15/03/2021
धेरै जनाले हाल पनि चाईनाको सामानलाई खासाको सामान भन्ने गरेको सुनेको छु , साच्चै भन्नु पर्दा धेरै पहिला मलाई पनि त्यस्तै लाग्दथ्यो। सवैलाई थाहा भएको कुरा हो आईफोन पनि चाईनामा बन्दछ तर त्यसलाई कसैले मेड ईन खासाको फोन भन्दैनन् । पसलेले रु. १००० भनेको सामान हामी प्रयोग कर्ताले रु. २००-३०० मा माग्दछौं , किन भने हामीहरु सस्तो कामचलाउ सामान खोज्दै हिंडदछौं , मोबाईल बोक्दछौं रु. ५०,००० ~ १ लाख को अनि चार्जर किन्दछौं रु. २००/- को , अनि त्यस चार्जरले भनेजस्तो काम नगरेपछी मेड ईन चाईनाको त ! सामान हो भन्न पनि छोड्दैनौं। हामीले सस्तो बिना क्वालिटीको सामान मात्र खोज्दै हिंडेपछी आयातकर्ता वा पसलेले पनि त्यस किसिमको सामानहरुनै आयात तथा विक्री वितरण गर्दछन् ।
तल तस्विरमा भएको सामानमा A तथा AA क्वालिटीको सामान धेरैजसो नेपालबाट अडर आंउदछ र AAA क्वालिटी भन्दा माथीको सानानहरु अन्य मुलुकहरु तिर चाईनाबाट निर्यात हुने गर्दछ , नेपालको प्राय ब्यापारीहरुको भनाई अनुसार क्वालिटीको सामान नेपालमा बिक्दैन तथा हाम्रो सामान महगो भयो भनेर ग्राहकहरु अर्को सस्तो बेच्ने पसल तिर लाग्दछन् , सो अन्त्यमा यो भन्न सकिन्छकी हामीहरुले नै कामचलाउ सामान खोज्दै हिंडनाले त्यो सामान , मेड ईन खासा नाम हुन गएको हो । जय नेपाल ।
