Ghulam usman official

Ghulam usman official My name is Ghulam usman I create this page to share news, information and IT related news and new invented Gadget, tool's etc etc.

سعودی عرب کے ولی عہد شہزادہ محمد بن سلمان سے پاکستان کے وزیراعظم شہباز شریف نے مکہ کے قصر الصفا میں ملاقات کی، جو سعودی ...
08/08/2026

سعودی عرب کے ولی عہد شہزادہ محمد بن سلمان سے پاکستان کے وزیراعظم شہباز شریف نے مکہ کے قصر الصفا میں ملاقات کی، جو سعودی عرب کے تین روزہ سرکاری دورے پر ہیں۔
پاکستان کے وزیراعظم ہاؤس کی جانب سے جمعے کو جاری کردہ بیان کے مطابق مکہ مکرمہ آمد پر سعودی ولی عہد شہزادہ محمد بن سلمان نے پاکستانی وزیرِ اعظم کا استقبال کیا۔
اس اعلیٰ سطح کی ملاقات میں پاکستان اور سعودی عرب کے درمیان دیرینہ برادرانہ تعلقات، دوطرفہ اقتصادی شراکت داری، خطے کی تازہ ترین صورتِ حال اور باہمی دلچسپی کے امور پر تفصیلی تبادلہ خیال کیا گیا۔
اس اہم ملاقات میں وزیراعظم کے ہمراہ نائب وزیرِ اعظم و وزیرِ خارجہ سینیٹر اسحاق ڈار، آرمی چیف فیلڈ مارشل سید عاصم منیر اور وزیرِ دفاع خواجہ آصف بھی موجود تھے۔

مکہ دفاعی معاہدہ: پاکستان، سعودی عرب اور ترکی کے اتحاد پر انڈیا میں تشویش کیوں ہے؟’تین ممالک کے مابین ہونے والے معاہدے ک...
08/08/2026

مکہ دفاعی معاہدہ: پاکستان، سعودی عرب اور ترکی کے اتحاد پر انڈیا میں تشویش کیوں ہے؟
’تین ممالک کے مابین ہونے والے معاہدے کی پیش رفت کو ہم قریب سے دیکھ رہے ہیں اور ہم اس پر آپ کو آگاہ رکھیں گے۔‘
یہ انڈیا کی وزارتِ خارجہ کا وہ ردِعمل ہے جو پاکستان، سعودی عرب اور ترکی کے مابین جمعے کو ’مکہ مشترکہ دفاعی معاہدے‘ کے حوالے سے سامنے آیا ہے۔
جمعے کو ہفتہ وار بریفنگ کے دوران انڈین وزارتِ خارجہ کے ترجمان رندھیر جیسوال جب اس سوال کا جواب دے رہے تھے تو پاکستان، سعودی عرب اور ترکی کے رہنما مکہ میں موجود تھے۔
اس معاہدے کے تحت ان تینوں ممالک میں سے ’کسی ایک ملک پر مسلح حملہ، سب پر حملہ تصور کیا جائے گا۔‘
اس معاہدے کے جہاں مشرقِ وسطیٰ کی سیاست پر پڑنے والے اثرات پر بات ہو رہی تو وہیں پاکستان کے ہمسایہ ملک انڈیا میں بھی یہ معاملہ زیرِ بحث ہے۔
تھنک ٹینک بروکنگز انسٹی ٹیوشن کی سینئر فیلو تنوی مدان کہتی ہیں کہ پاکستان سرد جنگ کے دوران بننے والے فوجی اتحادوں سینٹرل ٹریٹی آرگنائزیشن (سینٹو) اور ساؤتھ ایشیا ٹریٹی آرگنائزیشن (سیٹو) میں شمولیت کی سات دہائیاں بعد ایک نئے فوجی اتحاد میں شامل ہو رہا ہے۔
تنوی مدان نے ایکس پر لکھا کہ ’سیٹو کے آرٹیکل چار میں باہمی دفاع کی شق موجود تھی۔ تاہم امریکہ نے اس میں کچھ شرائط شامل کر رکھی تھیں۔‘
تنوی کے بقول مثال کے طور پر انڈیا اور پاکستان کے درمیان تنازع کی صورت میں امریکہ خود کو اس میں شامل ہونے سے بچا سکتا تھا۔ دوسری جانب پاکستان نے امریکہ کی ان درخواستوں کو مسترد کر دیا تھا جن میں اسے ویتنام جنگ میں حصہ ڈالنے کو کہا گیا تھا۔

مصری نژاد عبدالسیّد جو امریکی سینیٹ کے پہلے مسلمان رکن بن سکتے ہیںامریکی ریاست مشی گن میں سینیٹ کے امیدوار کے طور پر مصر...
06/08/2026

مصری نژاد عبدالسیّد جو امریکی سینیٹ کے پہلے مسلمان رکن بن سکتے ہیں
امریکی ریاست مشی گن میں سینیٹ کے امیدوار کے طور پر مصری نژاد عبدالسید کی کامیابی کے اثرات ڈیموکریٹک پارٹی کی قیادت نے سینکڑوں میل دور بھی ضرور محسوس کیے ہوں گے۔

ڈیموکریٹک پارٹی کے امیدوار بن جانے کے بعد ان کا مقاملہ نومبر میں ٹرمپ کے حامی رپبلکن امیدوار مائیک راجرز سے ہو گا جس میں فتحیاب ہونے پر وہ امریکی سینٹ کے پہلے مسلمان رکن بن کر امریکی سیاست میں ایک نئی تاریخ رقم کر سکتے ہیں۔

لیکن اس سے پہلے ہی امریکی سیاست میں ان کا نام مشہور ہو چکا ہے۔

اس کی ایک وجہ یہ ہے کہ ایسے سال میں جب رپبلکن پارٹی کو انتخابی میدان میں نمایاں مشکلات کا سامنا نظر آ رہا ہے، ڈیموکریٹک پارٹی کے ابتدائی انتخابات میں ووٹ دینے والوں نے ایک بائیں بازو کے باغی امیدوار پر اعتماد کیا ہے۔

اس سے نومبر میں ہونے والے سینیٹ کے انتخاب کی اہمیت مزید بڑھ گئی ہے، کیونکہ یہی مقابلہ سینیٹ کے مجموعی کنٹرول کا فیصلہ کر سکتا ہے۔

اب سوال یہ ہے کہ کیا جس طرح عبدالسید نے پارٹی کے بنیادی حامیوں کو جوش دلایا اور ان کے غصے کو اپنی طرف متوجہ کیا، وہی حکمت عملی عام ووٹروں پر بھی اثر انداز ہو سکے گی؟ اور کیا ایک کھلم کھلا بائیں بازو کا ڈیموکریٹ کسی ایسی ریاست میں کامیاب ہو سکتا ہے جہاں دونوں بڑی جماعتوں کے درمیان سخت مقابلہ ہوتا ہے؟

انڈیا میں مقیم شیخ حسینہ کا دسمبر میں بنگلہ دیش واپسی کا اعلانعوامی لیگ کی جلاوطن سربراہ اور سابق وزیرِ اعظم حسینہ واجد ...
06/08/2026

انڈیا میں مقیم شیخ حسینہ کا دسمبر میں بنگلہ دیش واپسی کا اعلان
عوامی لیگ کی جلاوطن سربراہ اور سابق وزیرِ اعظم حسینہ واجد نے دسمبر میں اپنے ملک واپس جانے کا اعلان کر دیا ہے۔

بدھ کو 'فارن کورسپانڈینٹس کلب آف ساؤتھ ایشیا' کے زیرِ اہتمام ایک ورچوئل پریس کانفرنس میں انڈیا میں مقیم بنگلہ دیش کی سابق وزیرِ اعظم شیخ حسینہ نے اپنے ملک واپسی کی تاریخ تو نہیں بتائی لیکن کہا کہ وہ دسمبر میں وہاں جانے کا ارادہ رکھتی ہیں۔

اس ایونٹ میں ویڈیو لنک کے ذریعے شیخ حسینہ کے لندن میں مقیم صاحبزادے اور سیاسی مشیر سجیب واجد جوئے بھی موجود تھے۔ اس پریس کانفرنس کے دوران بنگلہ دیش کی سابق وزیرِ اعظم کی تصویر تو سکرین پر نظر نہیں آئی، تاہم وہ اپنی آواز کے ذریعے صحافیوں کے سوالات کا جواب دیتی رہیں۔

ایک سوال کے جواب میں انھوں نے کہا کہ وہ اپنی بنگلہ دیش روانگی کی تفصیلات کے حوالے سے جلد ہی میڈیا کو آگاہ کریں گی۔

'فارن کورسپانڈینٹس کلب آف ساؤتھ ایشیا' ایک ایسے وقت میں ہوئی ہے جب شیخ حسینہ کی حکومت کا خاتمہ ہوئے دو برس ہو چکے ہیں۔ 5 اگست 2024 کو اپنی حکومت کے خاتمے کے بعد انھوں نے پڑوسی ملک انڈیا میں سیاسی پناہ حاصل کی تھی۔

امریکی ویزے کے لیے 20 ہزار ڈالر کی نئی شرط،پاکستانی بھی یہ رقم جمع کروائیں گے؟امریکہ نے وزٹ ویزا حاصل کرنے والے بعض غیر ...
05/08/2026

امریکی ویزے کے لیے 20 ہزار ڈالر کی نئی شرط،پاکستانی بھی یہ رقم جمع کروائیں گے؟
امریکہ نے وزٹ ویزا حاصل کرنے والے بعض غیر ملکی شہریوں کے لیے 20 ہزار ڈالر تک کی ضمانتی رقم (بانڈ) جمع کرانے کی شرط مستقل بنیادوں پر نافذ کر دی ہے تاہم پاکستان ان 50 ممالک کی فہرست میں شامل نہیں ہے جن پر اس قانون کا اطلاق ہو گا۔
امریکی فیڈرل رجسٹر میں شائع ہونے والی فہرست کے مطابق یکم اگست سے نافذ العمل ہونے والے اس پروگرام میں جنوبی ایشیائی ممالک میں سے بنگلہ دیش اور نیپال شامل ہیں جبکہ پاکستان اور انڈیا اس فہرست میں موجود نہیں ہیں۔
افغانستان اور ایران کو بھی اس عمل سے الگ رکھا گیا ہے کیونکہ امریکہ کے ان کے ساتھ معمول کے سفارتی تعلقات نہیں ہیں۔

چین کا امریکی تجارتی پابندیوں کے جواب میں ’جوابی اقدامات‘ کا اعلانچین نے واشنگٹن کی جانب سے جبری مشقت اور قومی سلامتی کے...
05/08/2026

چین کا امریکی تجارتی پابندیوں کے جواب میں ’جوابی اقدامات‘ کا اعلان
چین نے واشنگٹن کی جانب سے جبری مشقت اور قومی سلامتی کے خدشات کے تحت لگائی گئی حالیہ تجارتی پابندیوں کے ردِعمل میں امریکہ کے خلاف جوابی اقدامات کا اعلان کیا ہے۔
چین کے جوابی اقدامات میں ڈرونز اور ان کے اہم پرزہ جات و ٹیکنالوجی کی برآمد پر سخت کنٹرول اور چھ امریکی کمپنیوں کو بلیک لسٹ کرنا شامل ہے۔
فرانسیسی نیوز ایجنسی اے ایف پی کے مطابق یہ اقدام اس وقت سامنے آیا جب امریکہ نے چین اور 59 دیگر ممالک پر نیا ٹیرف لگایا جو حالیہ تجارتی اقدامات کی ایک کڑی ہے۔
چینی وزارتِ تجارت کے ترجمان نے کہا کہ ’امریکی اقدامات چین کے جائز حقوق اور مفادات کو شدید نقصان پہنچاتے ہیں۔ چین صرف ضروری جوابی اقدامات ہی کر سکتا ہے، جن میں امریکہ کو ڈرونز اور ان کے اہم پرزہ جات و ٹیکنالوجی کی برآمد پر کنٹرول سخت کرنا شامل ہے۔‘

عمان کے قریب بحری جہاز میں آگ، ایران کا دو ٹینکرز کی تباہی کا دعویٰسمندری سفر پر نظر رکھنے والی برطانوی ایجنسی (یو کے ا...
20/07/2026

عمان کے قریب بحری جہاز میں آگ، ایران کا دو ٹینکرز کی تباہی کا دعویٰ
سمندری سفر پر نظر رکھنے والی برطانوی ایجنسی (یو کے ایم ٹی او) نے کہا ہے کہ آبنائے ہرمز میں ایک بحری جہاز کو آگ لگنے کا واقعہ پیش آیا ہے۔
یہ واقعہ ایک ایسے وقت میں پیش آیا ہے جب امریکہ اور ایران آبی گزرگاہ پر کنٹرول حاصل کرنے کی کشمکش میں ہیں اور اس کے راستے بحری آمد و رفت سست روی کا شکار ہے۔
خبر رساں اداروں کے مطابق پیر کو جاری کیے گئے بیان میں یو کے ایم ٹی او کا کہنا ہے کہ ’جہاز کو کسی نامعلوم پروجیکٹائل نے نشانہ بنایا جبکہ اس پر سوار سٹاف ارکان کو ایک کشتی کی مدد سے محفوظ طور پر نکال لیا گیا۔ جہاز میں لگی آگ کو ابھی تک نہیں بجھایا جا سکا اور وہ بے قابو حالت میں تیر رہا ہے۔‘

امریکہ اور ایران میں ساتویں رات بھی حملوں کا تبادلہ، مشرقِ وسطیٰ جنگ کی لپیٹ میںامریکہ اور ایران نے ہفتے کے روز ایک دوسر...
18/07/2026

امریکہ اور ایران میں ساتویں رات بھی حملوں کا تبادلہ، مشرقِ وسطیٰ جنگ کی لپیٹ میں
امریکہ اور ایران نے ہفتے کے روز ایک دوسرے کے انفراسٹرکچر اور فوجی اہداف کو نشانہ بناتے ہوئے حملوں کا تبادلہ کیا، جس کے باعث آبنائے ہرمز پر جاری کشیدگی مزید شدت اختیار کر گئی۔
عرب نیوز کے مطابق خطہ گزشتہ کئی دنوں سے شدید کشیدگی کی زد میں ہے اور یہ تنازع بتدریج آبنائے پر کنٹرول کے گرد گھوم رہا ہے۔ عارضی جنگ بندی کے خاتمے کے بعد اس جنگ کے خاتمے کی کوئی واضح صورت نظر نہیں آ رہی جو امریکہ اور اسرائیل نے چار ماہ سے زائد عرصہ قبل شروع کی تھی۔
امریکی سینٹرل کمانڈ نے سنیچر کی صبح کہا کہ مسلسل ساتویں رات کی کارروائیوں میں ’نگرانی کے مراکز، فوجی لاجسٹک انفراسٹرکچر، زیرِ زمین اسلحہ ذخائر اور بحری صلاحیتوں‘ کو نشانہ بنایا گیا۔

پاکستان نے ابھی ایران امریکہ مفاہمت سے ہاتھ نہیں اٹھائے: دفتر خارجہپاکستان کے دفتر خارجہ نے کہ ہے کہ موجود صورتحال میں ا...
16/07/2026

پاکستان نے ابھی ایران امریکہ مفاہمت سے ہاتھ نہیں اٹھائے: دفتر خارجہ
پاکستان کے دفتر خارجہ نے کہ ہے کہ موجود صورتحال میں امریکہ کے ساتھ رابطے میں ہیں، امن عمل کی کبھی موت نہیں ہوتی اور پاکستان نے ابھی ایران امریکہ مفاہمت سے ہاتھ نہیں اٹھائے۔
جمعرات کو اسلام آباد میں بریفنگ دیتے ہوئے ترجمان دفتر خارجہ طاہر اندرابی نے کہا کہ برگن سٹاخ بات چیت امن عمل کے ایک ٹیمپلیٹ کے طور پر سامنے آیا، جب بھی فریقین تناؤ میں کمی کی ضرورت محسوس کرتے ہیں وہ دوبارہ اس امن عمل کے ٹیمپلیٹ میں شریک ہوتے ہیں۔
ان کا کہنا تھا کہ ’اسلام آباد مفاہمت ابھی بھی ایک جاری عمل ہے، اور ہمارا موقف واضح ہے کہ مذاکرات ہونے چاہییں اور امن عمل کو ایک موقع ملنا چاہیے، اسلام اباد مفاہمت میں ہم اعلی ترین سطح پر رابطے میں ہے۔‘

پاکستان کی سعودی عرب پر حوثیوں کے میزائل حملے کی شدید مذمتپاکستان نے یمن کی حوثی ملیشیا کی جانب سے سعودی عرب پر کیے گئے ...
15/07/2026

پاکستان کی سعودی عرب پر حوثیوں کے میزائل حملے کی شدید مذمت
پاکستان نے یمن کی حوثی ملیشیا کی جانب سے سعودی عرب پر کیے گئے بیلسٹک میزائل حملے کی سخت مذمت کرتے ہوئے مملکت کی سلامتی کے لیے اپنی مکمل حمایت کا اعادہ کیا اور ساتھ ہی مشرقِ وسطیٰ میں بڑھتی ہوئی کشیدگی کے تناظر میں مذاکرات اور خطے میں تناؤ کم کرنے پر زور دیا ہے۔
منگل کو اقوام متحدہ میں پاکستان کے نائب مستقل مندوب عثمان جدون نے یمن کی صورتحال پر اقوام متحدہ کی سلامتی کونسل کے ہنگامی اجلاس سے خطاب کرتے ہوئے کہا کہ ’پاکستان سعودی عرب کے خلاف حوثیوں کے بیلسٹک میزائل حملوں کی شدید مذمت کرتا ہے۔‘

Address

Takht Bai

Website

Alerts

Be the first to know and let us send you an email when Ghulam usman official posts news and promotions. Your email address will not be used for any other purpose, and you can unsubscribe at any time.

Shortcuts

Share

Category