01/06/2026
Хүүхдийн баярын мэнд хүргэе! ✨
🌏1924 онд Женевт “Хүүхдийн эрхийн тунхаглал” батлагдсан түүхтэй. Улмаар 1959 оны 11 дүгээр сарын 20-ны өдөр НҮБ-ын Ерөнхий Ассамблей “Хүүхдийн эрхийн тунхаглал”-ыг баталж, хүүхэд нь бие бялдар, оюун санааны хувьд бүрэн төлөвшөөгүй байдаг тул төрөхөөс өмнө болон төрсний дараа тусгай асрамж, хамгаалалт, эрх зүйн зохих хамгаалалтад байх ёстойг онцлон тэмдэглэсэн байдаг. 👨👩👧👦
🇲🇳 Монгол Улс ч мөн хүүхдийн эрхийг хамгаалах олон улсын энэхүү үзэл санаанд нэгдэн, хүүхэд бүрийн амьдрах, хөгжих, хамгаалуулах, нийгмийн амьдралд оролцох эрхийг хангах чиглэлээр хууль эрх зүйн орчноо бүрдүүлсээр ирсэн билээ.
🇲🇳 Монгол улс 1952 оноос эхлэн 6 дугаар сарын 1-ний өдрийг Хүүхдийн баяр болгон тэмдэглэсээр ирсэн. Энэ өдөр бол зөвхөн баяр хөөрийн өдөр төдийгүй хүүхэд бүрийн эрх, хамгаалал, хөгжлийн талаар нийгмээрээ эргэн санаж, илүү хариуцлагатай хандахыг уриалдаг утга учиртай өдөр юм. ✨
Иймд бид хүүхэд бүрийг хайрлаж, сонсож, хамгаалж, өөрийн онцлог, авьяас чадвараа нээн хөгжүүлэх боломжийг нь хамтдаа бүрдүүлцгээе. ✨
#хүүхэд #ХүүхдийнБаяр #ХүүхдийнЭрх #гэрбүл