07/07/2026
God ferie – men ikkje ta fri frå IT-sikkerheita!
Mange har allereie starta sommarferien, medan andre har den rett rundt hjørnet. Nettkriminelle tek derimot aldri fri. Her er nokre enkle råd for ein tryggare sommar:
👉 Ver ekstra skeptisk når du er på reise🧳:
Svindlarar utnyttar at mange ferierer i byar og område der dei ikkje kjenner lokale reglar, parkeringsordningar eller transportsystem.
Derfor ser vi stadig fleire svindelforsøk som utgir seg for å vere f.eks parkeringsselskap, bompengeselskap eller ulike hotell- og bookingtenester. Forsøka kan komme via e-post, SMS, sosiale medium og ulike meldingstenester.
Mange svindlarar brukar også QR-kodar på plakatar, parkeringsautomatar og informasjonstavler for å leie deg til falske betalingssider.
Eit typisk svindelforsøk er at du mottek ein SMS om ei ubetalt parkeringsavgift eller ei melding som krev at du må betale eit gebyr for å unngå bot. Ver særleg forsiktig dersom meldinga seier at det hastar eller ber deg klikke på ei lenke.
Dersom du er usikker, gå direkte til den aktuelle tenesta eller appen i staden for å bruke lenka du har fått.
Og som elles i året:
👉 Ver forsiktig med opne WiFi-nett. Dersom mogleg, bruk mobilnettet når du skal handtere viktige kontoar eller sensitive opplysningar.
👉 Bruk sterke og unike passord på forskjellige tenester og aktiver fleirfaktorautentisering (MFA) der det er tilgjengeleg. Endå betre er det å ta i bruk passkeys på tenester som støttar dette.
👉 Sørg for at mobiltelefon, nettbrett og datamaskin har installert dei nyaste sikkerheitsoppdateringane.
👉 Dersom mogleg, aktiver diskkryptering (Bitlocker e.l) på datamaskina. På den måten unngår du at andre får tilgang til innhaldet dersom maskina blir stolen.
God sommar – og ver trygg på både nettet og reisa! 😎 ☀️
