҮРГЭЛЖ ХӨДӨЛДӨГ ХӨРӨНГӨ
Өнгөрсөн 7 хоногт "РЭД ДИЖИТАЛ АССЕТ" ХХК-аас “МОНГОЛЫН ҮЛ ХӨДЛӨХ ХӨРӨНГИЙН САЛБАР БА БЛОКЧЭЙН ТЕХНОЛОГИ” нэртэй сонирхолтой уулзалтыг Монголын Барилгын Үндэсний Ассоциацын гишүүд, барилга, үл хөдлөх хөрөнгийн салбарынхны хүрээнд зохион байгууллаа.
Уулзалтыг Монголын Барилгын Үндэсний Ассоциацийн Тэргүүн Дэд Ерөнхийлөгч, "РЭД ДИЖИТАЛ АССЕТ" ХХК-ийн RED ТОКЕН төслийн зөвлөх Н.Баярсайхан “Сүүлийн үед олны анхаарлыг ихээр татах болсон крипто валют, токен зэрэг шийдлүүдийг Монголын барилга, үл хөдлөх хөрөнгийн салбарт нэвтрүүлэх ямар боломж байна, үүний бизнес модель нь хэрхэн хүртээмжтэй, ил тод, тунгалаг, хууль эрхзүйн хүрээнд нийцсэн байж болох тал дээр бид ажиллалаа. Дэлхий даяар нэгэнт эрч хүчээ авсан технологийн дэвшил-дижитал шилжилт бид бүхний уламжлалт амьдралын хэв маяг, аливааг хийх арга барилыг орвонгоор нь өөрчилж эхэллээ. Монголын барилгын салбарынхан энэ өөрчлөлттэй хамт алхахаас биш зугатах, үлдэж хоцрох аргагүй. Гэхдээ, энэ өөрчлөлтийг бид хамтдаа хийх учиртай” гэсэн үгээр эхэлсэн юм.
Түүний үгийг баталж, РЭД ТОКЕН төслийн зөвлөх, ХХБ-ны үүсгэн байгуулагч, Гүйцэтгэх захирал асан Д.Сүх-Эрдэнэ “Койн, токен гэгч зүйл бидний амьдралын нэг хэсэг болж, бодит зүйл болчихоод байна. Тиймээс, үүнээс болгоомжлохын оронд хэрхэн хүмүүст үр ашигтайгаар ашиглаж болохыг судалж, хамтараад хөгжүүлэх хэрэгтэй” хэмээсэн юм.
“РЭД ДИЖИТАЛ АССЕТ” ХХК-ийн “Ред токен” төслийн зөвлөх Г.Батсүх ирсэн зочдод хандан RED токен төсөлд хэрхэн хөрөнгө оруулах, RED токены хэрэглээ, барилгын материалын ханган нийлүүлэгчид, барилгын төсөл хэрэгжүүлэгчид төсөлд хэрхэн хамтран ажиллах боломжтой талаарх мэдээллийг мөн өгсөн юм.
Арга хэмжээний хамгийн сонирхолтой илтгэлийг NASA-тай хамтран ажилладаг, Монголын Сансрын Судалгаа Хөгжүүлэлтийн Төвийн Гүйцэтгэх Захирал Г.Амгаланбаяр тавьсан юм. Түүний илтгэлээс сонирхуулбал,
“Олон хүмүүст криптовалют, койнд эргэлзсэн, зөв үү, буруу эсэхт хариулт авах хүсэлтэй байна. Үүнд хариулт нэхэхийн өмнө, эдгээр зүйлс яагаад бий болох болсон үндсэн шалтгааныг ойлгох хэрэгтэй. Тэгэхгүйгээр криптовалютыг үр ашигтайгаар ашиглаж чадахгүй. Өмнө нь мөнгийг төрийн дэмжлэгтэйгээр, санхүүгийн байгууллагаас босгодог байсан бол блокчэйн технологи бий болсон өнөө үед мөнгийг олон нийтээс босгож, тэр нь олон нийтийн хяналттай байх боломжтой болсон. Ингэснээр, хэт төвлөрсөн байсан, хүнд сурталтай, хүртээмжгүй тогтолцоо задарч байна. Өөрөөр хэлбэл, бид одоо Үл Хөдлөх Хөрөнгө гэж ярьдаг. Үүн дээр блокчэйныг нэмэх юм бол Үргэлж Хөдөлдөг Хөрөнгө болох боломжтой.
“Рэд токен” төслийн удирдагч А.Энхбаяр RED TOKEN-ыг гаргах болсон шалтгааны талаар хэлж Үл хөдлөх хөрөнгийн төсөл хэрэгжүүлэхэд тулгардаг хамгийн том бэрхшээл бол санхүүжилт. Түүнээс болж барилгын ажил зогсож, төлөвлөсөн хугацаандаа ашиглалтанд орж “мөнгө” олох ажлаа хийж чаддаггүй. Тиймээс ихэнх төсөл хэрэгжүүлэгчид банк, санхүүгийн байгууллагаас зээл авч энэ асуудлаа шийддэг бөгөөд үр дагавар нь барилга барих нийт зардлын 30 гаруй хувийг зөвхөн зээлийн хүү эзлэхэд хүрдэг. Энэ нь үл хөдлөх хөрөнгийн үнийг өсгөдөг нь түүнийг худалдан авч буй эцсийн хэрэглэгчдийн худалдан авах чадварт нийцэхгүй байх нь олонтаа. Энэ асуудлын шийдэл нь RED TOKEN байна гэсэн юм.
Арга хэмжээг зохион байгуулагч Рэд Дижитал Ассет ХХК-аас RED (Real Estate Development) TOKEN буюу үл хөдлөх хөрөнгөөр баталгаажсан токены анхдагч арилжааг тун удахгүй хийх гэж байна.
Тус токены мэдээллийг https://redcoin.mn/ цахим сайтаас авна уу.
