ITGeeks, Saudia Arabia, Jada`ah (2026)

19/07/2024

العالم النهرده صاحي علي الغاء لرحلات الطيران في مطارات دول العالم زي أسبانيا وهولندا وانجلترا وأمريكا, البنوك معطله عن العمل ووكالات الأنباء وحتي المستشفيات لم تسلم من المشكلة, ومحدش فاهم السبب!

إيه اللي حصل؟

زي محنا عارفين انه المطارات أو البنوك ووكالات الإعلام إلخ كله بيشتغل بسرفرات نظام تشغيلها هو الوندوز. لحماية السرفرات المهمه دي من الإختراق فالشركات بتشتري برمجيات حماية عشان ميتمش إختراق السرفرات دي وبالتبعيه يحصل اللي بالفعل حصل النهرده.

عشان نبسط المعلومة للقارئ الغير تقني, فانت لو هتحمي جهازك من الاختراقات او الفيروسات بتجيب برنامج أنتي فيرس وتنزله علي الجهاز, مظبوط؟ طيب لو عندك شركة عملاقة فيها اربعين الف موظف؟ اكيد قصة انك تجيب أنتي فيرس دي مش هتنفع فبتلجأ كحد مختص لبرمجيات تستحمل الشغل العملاق ده وتدعم أنظمة التشغيل المختلفة ويكون تنزليها واداراتها ومراقبتها علي الاف الأجهزة سهل, وهنا يجي دور شركة زي CrowdStrike المتخصصة في حماية الشركات من خلال برمجيات السايبر سكيورتي الخاصة بيها واللي أشهرها Falcon وهو برنامج حماية بينزل علي السرفرات وأجهزة الموظفين لحمايتها من عمليات الاختراق بتقنيات متقدمة.

بخصوص العطل فالأنباء الأولية قالت بانه اختراق حدث علي شركة CrowdStrike من خلال ثغرة أمنية في أنظمتها + هجوم حجب الخدمة DDoS علي سرفراتها وهو ما تم نفيه من أكثر من جهه ومختصين علي رأسهم George Kurtz صاحب شركة CrowdStrike والمدير التنفيذي للشركة. حيث أعلن بأن السبب وراء هذه الكارثة هو تحديث خاطئ تسبب في ظهور شاشات ال_م_وت الزرقاء او ما يعرف بإسم Blue Screen of Death كما يظهر في الصور المرفقه في البوست وكذلك دخول السرفرات في مرحلة لا نهائية من إعادة التشغيل restart دون جدوي. هذا العطل هو السبب في خروج ملايين الأجهزة حول العالم عن الخدمة منها انظمة المطارات كما في الصور المرفقة وكذلك البنوك وأجهزة ال ATM ووكالات الأنباء والمستشفيات وغيرها من أنظمة الشركات حول العالم.
جدير بالذكر أن المشكلة تصيب نظام تشغيل الوندوز فقط بينما السرفرات والأجهزة التي تعمل بنظام تشغيل Linux و Mac غير متضررة.

قامت الشركة بالفعل بإصدار حل للمشكلة ونشر التحديث لحل المشكلة علي السرفرات المتضررة من المشكلة التقنية. ولكن الاف الشركات قامت بالفعل, لحل سريع للمشكلة, بحذف برامج الحماية الخاصة بشركة CrowdStrike مما يجعل سرفرات الاف الشركات الآن متروكة بلا حماية وعرضه لعمليات إختراق!.

20/03/2024

⁦⚠️⁩ غلطة كبيرة بس مش مقصودة في الاسم، هو مصطفى وليس هاني ⁦⚠️⁩🤭

لما كان عنده 11 سنة في مدرسة ثانوي فكر هو وأعز صحابه يعملوا مشروع سوا، وبدأوا يبيعوا حلويات في حوش المدرسة، كان بيروحوا يشتروا بالجملة وبدأوا يأجروا دواليب صحابهم منهم عشان يخزنوا البضاعة ودفعوا لشوية طلبة عشان يبدأوا يبيعوا معاهم في الفسحة، طبعًا الدنيا كانت ماشية فل لحد ما المدرسين اكتشفوا وقفلولهم القصة خالص!

لما المشروع وقف مصطفى سليمان كان كسب حاجات كتير فكرة البيزنس والادارة وازاي ان الناس جزء أصيل من أي نجاح، بس كمان اتعلم ان دايما فيه جهات أقوى منه بتحاول تسيطر على الأفكار وتفرض رأيها.. في اللحظة دي في حاجات كتيرة اتغيرت في تفكيره ومكنش يعرف انها هتأثر على مستقبله!

سليمان عاش كل حياته في انجلترا لأب سوري كان شغال سواق تاكسي وأم بريطانيا كانت شغالة ممرضة، فكان فعلا من الطبقة الكادحة في بريطانيا لما اتولد سنة 1984، كان بيحب الفلسفة وكان بيسأل كتير وريادة الأعمال كانت في دمه من صغره من ساعة مشروع الحلويات!

لما كبر سليمان دخل جامعة اوكسفورد ودرس هناك علوم التوحيد والفلسفة واستمر هناك سنتين تلاتة بس بعد فترة حس ان اللي بيدرسه على اد ما هو عظيم، إلا انه مش ملمس ابدا مع الواقع الحقيقي اللي هو عايشه، وشايف انه مليان ظلمك ومفيش عدالة وفيه فئات كتيرة مظلومة في المجتمع الانجليزي، فقرر يعمل حاجة قلبت انجلترا !

سليمان وصديقه محمد مدماني عملوا خدمة تليفونية اسمها Muslim Youth Helpline وهي عبارة عن خدمة لمساعدةو نصيحة أصحاب الأمراض العقلية والنفسية والاكتئاب، طبعًا اتعلم سليمان كتير جدا في المشروع اللي فيما بعد بقى واحد من أهم خدمات مساعدة المصابين بالأمراض العقلية في انجترا، شاف فعلا ان فكرته كانت صح عن مدى الظلم وعدم العدالة بين طوائف البشر هناك، بس لما وصل 22 سنة شاف سليمان انه محتاج ياخد خطوة تانية لإن مؤسسات المجتمع المدني دي مستقبلها مش دايم ومش هيقدر يحقق تأثير محسوس في المجتمع طول ما هو مصيره مربوط بالفلوس اللي بتجيله من التمويلات اللي بتنزل بالقطارة كل فين وفين!

ساعتها جالوا فرصة يمسك تطبيق المبادرات والسياسات الخاصة بحقوق الانسان مع عمدة لندن السابق Ken Livingstone، وطبعا شاف انه منصب حكومي مهم زي ده هيخليه يقدر يبقى قريب من أصحاب القرار وتنفيذه ويقدر يأثر بشكل كبير، بس طبعا مع الوقت عرف ان الله حق ومفيش الكلام ده يا معلم، وخلع في السريع مطولش كتير!

بعدها دخل سليمان تجربة جديدة لما عمل شركة Reos Partners وهي شركة متخصصة في تقديم استشارات للأعمال المجتمعية زي القضاء على المخلفات والقمامة على مستوى العالم وتحقيق التعددية وقبول الاختلاف ودعم المختلفين من حيث اللون والجنس والأقليات في كل مكان، مع الوقت ذاع صيت الشركة واشتغلت مع الأمم المتحدة والحكومة الهولندية والحكومة الأمريكية مؤخرًا كمان، وعملوا 6 فروع للشركة على مستوى العالم ولسا مكملة لحد دلوقتي!

سليمان طار كالعادة في 2010 من شركة الاستشارات، بس قبلها بسنة كان في مخه فكرة مكنش عارف انها هتخليه رائد من رواد تقنيات المستقبل وفعلا ساعتها تُقله هيساوي دهب! 😮

في 2009، كان قاعد مع صديق طفولته Demis Hassabi اللي كان في الاول اخو واحد صاحبه، بس جمعتهم الدماغ المشتركة، وبدأوا يتناقشوا انهم لو فعلا عايزين يغيروا العالم ويأثروا بشكل كبير لازم يقدروا يحلوا مشاكل وحاجات بيعاني منها الناس بشكل كبير في حياتهم، بس كل واحد فيهم كان عنده وجهة نظر لحل المشاكل دي ديميس كان شايف انه يتعمل محاكاة برمجية يدخل جواها كل حاجة ليها علاقة بظروف وأسباب المشاكل، ويبدأ يتم تحليل كل ده للخروج بحل منطقي وقوي، بس سليمان كان عايز حاجة أسرع بكتير من كدا عشان يحل المشكلة بشكل جذري!

في الآخر وصل سليمان وديميس إلى أن الحل انهم يعملوا سيستم ذكاء اصطناعي يستخدموه لحل أكتر مشاكل العالم تعقيدًا .. ودي كانت بداية شركة DeepMind !

صيت سليمان كان مسمع جدا جوا الشركة لإنه كان نشيط جدًا ودماغه متفتحتة وبيقبل يسمع آراء مختلفة وبيحاول دايما يحل المشاكل بشكل غير تقليدي وهدفه الرئيسي مكنش الفلوس وانما كان انه يحل مشاكل أكتر ويسهل حياة البشر، وده اللي لفت انتباه كتير من المستثمرين العتاولة لشركته زي Peter Thiel وإيلون ماسك وفرانك ميهان اللي يعتبر من أوائل المستثمرين اللي حطوا فلوس في تطوير مساعد أبل Siri !!

بعد فترة من لمعان نجم الشركة، في 2014 جوجل دخل وحطت 400 مليون جنيه أسترليني ع الترابيزة واستحوذت على DeepMind وخدت الجمل بما حمل من فريقها !

مصطفى سليمان فضل مدير تنفيذي للشركة، وديميس استمر في رئاسة قطاع الادارة والتطوير جوا الشركة، وفعلا DeepMind أثبتت كفاءة مع منتجات جوجل زي انها كانت السبب الرئيسي في ان جوج أسيستانت يقدر يطلع أصوات مختلفة لنطق لغات زي الانجليزية واليابانية وكمان قدرت انها تقلل نسبة الكهربا المستهلكة مع حركة الداتا جوا مراكز بيانات جوجل بنسبة 15% !

بعد فترة بقى سليمان مسؤول عن تطبيقات سيستم DeepMind في مجال الصحة، فقدر في فترة قصيرة يقنع عدد كبير من الهيئات والمؤسسات الحكومية والخاصة الطبية في بريطانيا انهم يعتمدوا على سيستم الشركة في انهم يقدموا خدمات متطورة بالذكاء الاصطناعي للدكاترة والمرضى تسهل عليهم متابعة حالاتهم، وكمان وصل الأمر إلى الاكتشاف المبكر للسرطان!

يمكن المميز جدًا في DeepMind هي قدرتها باستمرار على إثبات انه السيستم بتاعها قادر انه يعلم نفسه ويطور طرق مذهلة لتعليم الآلة Machine Learning وابتكار أساليب جديدة عمرها ما كانت موجودة قبل كدا لحل مشكلات كتيرة، وكان أكتر الحاجات اللي بان فيها القدرات دي هي مجال الجيمز، في 2017 روبوت قايم على سيستم الشركة كسب بطل العالم في لعبة Go، وكتير جيمز تانية منها ألعاب أتاري وألعاب StarCraft وأحب أقولك ان في آخر 2018 السيستم احترف ألعاب صعبة جدًا زي الشطرنج من خلال مجرد تعريفه بالقواعد الرئيسية للعبة زي حركة الطابية والملك والوزير والكلام العام ده، وبيبدأ السيستم يلاعب نفسه ماتشات طول الوقت عشان يدرب نفسه بنفسه... بدون تدخل بشري!

المثير بقى للإعجاب ان سليمان دايمًا من أكتر الناس المؤمنين جدًا بفكرة ان الذكاء الاصطناعي مش كلو حلو واستخداماته ممكن زي ما بتنفع جدًا ممكن تضر جدًا وتخرج عن السيطرة عشان كدا كان دايمًا من أنصار ضرورة وضع أسس وقيم وأخلاقيات لاستخدام الذكاء الاصطناعي في حياتنا!

وأحب أوي أقفل الكلام العظيم ده بحاجة عملها سليمان وصاحبه اللي كان بيبيع معاه الحلويات لما بطلوا يبيعوا، انهم استلفوا كرسي متحرك من حد يعرفوه عنده مشكلة في الحركة، وقرروا انهم يستخدموه عشان يدخلوا معظم مطاعم وكافيها وأماكن الترفيه في لندن، وبعدها عملوا كتيب إلكتروني من 80 صفحة عن تجربتهم مع الأماكن الترفيهية هناك عشان يقدروا يساعدوهم انهم يتفسحوا ويتحركوا براحتهم تماما من خلال أبلكيشن بسيط بيعرض التجربة اللي هيقابلوها أصحاب القدرات الخاصة لو راحوا يتفسحوا بحيث يختاروا المكان الي فعلا يريحهم قبل ما يروحوه!

😍 هاشتاج اتغيرت فكرته شوية بدل ما هيركز على مصر بس، لأ هيبقى لكل العرب عشان بصراحة لقيت كنوز كتيرة محتاجين نطلعها للنور ونفتخر بيها 😊

صباحكم فُل

20/11/2023

رسالة بتيجي لموظف على تيمز بتقوله تم حصول تعديلات على المرتبات والارباح السنوية ومرفق فايل فيه قائمة التعديلات، الموظف بينزل الفايل بيلاقيه .zip بيفك الضغط عنه بيلاقي جواه مجموعة فيلات .pdf اساميها تعديلات المرتبات فا بيدوس على اول فايل pdf هوب تم اختراق جهازه وتم سرقة بيانات الشركة وعندنا data breach جديد.

ده بالظبط سيناريو لسه حاصل وتم اكتشافه من مالوير اسمه DarkGate التركايه هنا هو فايل ال pdf منظره والامتداد بتاعه .pdf ولكن هو LNK فايل بيقدر يحط جواه command يتنفذ.

الخطوات كالأتي:

1- فايل مضغوط بيتبعت عن طريق لينك في ميل تحمله منه او عن طريق رسالة في تيمز مرفق معاها الفايل المضغوط والله مضغوط زينا 😅

2- الفايل جواه مجموعة فيلات منظرها والامتداد pdf ولكن هي LNK فايل منظرها كده Salary_Changes.PDF.LNK

3- جواه اي فايل من الفيلات دي Command بيتنفذ اول ما يتم تشغيلها، ال Command عبارة عن استخدام تول Curl عشان انزل سكريبت AutoIt واشغله واللي بدوره بينزل مالوير DarkGate وبياخد تحكم كامل في الماشين وسرقة كل البيانات اللي عليها.

دايما الخطر هو العنصر البشري ودايما النصيحة be aware of any downloaded file and always assume zero trust.

https://www.malwarebytes.com/blog/business/2023/10/on-the-frontlines-battling-an-in-the-wild-darkgate-infection-with-malwarebytes-mdr/amp

18/11/2023

فيسبوك بيحب من وقت للتاني يغفلنا بمفاجآت وحزقات تقنية ويجرب فينا في الخبيني ومن غير ما نعرف

آخر الحزقات دي اضافة اوبشن للتحكم في محتوى التايملاين ومش بس ضاف الاوبشن من غير ما يقولنا لا ده اختارلنا من نفسه الاختيار الي يخليه يعرضلك الي هو عاوزه بحجة ان الباقي ده محتوى ضعيف ومش هيعجبك

طب مين قرر ان المحتوى ده ضعيف؟
ال ai
طب ايه هي معايير الاختيار؟
والله ال ai لسه بيتعلم ويجرب فيك فا قرر يخفيلك بوستات الفريندليست بتاعتك ويظهرلك في صفحات وناس مش موجودين عندك اصلا وربما تكون دي البرمجة بتاعته ويكون الموضوع مقصود لأغراض دعائية

على كل حال هو سايبلك الاوبشن انك تقفله لكن النمس مخبيه تحت السرير وعشان توصله لازم تكون فاتح desktop view

إعمل الخطوات الي قدامك دي لو حاسس ان التايملاين بتاعك بقاله فترة مش بتاعك وفي محتوى عشوائي كتير عمال يظهرلك

تعديل..
الاوبشن ظهر عند بعض الناس من ابلكيشن الموبايل
ادخل ال settings
اعمل search على news feed
لو لقيت reduce
كمل نفس الخطوات الي قدامك
لو ملقتهاش افتح من ال browser وخليه desktop view

10/11/2023

المجموعة اللي اخترقت #فوري بتقول إن الداتا بتاعة اليوزرز كلها معاها، يعني مسحك للبيانات أو لحسابك البنكي مش هيفيد في حاجة غالباً

ولكن فيه نقطه غايبه عننا اساساً ، وهيا إن المجموعه دي برا مصر وهما لو معاهم بيانات الكروت المصريه مش هيستفيدو بيها في اي حاجه لان الكروت المصريه كلها البري بيد والديبيت مبتدفعش دولارات برا مصر اصلاً !

والكريديت كارد الليميت بتاعها في مصر بقي ٢٥٠ دولار وإحنا مخلصين الليمت ال ٢٥٠ دولار من اول الشهر ومقضينها سوق سودا وبنوك برا مصر

فا من حظ المجموعه دي ان الكروت المصريه مش هيقدرو يستفيدو بيها في اي حاجه ! ولا حد هيقدر يسحب منهم دولار واحد !

10/11/2023

#للاستفادة

انا نازل بكره انتر فيو ومش عارف اعمل ايه
سيف الإسلام المصرى
السلام عليكم ورحمة الله وبركاته
إن شاء الله هبدأ بكتابة موسوعة لكل أسئلة الإنترفيو المتوقعة بكل أنواعها العادية والـ stress في جميع المجالات :
1- خدمة العملاء
2- التيلي سيلز
3- التسويق الإليكتروني
4- التكنيكال سبورت ADSL
5- المحاسبة
6- الأقسام الهندسية المختلفة
تابعوا معي كل الردود ...
هبدأ بسم الله ..هبدأ بشوية نصائح أتمنى كل الناس تاخد بالها منها .. النصائح دي اتقالتى في المنحة اللى أخدتها من مدير إتش أر في شركة كبيرة في مصر
1- لااااااااااازم اللبس يكون فورمال حتى لما تستلم الشغل ان شاء الله لازم تروح فورمال لحد ما هما يقولولك الـ dress code الخاص بالشركة
2- متديش ظهرك للإتش ار اطلاقا الا في حالة انك كنت في قاعة طوووووويلة وبالتالى مش هينفع تمشي بظهرك مسافة طويلة
3- الابتسامة متفارقكش لحد ما تخلص من الانترفيو مهما كانت حالتك
4- وانت بتقعد على الكرسي مش بتقعد دييييييييييييب مرة واحدة لا على 3 خطوات الاول بتقف وبترجع لورا لحد ما تلمس الكرسي ( متبصش لورا كدة على الكرسي لا ) تانى خطوة لما رجليك تلامس الكرسي تقعد على طرفه وثالث خطوة ترجع لورا شوية وتقعد مرتاح كدة
5- خلوا بالكم من الـ shake hands
- practice ... practice ... practice لازم تتمرن كتير على الانترفيو واسئلة الانترفيو وانت الوحيد اللى هتعرف الاسئلة المتوقعة
7- الـ CV هتقراه مرة واتنين و 3 وهتطلع منه اسئلة كتييييييييييييييييير لانك لازم تعرف ايه المكتوب في الـ CV بتاعك علشان تعرف الانترفيور ممكن يسألك اسئلة في ايه
شهادات .. مشروع تخرج .. تطوع ... الخ
8- الثقة ثم الثقة ثم الثقة .... ايه يعني لو الواحد متقبلش لقدر الله يعني في اى وظيفة عااااااااااادي في كتير غيرها ( فعلا والله ) الدنيا مش هتقف يعني عشان كدة خليك واثق من نفسك ومش هقولك متخافش لا خاف بس اياك تبين خوفك ده للانترفيور اتكلم بطبيعتك بس اوعى تقلب معاك بغرور
9- طبعا الـ body language تربيع الايدين مش عاوزينه ... البنات بس اللى مسموح ليهم يحطوا رجل على رجل ...
السلام عليكم ... نيجي للجزء الثاني ...الخاص بأسئلة خدمة العملاء Customer Service Agents او Call Center Agents
في كل شركات الإتصالات او الأوت سورس Outsource زى شركة وصلة او اكسيد او إسناد او ايكو او ناوس او راية إلخ إلخ
نبدأ ... الأسئلة دي من تجميعي بس هضطر امسح الاجابات لكن هشرح هيتم الاجابة بإيه ... نصيحة لوجه الله محدش ياخد اى اجابة من النت لان الإتش ار حفظوها فعلا .. شوف الاجابة واعمل اجابة من صيغتك انت وتناسب شخصيتك انت ( اللهم بلغت اللهم فأشهد )
1-introduce yourself?
هتعرف نفسك إسمك - سنك - مؤهلك - الكلية والقسم والجامعة - هتقول لو اشتغلت فققققط لو الشغل related بالشغل اللى انت مقدم عليه يعني له علاقة بيه مثلا اشتغلت خدمة عملاء وانت مقدم على نفس البوزيشن ( تمام ؟؟ ) غير كدة مش لازم تقوله
------------------------------------------------------
2-what do you know about customer service?
السؤال ده بالذات محدش ياخد اجابته من اى موقع ارجووووووووووكم اعملوه من صيغتكم انتم
خدمة العملاء ايه هي ؟؟ هو القسم في اى شركة اللى بيهندل العملاء وبيخليهم راضيين على مستوى الخدمة في الشركة وطبعا بيحل مشاكلهم وممكن تقول بالتالى اهداف الشركة بتتحقق او ارباحها بتزيد
------------------------------------------------------
3-why we should hire you?
هتقول الحاجات اللى تؤهلك للعمل في خدمة العملاء يعني متجيش تقول انا مش صبور او انا بتنرفز بسرعة
قول انك اجتماعي وصبور عندك قدرة انك تشتغل تحت ضغط وفي تيم وورك الخ الخ
مع العلم ان كل صفة هتقولها هتجيب عليها دليل في جملة تمااااااااااااااااااام
مثلا اشتغلت تحت ضغط وفي تيم ... في مشروع تخرجي
-------------------------------------------------------
4-What is your strength and weakness point ?
المميزات هى زى السؤال اللى فات بس ممكن تجيب حاجات عامة اكتر وبرده حاول تقول ادلة على الصفات دي.
بالنسبة للعيوب بقى لازم تقول عيب فيك بس في الحقيقة هو ميزة زززززى انك بتشتغل بزيادة عن اللزوم وده بيخليك بعيد عن اهلك الى حد ما ... او انك منظم بدرجة زيادة مثلا بس انت ادرى بشخصيتك قول بقى انت
---------------------------------------------------------
5-why do you want to work in customer service field?
هتقول نفس الاجابة بتاعت ليه عاوز أشغلك ؟؟
---------------------------------------------------------
6-Where do you see yourself in 5 years ?
هتقول مثلا انك عاوز تبقى في بوزيشن اعلى زى تيم ليدر او سوبرفايرز وتقول هتعمل ايه عشان توصل لده يعني مثلا هتقوى نفسك وتاخد كورسات وكدة
----------------------------------------------------------
7-Why do you want to work in this company?
امدح في الشركة بقى
فودافون : شركة مالتى ناشيونال ومن اكبر شركات الاتصالات في مصر بل في العالم كمان
اكسيد : من اكبر الكول سنترز في مصر
راية كذلك
----------------------------------------------------------
9-why do you want to leave your past job?
متحاولش تقول اى عيب في مديرك القديم او عيب في اى شخص حاول تقول عيوب بسيطة بلاش كمان تقول العيب السلارى .. ممكن تقول العيب ان مفيش ترقيات مثلا
-------------------------------------------------------------
10-Most challenge you have faced professionally?
مثلا انا قلت انى في المنحة ( او في الكلية ) دورى كان كذا كذا وكان حاجة مش قليلة والمفروض انى اعملها في 3 ايام وفعلا عملتها في الوقت المحدد بل وكمان التيم كله بتاعي انبهر باللى عملته
-------------------------------------------------------------
12-What was the last book that you have read or the last movie?
في شركات معينة زى Go Partners او اكسيد أكونت شركة دو الاماراتية دول بيحتاجوا انجلش حلوووووو عشان كدة بيسألوا السؤال ده والمطلوب تقول فيلمك المفضل وتحكيه مع العلم انك مينفعش تتلألأ في الكلام ولا تقف كتير تماااااااااااااااام
-------------------------------------------------------------
13-What can you perform on a computer more than any average user ?
قول اى حاجة تقدر تعملها عالنت او عالكمبيوتر بس تكون اقصي حاجة عندك ونادرا لما تلاقي حد بيعمل زيك
---------------------------------------------------------------
14-Can you work under a stress and in a changing environment ?
هتقول انت اشتغلت تحت ضغط امتى قبل كدة وفين مثلا مشروع التخرج او في شغلك القديم
--------------------------------------------------------------
15-Define quality?
Quality is the real measurement of any product or service that can really tell if it's good or not.
----------------------------------------------------------
16-What can you do when facing an angry customer?
اولا هتحاول تهديه طبعا وتسمعه كويس بدون مقاطعة
ثانيا هتخليه يحكي المشكلة كلها وتاخد خطواتك عشان تحلها
ثالثا هتعمل كل خطواتك عشان تتجنب المشكلة دي في المستقبل
---------------------------------------------------------------
17-If I give you 100000 $ what would you do?
شوف انت هتعمل بيهم ايه مع العلم مش عاوزين تبذير وعاوزين حاجات مفيدة اووووووك يعني استثمار وكدة
-------------------------------------------------------------
18-What do you know about the company ?
قولنا السؤال ده قبل كدة وده بيعتمد على معرفتك بالشركة
-------------------------------------------------------------
19-Say or mention 3 defects (disadvantage) in your character?
ده تبع عيوبك اللى قولنا هتقولها بحيث تكون مميزات
------------------------------------------------------
20-Why I have to chose you to work?
برده نفس السؤال اتكرر بصيغة تانية هتقول مميزاتك مع ادلة تمام
---------------------------------------------------------
21-What will you use in your work ?
Concentration, patience, good listening, smile and be acurate in my information.
---------------------------------------------------------
22-What are you needed in yourself?
عاوز تحسن ايه فيك ؟؟؟
---------------------------------------------------------
23-Tell me a time you work under stress?
دليل انك اشتغلت تحت ضغط قبل كدة
----------------------------------------------------------
24-What the biggest thing you achieved in your life?
هتقول مثلا اى انجاز في منحة او كورس او مشروع التخرج او في الكلية او في تطوع .. اكبر شيء حققته
-----------------------------------------------------------
25-What is the same relation between the customer service agent and the designer?
Both of them aim to fulfill the customers needs.
-------------------------------------------------------------
26-What is the hardest situation you met before?
قول اى موقف صعب سواء في الحياة العادية او في الكلية او مشروع التخرج او في كورس او او
--------------------------------------------------------------
27-What is the type of the customer service field ?
1- Face to face
2- By phone
3- Public relationships
-------------------------------------------------------------
28-what's the skills must be in the successful call center person?
قول صفات Call Center Agent
صبور - هادئ - مستمع جيد - سريع التعلم - لديه القدرة على العمل تحت ضغط - العمل في تيم وورك - طموح - مثابر - الخ الخ
-------------------------------------------------------------
تابعوا معايا الرد التالى لأسئلة الخاصة بالـ Sales Rep. و Telesales
2013-01-28, 13:11
ملكـ الويب
السلام عليكم .. قبل ما ادخل على اسئلة المبيعات والتيلي سيلز
أحب انوه عن نقطة ان في شركات كبيرة زى اكسيد وراية ووصلة بيعملوا تست انجلش و IQ و تكنيكال قبل الإنترفيو ولو عديت منه بتدخل الانترفيو ان شاء الله
عشان كدة قلت اعمل موضوع خاص بأسئلة الـ Tests دي وان شاء الله الـ IQ مش هيخرج من الموضوع ده ....
ـــــــــــــــــــــــــ ـــــــــــــــــــــــــ ـــــــــــــــــ
وبرده استكمالا لمجال خدمة العملاء اللى عاوز يشتغل في المجال ده يقدم على كل ايميلات الكونتاكت سنترز في مصر زى راية واكسيد وفودافون وموبينيل وناوس واتصالات ووصلة وايكو واسناد الخ الخ
وكل الإيميلات دي هتلاقوها هنا ( ايميلات كل الشركات خدمة عملاء او بنوك او غيرها )
ـــــــــــــــــــــــــ ـــــــــــــــــــــــــ ـــــــــــــــــ
ندخل على أسئلة السيلز او التيلي سيلز :
مبدأياً بتراجعوا كل اسئلة خدمة العملاء وتكلموا عليها الأسئلة دي ....
1- تعرف ايه عن السيلز ؟ What do you know about sales or Telesales ؟
هتقول ان السيلز هو خدمة عرض منتج او خدمة على العملاء واقناعهم بيها لتحقيق ارباح للشركة
2- بيع لي الموبايل ده او اللابتوب ده او القلم ده ( بالعربي )
هتحاول تجيب كل مميزات المنتج اللى هتبيعه ده بحيث ينافس اغلب المنتجات اللى زيه ولو مثلا قالك انا مش عاوز او مش حابه قوله طب ممكن اعمل لحضرتك عرض تشترى واحد وتاخد التانى عليه خصم 50% مثلا او تشترى 2 وتاخد الثالث مجانا ( يعني انت وشطارتك وكدة ومتحاولش تيأس لو قالك لا او مش عاوز برده ) خلى دايما عندك عروض
3- What do you consider the most important skills in sales ؟
مميزات الـ Sales Rep او Telesales Agent انه طبعا لازم يكون اجتماعي ومسمتع جيد وبيتعلم بسرعة وعنده قدرة على الاقناع وطموح الخ الخ ضيف كل مميزات الـ Customer Service Agent وزود عليهم Negotiation Skills مهارات التفاوض
4- What are some examples of your sales experience ؟
لو عندك خبرة في البيع تكون اشتغلت قبل كدة او حتى عملت تسويق لاى حاجة .. قول الموقف بشرط تكون حققت نجاح فيه.
5- Describe the most difficult sales call you have made ؟
ممكن يسأل السؤال ده بطريقة تانية انه يقولك بالنسبة لك او من رأيك ايه اصعب كاستمر ممكن تبيع له حاجة ؟؟ انت ممكن تقوله الشخص اللى هو اصلا مش محتاج الحاجة دي اساسا مستحيل يشتريها برغم انه مش مستحيل من رأيي انه ممكن يشتريها لو لقى عليها عرض ... انت ورأيك ( حط نفسك اكنك عميل وجاوب )
6- How often did you achieve your sales objectives ؟
Describe a time that you had to change your sales approach. ؟
ده على حسب شغلك السابق حاول تجيب ايجابيات ونجاح عملته في شغلك السابق
7- ممكن يقولك قولى 5 استخدامات للتي شيرت او الاسطوانة مثلا ؟؟
جيب اى 5 استخدمات وخليك مبدع كدة حاول تجيب اكبر عدد من الاستخدامات

09/06/2023

واضح إن مفاجآت 2023
لسا مخلصتش 😅

أصل باحثين في الصين نجحوا
يستخدموا كمبيوتر كمي
لاتمام مهمة في خوارزميات
الذكاء الاصطناعي معتمدة
على تحليل 200 ألف عنيه بيانات

المهمة دي كانت بتاخد من أسرع كمبيوتر خارق حوالي 5 سنين
بمعدل 700 ثانية لكل عينة

الكمبيوتر الكمي الصيني بياخد
في العملية كلها .. أقل من ثانية!! 🤯

الكمبيوتر الكمي الصيني هو Jiuzhang.

مساءو

05/06/2023

النضاره هتتوفر السنه الجايه والسعر مفاجااااه
٣٥٠٠$ 😂😂😂😂
حاولوا ندور ع مشترى من دلوقتى للكليه اليمين والشمال ياجماعه 😂

05/06/2023

بالنسبه للى بيلبسوا نضاره ف الطبيعى ف معمول حسابكم عادى ف الموضوع وتم اضافة لينس خاص بيهم
البطاريه بتفضل معاك طول اليوم وانت موصل البطاريه الاضافيه بتاعتها

05/06/2023

رسمياً
Apple vision pro
نظارة ابل الذكيه
مش هنحتاج الشاشات تانى خلاص
النظاره دى هتوديك ف حته تانيه وهتستخدم فيها اشارات العين والصوت والايد
وهتعرض قدامك كل حاجه بتقنية الواقع المعزز
التطبيقات الى بتفتحها وانت بتستخدم النظاره دى حرفياً بتبقى حواليك بتفتح اكتر م تطبيق ف كل مكان حواليك وبتتحكم فيه بالكامل

05/06/2023

ميزه غريبه بس حلوه فى الايفون والايباد
Screen distance
ودى هتعرفك اذا كان الجهاز قريب م عينك ولا بعيد عشان اجهاد العين
ابل بتحافظ ع صحتك وانت لسه 😂

05/06/2023

ميزه جديده فى تطبيق الصحه
مشتركه بين الايفون والساعه
وهى انك تقدر تسجل مزاجك ف اى وقت 😂
يعني مدايق الساعه ٧ ومبسوط الساعه ٨ 😎
وابل طبعا بتقول انك لما بتسجل مزاجك ده بيساعدك انه يحسن من نفسيتك بشكل كبير
ابل متعرفش اننا علطول ماشيين بنظام تامر عاشور وعمرو حسن 😂

ITGeeks

19/07/2024

20/03/2024

20/11/2023

18/11/2023

10/11/2023

10/11/2023

09/06/2023

05/06/2023

05/06/2023

05/06/2023

05/06/2023

05/06/2023

Address

Website

Alerts

Shortcuts

Share

Category