Gen. M. Alvarez ICT

02/09/2026

Civil Registry Office LGU Gen. Mariano Alvarez Cavite

31/07/2026

💻 MAS MABILIS, MAS LIGTAS, AT MAS EPEKTIBONG SERBISYO PUBLIKO SA GMA, CAVITE! 🇵🇭✨

Isang malaking tagumpay ang ginanap na PNPKI Digital Signature Enrollment and Issuance sa ating bayan! Sa pakikipagtulungan ng DICT Region IVA - Cavite sa pamamagitan ng Gen. M. Alvarez ICT, Tech4ED Center GMA at ng LGU-General Mariano Alvarez, matagumpay na naiproseso at naipagkaloob ang Digital Signatures ng ating mga kawani ng pamahalaan sa loob lamang ng ISANG ARAW! ⚡👏👏👏

Kabilang sa mga naunang tumanggap ng kanyang digital signature ang ating butihing Punong-bayan, Mayor Ed Custodio .

🏛️ PAGTALIMA SA E-GOVERNANCE AT PAGSUGPO SA RED TAPE

Ang inisyatibong ito ay isang konkretong hakbang sa pagtalima ng ating Lokal na Pamahalaan sa Republic Act No. 12254 (E-Governance Act of 2025) at sa Republic Act No. 11032 (Ease of Doing Business and Efficient Government Service Delivery Act / Anti-Red Tape Act).

Sa pamamagitan ng digitalization, direkta nating tinutugunan ang hamon ng mas mabilis na pagproseso ng mga dokumento upang tuluyang wakasan ang matagal na paghihintay at ang tinatawag na "red tape" sa pamahalaan.

Bakit Mahalaga ang Philippine National Public Key Infrastructure (PNPKI) Digital Signature?

🔐 Ligtas at Autentikong Dokumento: Tinitiyak nito na ang mga opisyal na dokumento ay protektado, legit, at hindi madaling mabago.

📄 Paperless at Mabilis na Transaksyon: Bawas-abala sa mga papeles! Mas mabilis na mapipirmahan at maaprubahan ang mga kinakailangang permit, clearance, at serbisyo para sa ating mga mamamayan at negosyante.

💼 Ease of Doing Business: Mas pinapadali ang pakikipagtransaksyon sa pamahalaan na naghihikayat ng mas magandang daloy ng ekonomiya at negosyo sa ating bayan.
📲 Modernong Governance: Dala nito ang makabagong pamamahala kung saan ang serbisyo ay nakatutok sa bilis, katapatan, at kalidad sa gitna ng digitalization.

💬 "Hindi na natin kailangang maghintay nang matagal para sa mga pirma at proseso. Sa tulong ng teknolohiya at patuloy na pagtalima sa Ease of Doing Business at Anti-Red Tape Act, ang serbisyong publiko ay mas ginagawang accessible, transparent, at mabilis para sa bawat mamamayan ng GMA!"

Maraming salamat sa DICT Region IV-A sa patuloy na pag-alalay at pag-agapay sa aming lokal na pamahalaan upang maiangat ang kalidad ng pamamahala! 🤝

Patunay lamang ito na sa Bayan ng GMA, ang serbisyo publiko ay hindi lang nararamdaman—itinataguyod din natin ito nang sabay sa agos ng modernisasyon at digital na panahon! 🚀 digital.

09/07/2026

01/07/2026

𝐃𝐈𝐆𝐈𝐓𝐀𝐋 𝐀𝐖𝐀𝐑𝐄𝐍𝐄𝐒𝐒 𝐀𝐍𝐃 𝐂𝐀𝐏𝐀𝐂𝐈𝐓𝐘 𝐃𝐄𝐕𝐄𝐋𝐎𝐏𝐌𝐄𝐍𝐓 𝐏𝐑𝐎𝐆𝐑𝐀𝐌 🎯🤝

Ipinapaabot ng ICT Section ang taos-pusong pasasalamat kay Mayor Ed Custodio sa kanyang patuloy na suporta at mahusay na pamumuno sa pagsusulong ng mga programang naglalayong palakasin ang digitalisasyon at modernisasyon ng mga serbisyo ng Pamahalaang Bayan ng General Mariano Alvarez.

Lubos din naming pinahahalagahan ang pakikipagtulungan ng ating mga empleyado sa matagumpay na pagsasagawa ng Digital Awareness and Capacity Development Program on Cybersecurity, Blockchain Technology, Financial Literacy, and Investment Fraud Prevention.

Taos-puso rin kaming nagpapasalamat kay 𝐀𝐭𝐭𝐲. 𝐏𝐫𝐞𝐜𝐢𝐥𝐥𝐚 𝐌𝐚𝐭𝐞𝐧𝐜𝐢𝐨 sa kanyang mahalagang suporta at koordinasyon na naging daan upang maging matagumpay ang nasabing programa.

Ang aming taos-pusong pasasalamat ay inilalaan din sa mga resource speakers mula sa 𝐃𝐞𝐩𝐚𝐫𝐭𝐦𝐞𝐧𝐭 𝐨𝐟 𝐈𝐧𝐟𝐨𝐫𝐦𝐚𝐭𝐢𝐨𝐧 𝐚𝐧𝐝 𝐂𝐨𝐦𝐦𝐮𝐧𝐢𝐜𝐚𝐭𝐢𝐨𝐧𝐬 𝐓𝐞𝐜𝐡𝐧𝐨𝐥𝐨𝐠𝐲 (𝐃𝐈𝐂𝐓), sina 𝐌𝐫. 𝐀𝐝𝐫𝐢𝐚𝐧𝐚 𝐁𝐚𝐫𝐫𝐞𝐫𝐚 at 𝐌𝐫. 𝐉𝐚𝐦𝐞𝐬 𝐏𝐚𝐮𝐥 𝐃𝐞 𝐆𝐮𝐢𝐚, sa pagbabahagi ng kanilang kaalaman at mahahalagang pananaw tungkol sa cybersecurity at blockchain technology.

Gayundin, kami ay nagpapasalamat sa mga kinatawan ng GCash, na sina 𝐆𝐂𝐚𝐬𝐡 𝐑𝐞𝐠𝐢𝐨𝐧𝐚𝐥 𝐒𝐚𝐥𝐞𝐬 𝐇𝐞𝐚𝐝 𝐑𝐨𝐬𝐞 𝐀𝐛𝐚𝐫𝐪𝐮𝐞𝐳 𝐚𝐭 𝐧𝐢 𝐀𝐜𝐜𝐨𝐮𝐧𝐭 𝐌𝐚𝐧𝐚𝐠𝐞𝐫 𝐀𝐫𝐯𝐢𝐧 𝐃𝐢𝐦𝐚𝐚𝐧𝐨.at si 𝐌𝐫. 𝐋𝐨𝐟𝐞𝐫 𝐌𝐚𝐛𝐚𝐢𝐭, sa makabuluhang talakayan ukol sa financial literacy at investment fraud prevention, na nagbigay ng mahalagang kaalaman upang higit na mapaigting ang kamalayan ng mga kalahok sa ligtas at responsableng paggamit ng mga digital financial services.

Nawa'y magsilbing inspirasyon ang mga programang tulad nito upang higit pang mapaunlad ang digital na kakayahan ng ating mga kawani at mamamayan, tungo sa isang mas episyente, ligtas, at makabagong serbisyo publiko.

30/06/2026

📊 𝗠𝗔𝗦 𝗧𝗨𝗠𝗣𝗔𝗞 𝗡𝗔 𝗗𝗔𝗧𝗢𝗦, 𝗠𝗔𝗦 𝗠𝗔𝗛𝗨𝗦𝗔𝗬 𝗡𝗔 𝗦𝗘𝗥𝗕𝗜𝗦𝗬𝗢: 𝗪𝗢𝗥𝗞𝗦𝗛𝗢𝗣 𝗦𝗔 𝗥𝗕𝗜𝗜𝗦 𝗩𝗘𝗥𝗦𝗜𝗢𝗡 𝟰 𝗔𝗧 𝗕𝗜𝗠𝗦 🖥️

Lubos na nagpapasalamat ang ICT Section sa patuloy na suporta at pamumuno ni Mayor Ed Custodio sa mga programang naglalayong mapalakas ang digitalisasyon at modernisasyon ng mga serbisyo ng Pamahalaang Bayan ng General Mariano Alvarez. Taos-puso rin ang aming pasasalamat kay 𝗠𝗟𝗚𝗢𝗢 𝗠𝘀. 𝗔𝗹𝗶𝗰𝗲 𝗕𝗮𝘆 sa kanyang pakikiisa at suporta sa mga inisyatibong nagtataguyod ng mahusay na pamamahala ng datos at pagpapalakas ng koordinasyon sa pagitan ng mga barangay at ng lokal na pamahalaan.

Bilang bahagi ng patuloy na pagsusulong ng digital transformation sa ating bayan, matagumpay na nagsagawa ang ICT Section ng isang workshop para sa mga Barangay Secretary at kanilang mga Administrative Staff/Encoders upang talakayin ang mga bagong update sa Version 4 ng Registration of Barangay Inhabitant Information System (RBIIS) at ang LGUSS Barangay Information Management System (BIMS) ng DILG.

Layunin ng workshop na maipakilala ang mga bagong tampok at pagpapahusay sa RBIIS Version 4, gayundin ang wastong paggamit at pagsasama ng RBIIS at BIMS bilang mga pangunahing sistema sa pangangalap, pamamahala, at pag-update ng datos ng bawat barangay. Tinalakay rin ang kahalagahan ng sabayang paggamit ng dalawang sistema upang magkaroon ng mas maayos, mas mabilis, at mas episyenteng proseso sa pagbuo at pagpapanatili ng mga rekord na nagsisilbing batayan sa pagpaplano ng mga programa, proyekto, at serbisyo ng lokal na pamahalaan.

Sa pamamagitan ng mga talakayan at aktuwal na demonstrasyon, nabigyan ng gabay ang mga kalahok hinggil sa tamang pag-encode, pag-update, at pag-validate ng impormasyon upang matiyak ang katumpakan, pagkakapare-pareho, at pagiging maaasahan ng mga datos na ginagamit ng pamahalaang bayan.

Binigyang-diin din sa workshop ang mahalagang papel ng RBIIS at BIMS sa pagpapabuti ng municipal data statistics, pagpapalakas ng evidence-based planning, at paglikha ng isang mas organisado at napapanahong database para sa buong bayan. Sa pamamagitan ng mga sistemang ito, inaasahang magiging mas seamless ang mga transaksyon at koordinasyon sa pagitan ng mga barangay at ng lokal na pamahalaan, na magreresulta sa mas mabilis at mas mahusay na paghahatid ng serbisyo sa mamamayan.

Patunay ang gawaing ito sa patuloy na pagsisikap ng Pamahalaang Bayan ng General Mariano Alvarez na maging kaagapay ng makabagong teknolohiya upang makapaghatid ng mas episyente, mas maaasahan, at mas dekalidad na serbisyo publiko para sa bawat GMAnians.

08/06/2026

🎉🎂 𝙈𝙖𝙡𝙞𝙜𝙖𝙮𝙖𝙣𝙜 𝙆𝙖𝙖𝙧𝙖𝙬𝙖𝙣, 𝙃𝙤𝙣. 𝙈𝙖𝙮𝙤𝙧 𝙀𝙙 𝙂. 𝘾𝙪𝙨𝙩𝙤𝙙𝙞𝙤! 🎂🎉

Ang buong ICT Section at DTC-TECH4ED Team ay taos-pusong bumabati sa inyo ng isang masaya, makabuluhan, at pinagpalang kaarawan.

Maraming salamat po sa inyong patuloy na suporta sa mga programang naglalayong mapalawak ang digital literacy, mapabuti ang paghahatid ng serbisyong pampubliko, at mabigyan ng mas maraming oportunidad ang ating mga mamamayan sa pamamagitan ng teknolohiya.

Nawa’y patuloy kayong pagkalooban ng mabuting kalusugan, lakas, karunungan, at tagumpay sa inyong pamumuno. Hangad namin ang marami pang taon ng makabuluhang paglilingkod at inspirasyon para sa ating komunidad.

Muli, Maligayang Kaarawan po at nawa’y maging masaya at makabuluhan ang inyong espesyal na araw!

Buong Lakas na sumusuporta,

ICT Section & DTC-TECH4ED Team