What are the opening hours?

Monday 09:00 - 19:00 Tuesday 09:00 - 19:00 Wednesday 09:00 - 19:00 Thursday 09:00 - 19:00 Friday 09:00 - 19:00

TEO

Монголын анхны хосолсон Блокчэйн сүлжээ.

Орчлон ертөнцийн зүй тогтлын нууц 369 тоонд оршдог болохыг ХХ зууны хамгийн агуу зохион бүтээгч, механик цахилгааны инженер Никола Тесла нээсэн билээ . Энэхүү тоог Грек цагаан толгойн үсгүүдэд хөрвүүлэн ТЕО хэмээх нэр мэндэлсэн юм. Хүн төрөлхтөнд тулгамдсан асуудлуудыг шийдэхэд энэхүү ТЕО Блокчэйн экосистем туслах болно.

17/02/2026

Өвлийг өнтэй давж, урин цагаа угтахаар “Сүрээр дарагч” хэмээгч гал 🐎 МОРИН жил айлчлан ирлээ.
Монгол түмэн минь хотол олноороо сар шинэдээ сайхан шинэлээрэй! 🇲🇳

21/01/2026

Ripple компани АНУ-ын Калифорнийн их сургууль, Беркли (UC Berkeley)-тэй хамтран University Digital Asset Xcelerator (UDAX) нэртэй шинэ хөтөлбөрийг албан ёсоор эхлүүллээ. Тус санаачилга нь их сургуулийн орчинд хийгдэж буй блокчейн судалгааг бодит зах зээлийн хэрэглээ болгох, ялангуяа XRP Ledger (XRPL) дээр суурилсан шийдлүүдийг хөгжүүлэхэд чиглэж байна.

UDAX нь Ripple-ийн хэрэгжүүлж буй University Blockchain Research Initiative (UBRI) хөтөлбөрийн хүрээнд хэрэгжих бөгөөд академик гаралтай стартапуудад техникийн зөвлөгөө, менторшип, санхүүжилт татах сувгууд, мөн бодит зах зээлд нэвтрэх шууд дэмжлэг үзүүлэхээр зорьж байна.

Анхны туршилтын (pilot) хөтөлбөр 2025 оны сүүлээр хэрэгжиж, нийт есөн стартап өөрсдийн блокчейн шийдлүүдийг зах зээлд нийцэх эсэхийг туршсан байна. Туршилтын үр дүнгээр оролцсон төслүүдийн бүтээгдэхүүний бэлэн байдал дунджаар 67 хувиар өсөж, мөн санхүүжилт татах итгэл 92 хувиар нэмэгдсэн нь онцлох үзүүлэлт байлаа.

Тухайлбал, WaveTip төсөл өөрийн шийдлээ XRPL mainnet рүү амжилттай шилжүүлсэн бол X-Card төсөл нь 1.5 сая ам.долларын бараа материалын түншлэл байгуулахад хүрсэн байна.

Ripple болон UC Berkeley нь 2026 онд UDAX хөтөлбөрийг илүү өргөн хүрээнд тэлж, институцийн түвшний XRP ашиглалтыг эрчимжүүлэх, академик судалгаанаас үүссэн блокчейн инновацыг бодит эдийн засагт нэвтрүүлэх зорилт тавьж байгаагаа мэдэгдлээ.

15/01/2026

Дэлхийн хаанаас ч certify үйлчилгээг ашиглан өөрийн диплом, сертификатыг үнэгүй татаж авах боломжтой боллоо. Та цаг хугацаа, байршлаас үл хамааран интернетэд холбогдсон л бол дипломын мэдээллээ хурдан, найдвартай шалгах, баталгаажуулах болон татаж авах боломжтой.

#диплом

03/09/2025

АНУ-ын Худалдааны яам (Commerce Department) эдийн засгийн хамгийн чухал үзүүлэлтүүдийг блокчэйн дээр оруулахаар шийдвэрлэжээ. Эдгээр мэдээлэлд дотоодын нийт бүтээгдэхүүн (GDP), хэрэглээний үнийн индекс буюу инфляци, хувийн хэрэглээний борлуулалтын мэдээлэл зэрэг макро эдийн засгийн албан ёсны статистик, датанууд орох ажээ.
Дээрх мэдээллийг блокчэйн сүлжээнд оруулах замаар олон нийтэд цаг алдалгүй мэдээлэл өгөх бөгөөд хэн нэгэн өөрчилж, засварлах боломжгүй болох юм. Ингэснээр үнэн зөв мэдээллийг дэлхийн хаа нэгтэйгээс хүссэн цагтаа авах боломжтой болох ажээ.
Энэ төслийг хэрэгжүүлэхэд Chainlink болон Pyth Network гол үүрэг гүйцэтгэж байна. Тэд АНУ-ын эдийн засгийн статистик, мэдээллийг Bitcoin, Ethereum, Solana, TRON, Polygon зэрэг 9–10 олон нийтийн томоохон блокчэйн сүлжээдэд байршуулж байна. Эдгээр мэдээллүүд Chainlink-ийн өгөгдлийн сувгуудаар дамжуулан сар, улирал тутам шинэчлэгдэнэ.
АНУ-ын Худалдааны сайд Ховард Лутник “АНУ-ын эдийн засгийн үнэн зөв, албан ёсны мэдээллийг дэлхий даяар ил тод, шударгаар хүргэх нь бидний зорилго” гэж онцлон хэлжээ.
Дээрх алхам нь блокчэйн технологийг төрийн үйл ажиллагаанд бодитоор ашиглаж эхэлсэн томоохон жишээ болж байна. Ингэснээр ил тод байдал нэмэгдэхийн зэрэгцээ төвлөрсөн бус санхүү зэрэг салбаруудад шинэ боломжуудыг нээн өгч байна. Учир нь энэ салбарын шинэ бүтээгдэхүүнүүд албан ёсны, баталгаатай эх сурвалжид блокчейний ухаалаг гэрээгээр дамжин шууд холбогдох юм.

27/08/2025

Дэлхийн хамгийн том төвлөрсөн бус зээлийн платформуудын нэг болох Aave анх удаа Ethereum-ээс өөр блокчэйнд буюу Aptos блокчэйнд нэгдсэн байна. Aave V3 буюу шинэ протоколыг Aptos дээр ажиллуулахын тулд Move програмчлалын хэлээр бүрэн хөгжүүлжээ. Түүнчлэн хэрэглэгчийн интерфэйс болон хөгжүүлэгчдэд зориулсан хэрэгслүүдийг шинэчилж, илүү хүртээмжтэй болгосон байна. Системийн аюулгүй байдлыг хангахын тулд Chainlink-ийн oracle шийдлийг ашигласан бөгөөд эрсдэлийн загварыг Chaos Labs, LlamaRisk зэрэг байгууллагууд боловсруулжээ. Мөн нэр хүндтэй аудитын компаниуд кодын баталгаажуулалтыг хийсэн байна. Нэмж хэлэхэд, Aave нь $500,000 хүртэл урамшуулал бүхий bug bounty хөтөлбөр зарлаж, аюулгүй байдлыг илүү баталгаатай болгожээ.
Aptos блокчэйнд одоогоор стэблкойнууд гол байр суурийг эзэлж байгаа бөгөөд USDT, USDC хоёр нь нийт зах зээлийн 86 хувийг бүрдүүлдэг. Aave-ийн нэвтрэлт нь эдгээр хөрөнгийн хөрвөх чадварыг нэмэгдүүлж, хэрэглэгчдэд илүү өргөн сонголт өгөх боломжтой гэж үзэж байна.
Энэ алхам нь Aave-гийн хувьд зөвхөн Ethereum дээр хязгаарлагдахгүй, харин олон блокчэйнд ажилладаг дэлхийн хэмжээний DeFi платформ болох стратегийн чухал алхам боллоо.

25/08/2025

Азийн бүс нутаг сүүлийн жилүүдэд блокчейн болон криптовалютын салбарт дэлхийн тэргүүлэх төв болж эхэлж байна. Энэ нь зөвхөн технологийн хөгжилтэй холбоотой бус, харин ч бүс нутгийн улс орнуудын баримталж буй бодлого, хэрэглэгчдийн идэвхтэй оролцоо, хөрөнгө оруулагчдын сонирхол зэрэг олон хүчин зүйлсийн нийлбэр юм.
Юуны өмнө, Ази бол дэлхийн хүн амын хамгийн их төвлөрсөн бүс. Хятадаас эхлээд Энэтхэг, Зүүн Өмнөд Ази хүртэлх орнуудад залуу, технологид дуртай хэрэглэгчид их байдаг. Тэд шинэ технологийг хэрэглээнд хурдан нэвтрүүлдэг учир криптовалют болон блокчейны хэрэглээ маш эрчимтэй өсч байна.
Нөгөө талаар, Засгийн газруудын байр суурь ч чухал нөлөөтэй. Жишээлбэл, Япон улс эртнээс хууль эрх зүйн зохицуулалтаа боловсруулсан бол Өмнөд Солонгос, Сингапур зэрэг улсууд криптовалютын арилжаа, токен гаргалт, блокчейн стартапуудыг дэмжих нөхцлийг бүрдүүлжээ. Энэ нь хөрөнгө оруулагчдад илүү итгэлтэй орчинг бий болгож байна.
Азийн хөрөнгө оруулагчид ч идэвхтэй байна. Тэд зөвхөн криптовалют арилжиж зогсохгүй, блокчейн технологид суурилсан олон төслийг санхүүжүүлж, дэлхийн зах зээлд гаргах үйл явцыг хурдасгаж байна. Ингэснээр Ази зөвхөн хэрэглэгч бус, инновацын эх үүсвэр болж хувирчээ.
Блокчэйн салбарын дэлхийн томоохон арга хэмжээнүүд Азийн бүс нутагт болсоор байна. Тухайлбал Өмнөд Солонгосын Korea Blockchain Week (KBW2025), Сингапурын TOKEN2049, Хонг Конгийн Web3 Festival, Японы Blockchain Week зэргийг дурдаж болно.
Эцэст нь хэлэхэд, Азид дижитал төлбөрийн систем, цахим худалдаа, финтек үйлчилгээ маш хурдтай хөгжиж байгаа нь блокчейнтэй органик байдлаар уялдаж байна. Энэ бүхэн нийлээд Ази дэлхийн блокчейн экосистемийн төв болж, ойрын жилүүдэд энэ байр сууриа улам бататгах төлөвтэй байна.

03/07/2025

Tether компани Stable нэртэй шинэ лэйр-1 блокчейн сүлжээ (mainnet буюу үндсэн сүлжээ нь Stablechain) албан ёсоор зах зээлд гаргаснаа энэ Мягмар гарагт зарлав. Энэхүү блокчэйний зорилго нь хувь хүмүүс болон байгууллагын үйлчлүүлэгчид стэблкойн ашиглан илүү хурдан, хямдхан, найдвартай гүйлгээг гүйцэтгэхэд туслах ажээ. Бусад блокчэйн сүлжээнээс ялгаатай нь Stable блокчэйний гүйлгээний шимтгэл болон төлбөрт зөвхөн USDT токеныг ашиглах ажээ.

Stable сүлжээ нь дараах онцлог, давуу талуудтай ажээ. Үүнд:
• Блокын баталгаажилт нь хагас секундээс бага хугацаанд явагддаг тул маш өндөр хурдтай.
• Ethereum Virtual Machine (EVM)-тэй бүрэн нийцтэй тул хөгжүүлэгчид Ethereum дээр ажилладаг ухаалаг гэрээнүүдээ шууд ашиглах боломжтой.
• Мөн USDT-ийн төвлөрсөн бус хувилбар болох блокчэйнүүд хооронд мэдээлэл дамжуулдаг LayerZero протокол дээр хөгжүүлэгдсэн USDT0-тэй тусгайлан интеграцчлагдсан.
Stable блокчэйн дээр USDT0 ашиглан хийгдсэн гүйлгээнүүд ямар ч шимтгэлгүй ажээ.
Stable нь байгууллагын хэрэгцээнд зориулсан баталгаатай блок зай гаргах, багц гүйлгээ хийх, нууц гүйлгээ хийх зэрэг функцуудтэй ажээ.
Мөн крипто хэтэвчээрээ дамжуулан сошиал сувгуудад нэвтрэх, дебит болон кредит карт ашиглах боломжтой ажээ.

18/06/2025

Coinbase биржээс гаргасан “Крипто 2025 оны байдлаар” тайланд дурдсанаар Fortune 500-д дурдсан компаниудын 60% нь блокчейн болон тархсан бүртгэлийн технологи (distributed ledger technology)-д хөрөнгө оруулж, бодит хэрэглээ (adoption)-нд нэвтрүүлж эхэлсэн тухай өгүүлжээ.

Энэ тоо өнгөрсөн жилд 47% байсантай харьцуулахад жилийн дотор АНУ-ын томоохон компаниудын блокчэйн хэрэглээ эрс өссөн байна.

Хэдхэн жилийн өмнө туршилтын түвшинд байсан энэхүү технологи одоо томоохон компаниудын стратегийн гол хэсэг болж, төлбөр тооцоо, нийлүүлэлтийн сүлжээ, хөрөнгийн удирдлага, хэрэглэгчийн мэдээллийн аюулгүй байдал зэрэг олон салбарт бодит үр өгөөжөө өгч эхэлжээ.

Блокчейн зөвхөн технологийн эсвэл санхүүгийн компаниудын хэрэгсэл байхаа больж, автомашин, эрүүл мэнд, хүнсний үйлдвэрлэл, харилцаа холбоо, зугаа цэнгэлийн салбаруудад ч өргөн хэрэглэгдэж эхлэв.

Үүнтэй зэрэгцэн токенжуулалт буюу бодит хөрөнгийг дижитал хөрөнгө болгон хувиргах хандлага эрчимтэй нэмэгдэж, шинэ орлого, илүү хурдан гүйлгээ, ил тод байдал зэргийг бий болгож байна.
Гэхдээ энэ нь мөн шинэ сорилтуудыг авчирч байгаа бөгөөд компаниудын хувьд аюулгүй байдал, хууль зүйн зохицуулалтыг давах нь зайлшгүй шаардлага болжээ.
Coinbase-ийн дээрх тайланд дурдсанаар Fortune 500 компанийн 90 хувь нь блокчейнийг бүрэн нэвтрүүлэхэд хамгийн том саад нь тодорхой бус хууль эрх зүйн орчин гэж хариулсан байна.

03/02/2025

Хятадын хиймэл оюун ухааны чатбот DeepSeek cүүлийн долоо хоногуудад хөрөнгийн зах зээлд шуугиан тарьж, биткойны үнэ унахад хүртэл нөлөөлсөн билээ.
Харин зарим улс орнуудын хууль, хяналтын байгууллагын зүгээс уг апп хэрэглэгчдийнхээ мэдээллийн нууцлалыг хэрхэн хангаж, хамгаалж байгаа талаар шалгаж эхлэв.
Тухайлбал Итали Улсын хэрэглэгчдийн эрх ашгийг хамгаалах байгууллага DeepSeek апп хэрэглэгчдийнхээ мэдээллийн нууцлалыг хадгалах, хамгаалах функцыг шалгаж үзээд “хангалтгүй” гэсэн үнэлгээ өгсөн нь тус апп-ийг Италид хориглож нөхцөл байдлыг үүсгэв.
Түүнчлэн Өмнөд Солонгосын эрх бүхий байгууллага мөн шалгалт хийж эхэлжээ. Австралийн Сангийн сайд уг апп-ыг хэрэглэхдээ болгоомжтой хандахыг өөрийн улсын иргэддээ анхааруулсан байна.
DeepSeek нь тус чатботыг хэрэглэсэн хүмүүсийн IP дугаар, гар утас, компьютерийн дэлгэрэнгүй мэдээлэл, байршил, хэл, асуусан асуултууд, чатын түүх зэрэг нарийн мэдээллүүдийг цуглуулаад мэдээллээ TikTok-ийн толгой компани ByteDance, Google зэрэг компанид дамжуулдаг болохыг мэдээллийн нууцлалын чиглэлээр үйл ажиллагаа явуулдаг Privado компани тогтоосон байна. Мөн дээрх мэдээллийн тодорхой хэсэг нь Хятад руу илгээгддэг болохыг тогтоосон тухай тус компани онцлов.

28/01/2025

Хятадын хиймэл оюун ухааны чатбот DeepSeek өнгөрсөн долоо хоногт АНУ болон Европын хөрөнгийн зах зээл дэх технологийн салбарын томоохон компаниудын (Тухайлбал Nvidia, Microsoft, Meta, Google-ийн толгой компани Alphabet зэрэг) хувьцааны үнэ унах гол шалтгаан болов.
Түүнчлэн биткойны үнэ 1-р сарын 27-ны өдөр 98,046 ам.доллар хүрч унасныг шинжээчид DeepSeek-тэй холбож байна. Энэ нь Д.Трамп Ерөнхийлөгчийн тангарагаа 2025 оны 1-р сарын 20-ны өдөр өргөснөөс хойш анх удаа биткойны үнэ 100 мянган ам.доллараас доош орж унасан тохиолдол болов.
DeepSeek-V3 гэх нээлттэй эх бүхий модел нь маш хямд өртгөөр буюу 6 сая орчим ам. доллараар бүтээгдсэн бөгөөд тус чатбот нь өнгөрсөн долоо хоногт АНУ-ын зах зээл дэх хамгийн их татагдсан гар утасны аппликэйшнээр тодров. Ингэснээр өөрийн гол өрсөлдөгч OpenAI компанийн ChatGPT-г ардаа орхисон байна.
Олон тэрбум ам.долларын хөрөнгө оруулалтыг татаж буй хиймэл оюун ухааны зах зээлд маш хямд өртгөөр бүтсэн Хятад чатбот ийнхүү амжилт олсон нь хөрөнгө оруулагчдын зүгээс Барууны өрсөлдөгчдийнх нь ашиг орлогод эргэлзэх, улмаар заралт хийж хувьцаануудын ханшийг унагасан гэж шинжээчид таамаглаж байна.
АНУ өндөр чанарын хагас дамжуулагч буюу чипийн технологийг Хятад руу экспортлохыг хориглосон нь сайн чанарын чипийн хязгаарлагдмал нөөц бүхий Хятадын хөгжүүлэгчдийг өмнөхөөс хамаагүй бага зардлаар, илүү хурдан, ухаалаг ажилладаг хиймэл оюун ухааны моделууд хөгжүүлэх сэдлийг өгсөн бөгөөд DeepSeek-ийн өнөөдрийн амжилтын уг үндсийг дээрх шалтгаантай холбож байна.

Address

Ulaanbaatar

Opening Hours

Monday	09:00 - 19:00
Tuesday	09:00 - 19:00
Wednesday	09:00 - 19:00
Thursday	09:00 - 19:00
Friday	09:00 - 19:00

Website

https://teo.mn/

Alerts

Be the first to know and let us send you an email when TEO posts news and promotions. Your email address will not be used for any other purpose, and you can unsubscribe at any time.

Shortcuts

Want your business to be the top-listed Computer & Electronics Service in Ulaanbaatar?

TEO