NOVA Fencing Club

10/05/2026

ТУЯЛЗУУР СЭЛЭМНИЙ ҮНДЭСНИЙ ЧАНСАА 2026 📢

Туялзуур сэлэмний төрлийн Эрэгтэй, Хүнд сэлэмний ангиллын үндэсний чансаа шинэчлэгдэн гарлаа.

🗓 Шинэчлэгдсэн огноо: 2026 оны 04 дүгээр сарын 13
🤺 Төрөл: Эрэгтэй, Хүнд сэлэм

Тамирчдын ур чадвар, хичээл зүтгэлийн илэрхийлэл болсон шинэ чансаатай танилцана уу. Тэмцээн бүхэн шинэ боломж, шинэ өрсөлдөөнийг дагуулдаг!

08/05/2026

⚔️ ТУЯЛЗУУР СЭЛЭМНИЙ УЛСЫН АВАРГА ШАЛГАРУУЛАХ ТЭМЦЭЭН “PREMIUM 2026” 🏆тэмцээнийг 📺 PSN телевиз шууд дамжуулан хүргэх гэж байна!

🗓️2026.05.09-10 |📍 Хан Хиллс спорт цогцолбор

Хурд, мэдрэмж, ур чадварын оргил тулаануудыг PSN 5-aaр хүлээн авч үзээрэй! 🇲🇳✨

11/04/2026

11/04/2026

УЛААНБААТАР МАРАФОНД ГҮЙХДЭЭ ЮУ АНХААРАХ ВЭ? 🏃🏻‍♂️🏃🏻‍♀️

Манай сэлэмчид Марафонд гүйх үү?

Тэгвэл дараах зүйлст анхаарч бэлтгэлдээ гараарай!🫰🤺🫰

1. Эртхэн бүртгүүлвэл өөрт таарах подволктой болно. Жижиг размерууд түрүүлээд дуусчихдаг. Нэвсийсэн том юмтай гүйх болно шүү. Ер нь "УБ марафон" гэсэн логотой подволкоо өмсөөд гүйвэл их зүгээр байдаг. Учир нь марафон бол таны амьдралын нэгээхэн түүх юм.
2. 21 км-ээс дээш зайд гүйвэл финишэр медальтай болдог. 10 км гүйсэн бол жижиг А5 хэмжээтэй гэрчилгээ л өгч магадгүй.
3. Та 10 км зайд гүйх гэж байгаа бол "21 кмт гүйдэг байжээ" гэж амаа барих хүмүүс олон байдгийг санаарай. Тиймээс ямар зайд гүйхээ сайн бодож сонгоорой.
4. Анхлан гүйгч, эсвэл байнгын бэлтгэлтэй байдаг биш бол одоо нээх ачаалалтай бэлтгэл хийгээд, гүйгээд алаад байх хэрэггүй. Ядрахын нэмэр. Гэмтэж ч мэднэ. Ердөө 24-хөн хоног үлдсэн. Одоо бол сайжирна, мундаг болчихно, түрүүлнэ нтр гэж бол байхгүй. Харин өглөө оройдоо алхаад, хоолоо аятайхан зохицуулж байгаад хөнгөхөн гүйгээд замаа дуусгахаа л бод.
5. Марафоны өдрийн цаг агаарыг заавал хараарай. Хувцасаа тохируулах. Даавуун хувцас битгий сонгоорой. Түргэн хатдаг, чийг барихгүй, хөнгөн полистер материалтай хувцас зүгээр байдаг. Сэрүүвтэр байсан ч нээх зузаан хувцаслаад хэрэггүй. Барианд ороод харин өмсөх салхи хаах, дулаан хувцас аваарай. Болж өгвөл гүйхдээ өмссөн чийгтэй хувцасаа бүрэн сольчихвол тун зүгээр.
6. Гараанаас хөөрсөн, сэтгэл нь хөдөлсөн хүмүүсийг дагаж өндөр хурдаар гарах хэрэггүй. Өөрийнхөө хурдаар гараарай. Биеэ халааж амжаагүй бол эхний 2-3 км зөөлөн шогшиж халаалтаа хийж болно.
7. Манай “УБ марафон”-ы зам ихэндээ тэгш, уруу байдаг. Сансарын колонк руу өгсөхөд л хэсэг миарч мэднэ. Бусдаар асуудалгүй.
8. Хүмүүс чамд элдэв төрлийн уудаг, иддэг зүйлс санал болгож мэдэмхийрнэ шүү. Шөрмөс татдаггүй, ядардаггүй нтр гээд. Аль нь ч хэрэггүй. Ялангуяа 10 км буюу түүнээс доош гүйж байгаа бол огт хэрэггүй. Иддэгээ идээд, уудагаа уугаад гараанаас гарах. Гэхдээ мэдээж бууз, цуйван гусаад байх хэрэггүй.
9. Гүйх явцдаа өөртэйгээ ижил хурдтай хүнийг олж аваад буу халаад, сэльфи хийгээд, зураг дараад, рийл бичлэг нтр хийгээд хөгжилтэй гүйвэл зам хурдан дуусна.
10. Шинэ пүүз худалдан авч өмсөж болно. Таавчигтай гүйсэн ч болно. Эсвэл бүүр хөл нүцгэн гүйсэн ч болно. Аль нь ч асуудалгүй. Гэхдээ хагас болон бүтэн марафонд гүйх гэж байгаа бол дэмий биз дээ. Хуучин пүүүз чинь илүү ээлтэй байх.
11. Гүйж байх явцад нүд харанхуйлах, дотор муухайрах зэрэг шинж тэмдэг анзаарагдвал гүйлтээ шууд зогсоогоорой.
12. Гүйж байгаа хүмүүст алга ташиж, мундаг юм бэ, амжилт хүсье, гоё шүү зэргээр урам өгөхийг хичээгээрэй. Та бусдад сайхан урам өгсөнөөр өөртөө ч бас урам олж авдаг. Марафоны нэг утга учир энд байдаг.
13. Гүйхийн өмнө харин гутлын үдээсээ шалгаж, үсээ боож, хамар амаа цэвэрлэж хувийн бэлтгэлээ сайн хангаарай. Гүйж байх явцад та юунд ч сатааралгүй тав тухтай байх ёстой.
14. Өглөө гэрээсээ гарахдаа заавал хүнд, хөнгөнөөр биеэ засаарай.
15. Гүйлтийн замд хэн нэгэнд асуудал тулгарсан харагдвал тусламж үзүүлэхийг бодоорой. Өөрт байгаа зүйлсээ хуваалцах, замаас гарахад нь дэм болох, утсаар яриулах гэх мэт. Энэ бас марафоны нэгэн гайхамшиг байдаг юм шүү.
16. Гараанаас 2 цагийн өмнө ирээрэй. Марафоны өдрийн уур амьсгалыг мэдэрч, зураг даруулах, хүмүүстэй танилцах, мэдээлэл олж авах гээд дурсамж бүтээх цаг чинь юм.
17. Өөртөө хамгийн таатай хурдаар гүйх бөгөөд нус цэрээ залгиад байхгүй, санаа зоволтгүй хаяарай. Амьсгал мөн адил, хамраараа амьсгална нтр бол худлаа шүү. Өөртөө таатай байдлаар л амьсгална.
18. Бариан дээр хувийн зурагчин зогсоох хэрэгтэй. Өөрийгөө ялж, марафонд финиш хийх агшин бол хүний амьдралын хамгийн сайхан мөчүүдийн нэг байдаг.
19. Гүйх үед цанх татаад, эвгүй байвал гүйлтээ түр зогсоож уртаар, гүн зөөлөн амьсгал аваарай. Хамраараа амьсгалаад амаараа гаргана. Гүйх үедээ тайван бус хэт хурдан гүехэн амьсгалах, саяхан их хоол идсэн, халаалтгүй огцом ачаалалтай гүйх зэргээс болж өвддөг.
20. Гүйлтийн өмнөх орой хүнд хоол идэж хэрэггүй. Одооноос харин биедээ шингэн зүйл бага багаар хуримтлуулах.
21. Та 10км, 5км зайд гүйж байгаа бол биедээ цүнх, цэвэр ус зэрэг ачаа авч явах хэрэггүй. Усны цэг байгааг сануулъя. Ус уух шаардлагатай бол том томоор залгилж уух хэрэггүй. Тэр тусмаа хэт хүйтэн усыг.
22. Хамт олноороо гүйх гэж байгаа бол гүйлтийн туршлагатай хүнийг байгууллагадаа урьж марафонд гүйх хүмүүстээ зөвлөгөө өгүүлвэл сайн шүү.
23. Эцэст нь хэлэхэд элдэв хууч өвчтэй биш л бол баргийн хүн 5км, 10 км зайг дуусгаж чадна. Тиймээс энэ зайд гүйж өөрийгөө өөрчлөх урам зориг аваарай.
24. Гар утсандаа STRAVA гэж апп суулгаарай. Гүйлтийн хамгийн олон хэрэглэгчтэй, хамгийн аятайхан апп шүү.
25. Замаа амжилттай дуусгаад барианы шугам дээр хайртай бүсгүйдээ гэрлэх санал тавьж болно. Марафоны финиш лайн дээр.

Бүгдэд нь амжилт хүсье.

#туялзуурсэлэм #туялзуурсэлэмнийспорт🤺🤺 #марафон #улаанбаатармарафон #гүйлт

29/03/2025

Нулимсаар гол урсгаж буй Netflix-ийн “폭싹 속았수다” буюу When Life Gives You Tangerines драма нь сүүлийн үед ихээхэн анхаарал татаж буй бүтээлүүдийн нэг юм. Энэхүү драмад гол дүрд тоглосон дуучин IU (Ли Жи Ын) болон жүжигчин Пак Бо Гом нар тоглосон. IU-гийн жүжиглэлтийн чадвар олон хүнийг гайхшруулж байна. Уг драма 1950-аад оны Жэжү арлын амьдралыг харуулсан үйл явдлаар эхэлдэг тул ихэнх хүн зураг авалтыг Жэжүд хийсэн гэж таамагладаг. Гэвч бодит байдал дээр тийм биш юм.
When Life Gives You Tangerines “폭싹 속았수다” драмын зураг авалтыг Жэжү арал дээр бус, Кёнсанбүг мужийн Андун (Andong) хотын Пунчон-мён (풍천면, Pungcheon-myeon) гэдэг газарт хийжээ. Энд 33,000 м² талбайг түрээслэн, 1950-аад оны Жэжүгийн уур амьсгалыг сэргээн харуулахын тулд тусгайлан тосгон босгосон байна. Зураг авалтын баг орон нутгийн эдийн засгийг дэмжих зорилгоор тухайн хавийн барилгын компаниуд болон ажиллах хүчийг ашиглажээ. Нийтдээ 80 гаруй байшин, дэлгүүр, гудамж зэрэг барилга байгууламжийг барьжээ. Энэ нь нэг талаас киноны реализмыг нэмэгдүүлсэн бол нөгөө талаас Андуны орон нутгийн иргэдийн орлогыг өсгөхөд тус дөхөм болсон юм.
---------------------

Зураг авалтын цар хүрээ ба эдийн засгийн нөлөө

Энэхүү томоохон төсөл нь зөвхөн уран сайхны үзэсгэлэнтэй тосгон босгоод зогсохгүй орон нутгийн барилгын салбарт эерэг нөлөө үзүүлжээ. Орон нутгийн ажилчид, материал нийлүүлэгчид, жижиг бизнес эрхлэгчид зураг авалтын явцад ажилтай болж, Андуны Пунчон-мёнд түр хугацаанд эдийн засгийн идэвхжил бий болсон байна. Зарим мэдээллээр, уг төсөлд орон нутгаас нийт 100 гаруй хүн оролцсон гэж таамагладаг ч яг тодорхой тоо хараахан албан ёсоор мэдээлэгдээгүй байна.
---------------------

Зураг авалтын дараах байдал

Зураг авалт 2024 оны сүүлээр дууссан болохоор уг талбайд босгосон байгууламжуудыг одоогоор бүрэн буулгасан гэдгийг албан ёсны эх сурвалжууд хэлж байна. Учир нь эдгээр барилгууд нь зөвхөн киноны зориулалтаар түр баригдсан бөгөөд байнгын ашиглалтад зориулагдаагүй байв. Буулгалтын ажлыг зураг авалтын баг болон орон нутгийнхны хамтын ажиллагааны үр дүнд хурдан хугацаанд хийжээ. Гэсэн хэдий ч энэ газар драмын фэнүүдийн дунд сонирхолтой түүх болон үлдэж, Андуныг сурталчлахад тодорхой хэмжээний нөлөө үзүүлсэн гэж үздэг.
---------------------

“폭싹 속았수다” драма нь IU-гийн гайхалтай жүжиглэлт, 1950-аад оны Жэжүгийн сэтгэл татам түүхээрээ үзэгчдийг байлдан дагуулж байна. Гэхдээ түүний зураг авалт Жэжүд бус Андуны Пунчон-мёнд хийгдсэн нь олон хүнийг гайхшруулж, энэ газрыг сонирхох шалтгаан болжээ. Хэдийгээр одоо тосгоны ул мөр үлдээгүй ч, энэхүү төсөл Андуны орон нутгийн эдийн засагт тодорхой хувь нэмэр оруулсан гэдгээрээ онцлог юм. Хэрэв та энэ драмыг үзэж байгаа бол энэ мэдээлэл танд сонирхолтой байж болох юм!

---------------------

When Life Gives You Tangerines дэлхий дахинд

“When Life Gives You Tangerines” (БНСУ-д “폭싹 속았수다” гэдэг нэрээрээ алдартай) Netflix-ийн драма 2025 оны 3-р сарын 7-нд нээлтээ хийсэн бөгөөд дэлхий даяар, тэр дундаа Европ болон Барууны үзэгчдэд маш их таалагдаж байна.
---------------------

Дэлхий даяарх амжилт ба Европ, Барууны нөлөө

Эндээс харахад уг драма нээлтээ хийснээс хойш хэдхэн хоногийн дотор Netflix-ийн шилдэг 10-д багтаж 41 улсад үзэлттэй байгаа аж. Азийн орнууд (жишээ нь, Өмнөд Солонгос, Индонез, Хонконг)-оос гадна Өмнөд Америк, Ойрхи Дорнодод ч өндөр үзүүлэлттэй байна. Европ болон Барууны орнуудын хувьд (жишээ нь, Итали, Португал) уг драма топ жагсаалтад орж, олон нийтийн сүлжээнд эерэг сэтгэгдэл авч байна. Жишээ нь, Netflix Италийн албан ёсны хуудсанд 3-р сарын 14-нд “La vita li metterà a dura prova” гэсэн сурталчилгаа нийтэлсэн бол Netflix Португалийн хуудсанд 3-р сарын 21-нд шинэ ангиудыг онцолсон байна. Эдгээрээс харахад Европын үзэгчид уг драмыг сонирхож, хүлээн авч байгаа аж.
---------------------

Яагаад эерэг нөлөө үзүүлж байна вэ?

Универсал сэдэв: Драма нь 1950-аад оны Жэжү арлаас эхэлж, хайр дурлал, гэр бүл, нийгмийн тэмцэл зэрэг хүн бүрт ойлгомжтой, сэтгэлд хүрэх сэдвүүдийг хөнддөг. When Life Gives You Tangerines нь Корейн түүхийг харуулсан ч гэр бүл, хайр, хөршүүдийн харилцаа зэрэг универсал сэтгэл хөдлөлөөр дамжуулан гадаадад сайн сэтгэгдэл авч байгаа юм байна.

Гайхалтай жүжиглэлт ба түүх: IU (Ли Жи Ын) болон Пак Бо Гом нарын гол дүрийн тоглолт, түүнчлэн Мүүн Со Ри, Пак Хэ Жүүн зэрэг туршлагатай жүжигчдийн жүжиглэлт олон улсын үзэгчдийн магтаалыг хүртсээр байна. Forbes сэтгүүлд “Эндэхийн жүжигчид цаг хугацааны урсгалыг биеийн хөдөлгөөн, нүүрний хувирал, дууны өнгөөр илэрхийлж, Жэжүгийн үзэсгэлэнтэй хослуулан өвөрмөц хайрын түүхийг өгүүлж байна” хэмээн онцолсон.

Нэрний ухаантай орчуулга: Англи хэлний “When Life Gives You Tangerines” нэр нь “When Life Gives You Lemons” гэдэг алдартай хэллэгтэй адилхан болохоор амьдралын хүндрэлийг даван туулахыг илэрхийлж, Барууны үзэгчдэд танил бөгөөд сэтгэл татам болжээ. Тиймдээ ч ухаантай нэрний орчуулга нь дэлхий даяар байлдан дагуулахад тусалсан байна.

Netflix-ийн статистик: FlixPatrol-ийн мэдээллээр, 3-р сарын 9-ний байдлаар уг драма дэлхийн хэмжээнд Netflix-ийн шилдэг 8-д бичигдсэн нь Европын зарим зах зээлд (жишээ нь, Итали, Португал) топ 10-д багтжээ. Энэ нь Барууны үзэгчдийн дунд эерэг нөлөөтэй байгааг харуулж байна.

“When Life Gives You Tangerines” нь Европ болон Барууны орнуудад эерэг нөлөө үзүүлж байна гэж хэлэхэд болно. Энэ нь зөвхөн Азийн зах зээлд бус, дэлхий даяар, тэр дундаа Барууны үзэгчдийн дунд хүлээн зөвшөөрөгдөж, сэтгэл хөдлөлөөр дамжуулан холбогдож байна. Гэсэн ч энэ драма 3-р сарын 28-нд дуусах тул бүрэн нөлөөллийг харахын тулд цаашдын үзэгчдийн хариу үйлдэл, статистикийг хүлээх хэрэгтэй. Одоогоор түүний амжилт, магтаал нь K-драмын дэлхийн нөлөөг улам баталж байна гэж хэлж болно.

02/02/2025

Ядуу сэтгэхүйтэй хүний 13 шинж тэмдэг:

#ДАДАЛ 1️⃣:

#Буруугаа тохох хүнийг хайдаг. Ядуу хүн хариуцлага хүлээх дургүй. Өөрийн бүтэлгүйтэлд хамт ажилладаг хүнээ, даргаа эсвэл тогтолцоог буруутгана.

ДАДАЛ2️⃣:

#Цаг алддаг. Анхны алхмыг хийхээс айдаггүй, өөрийнхөө санааг бодит болгохоор зориглож, эрсдэл гаргаж чаддаг хүн л ялдаг. Ядуу хүний сэтгэхүйтэй хүн цаг алдаж, гараа хумхиж сууснаа бусад руу чихдэг

ДАДАЛ 3️⃣:

#Эрсдэл гаргадаггүй. Ядуу хүмүүс эрсдэл гаргах дургүй Тэд бага ч гэсэн тогтмол орлоготой байхыг илүүд үздэг. Үр дүнд нь цалингаас цалингийн хооронд амьдардаг.

ДАДАЛ 4️⃣:

#Үнэгүй суралцахыг хүсдэг. Ядуу хүн маш олон үнэгүй сургалт, тренинг, семинарт хамрагдана гээд хүсэлтээ илгээчихсэн байдаг. Гэхдээ ихэнхэд нь очдоггүй. Ингэж явсаар, тухайн хүнд өөрт нь байнга суралцаад байгаа мэт санагддаг боловч үнэндээ хөгждөггүй. Сургалтын үнэ бол ирээдүйн амжилтын үзүүлэлт болохоос гадна таны сэдэл, зоригийн үнэ цэн юм шүү.

ДАДАЛ 5️⃣:

#Бусдын хөдөлмөрийг үнэлдэггүй. Ядуу сэтгэхүйтэй хүн бусдын хүч хөдөлмөрийг шулж амьдардаг. Түүний амьдралын философи бол үнэтэй эд зүйл, үйлчилгээг үнэгүй авах арга замыг эрэлхийлэх. Бусдын оюуны хөдөлмөрийг хулгайлах нь үргэлж ядуу амьдралаар амьдрахад яллаж байдаг юм.

ДАДАЛ 6️⃣:

#Өөрийгөө өрөвддөг. Хүмүүс хааяа асуудлын үндэс нь хүрээлэн буй орчинд байгаа гэдэгт итгэчихсэн байдаг.

Амьдарч буй улс эсвэл хот нь таалагддаггүй, ядуу гэр бүлээс гаралтай зэрэг ядуу хүнд өөрийгөө өрөвдөх шалтаг мундахгүй. Гэхдээ өрөвдөх сэтгэл дээр хөрөнгө босгоно гэвэл худлаа.

ДАДАЛ 7️⃣:

#Гонгинож, гомдолдог. Мөнгөөр дутагдах нь сэтгэл санаагаар унах шалтгаан болдог гэдэг бол нууц биш. Баян сэтгэхүйтэй хүн бүтэлгүйтэл бүрийг зорилгодоо хүрэхийн тулд давах ёстой даваа гэж үздэг.

Тэр хувь заяандаа гомдож, гонгинодоггүй. Мэдээж зарим үед хэн нэгэн чамайг өрөвдөөсэй гэж хүсэн тохиолдсон бүх зүйлээ яримаар санагддаг л даа. Гэхдээ тэглээ гээд юу ч өөрчлөгдөхгүй, түрийвчин дахь мөнгө чинь үржихгүй.

ДАДАЛ 8️⃣:

#Хүмүүс юу гэх бол? гэж боддог. Амжилттай хүн өөрийгөө хувь хүн талаас нь үнэлж чаддаг бөгөөд бусдын санал, бодлоос хамааралгүй амьдарч чаддаг. Ядуу хүн эсрэгээрээ хүч хөдөлмөр, цаг завынхаа ихэнхийг бусад хүмүүсийн нүдэнд хэрхэн харагдах бол гэж санаа зовон, имижээ алдахгүйг хичээдэг. Өөрийгөө илүү хүчтэй, амжилттай нэгэнтэй харьцуулж тэрэндээ гутардаг.

ДАДАЛ 9️⃣:

#Мөнгөө хий дэмий зүйлд үрдэг. Ядуу хүнд санхүүгийн стратеги гэж байдаггүй. Түүний зорилго бол мөнгө олох, тэгээд үрэх. Баячууд олсон мөнгөөрөө хөрөнгө оруулалт хийж өсгөхийг боддог. “Мөнгөгүй юм чинь юугаараа хөрөнгө оруулах вэ?” гэж боддог бол хамгийн буруу. Ирээдүйнхээ талаар бодохгүй байгаа болохоор мөнгөгүй байгаа юм. Баян хүн гэж мөнгө их олдог хүнийг биш олсон мөнгөө ухаантай зарцуулж чаддаг хүнийг хэлнэ.

ДАДАЛ 🔟:

#Хоромхон зуурын орлого олохыг хүсдэг. Ядуус шинэ зүйлд суралцахыг хүсдэггүй, ирээдүйнхээ төлөө ажиллая гэж боддоггүй. Тэд зөвхөн яг одоо, энэ мөчид л шууд мөнгө олохыг хүсдэг. Энэ бол бүтээгч биш хэрэглэгч хүний сэтгэхүйн жишээ. Аль болох бага хүч зарцуулж их мөнгийг тэр дор нь олохыг хүсдэг.

ДАДАЛ 1️⃣1️⃣:

#Дургүй ажлаа хийдэг. Ядуу хүнд дургүй ажлаа хийх 1000 шалтгаан олддог. Баасан гарагийг мөрөөдөж, даргаа зүхэн байж өглөө бүр ажилдаа явдаг. Өөрийн дуртай зүйлээ хийх зориг түүнд байхгүй. Ийм байдлаар, юуг ч өөрчлөхгүй явсаар хөгширч тэтгэвэртээ гарах нас нь болно.

ДАДАЛ 1️⃣2️⃣:

#Цагаа хий дэмий үрдэг. Ядуу сэтгэхүйтэй хүн “цагаа яаж нөхцөөх вэ?” гэж гашилдаг. Энэхүү туйлын сөрөг тохиргоотой асуултыг зөв асуулт болговол: “цагаа хэрхэн үр бүтээлтэй өнгөрөөх вэ?” гэж асууна.

Цагаа хэрхэн зарцуулдгаас бүх зүйл шалтгаалдаг, ядуу хүн цагаа нөхцөөж, баян хүн цагаа зөв ашиглаж, улам их баялгийг бүтээдэг.

ДАДАЛ 1️⃣3️⃣:

#Бусдын амьдралаар амьдардаг. Ядуу хүмүүсийн сэтгэхүйд нэгэн алдаа байдаг. Тэр нь бусдын амьдралыг өөрийнх дээрээ тусгаж ойлгох. Бусдын амьдралд тохиолдож буй үйл явдлаар амьсгалж, бусдын амжилтын сүүдэрт дарагдсанаар ядуу хүмүүс хий хоосон ертөнцөд амьдардаг. Үүний оронд өөрийнхөө хувь заяаг өөрөө босгож, айдсаа даван туулж бүхнийг шинээр эхэл!

#Та дээрх дадлаас өөрт хамаатайг олж харсан бол сэтгэлээр унах хэрэггүй. Харин ч ямар талаа өөрчлөх хэрэгтэйг олж мэдсэндээ баярлах хэрэгтэй. Зоригтой алхам хийх сэдэл авсан гэж найдаж байна. Амжилт хүсье!

- с хуулав

29/12/2024

When the space is small, but the owner is creative 👏🤩

07/12/2024

27/10/2024

27/01/2024