https://www.facebook.com/105873407930135/

Mugahid Graphics, Khartoum (2026)

16/10/2024

ميزة جديدة اعلنوا عنها امس في مؤتمر Adobe Max وهي امكانية انك تقدر تعمل Resize لي التصميم.
الميزة شغالة حاليا بس لي برنامج ال illustrator

09/10/2024

Please take a moment to explore my portfolio, Finding inspiration can take time, but every detail counts.
Here is the link to my full portfolio👇🏽

28/09/2024

السلام عليكم طيب لو عايزين نتعلم التصميم عديل يعني ورش بشهادات وكدا ؟

دا سؤال سألوني ليه في قناة التيلجرام، لو عايزين نصيحتي، ركزو علي مهاراتكم، مافي حاجة اسمها عايزين نتعلم التصميم عدييل ونتعلمو ماعدييل، التعلم دا تعلم في النهاية، اما بخصوص الشهادات خليني افاجئكم واقول ليكم مامحتاجين ليها في حاجة ، مامحتاجين ليها عديييل، كل الشركات بالنسبة لشغل المصممين بستبدلو الشهادة بي حاجة اسمها ملف البورتفوليو (ملف الاعمال) اللي هي المشاريع والحاجات الانت اشتغلتها وانجزتها بتختها كلها في ملف واحد وبشوفوها ويقيموها ويقررو انهم عايزنك ولالا، ومع الزمن الحاجة دي اتطورت وبقى حتى ملف الاعمال دا في مواقع جااهزة بتنزل فيها شغلك وبترسل للزول العايز يشوفو الرابط بس ما اكتر ، (زي موقع بيهانس مثلا) لانو هم في الاخر عايزين المهارة وعايزين يعرفو انت بتشتغل بجد ولالا ولا سارق الشغل ولا شنو، مابتفرق اذا جبتا ليهم شهادة من جامعة هارفارد عديل اذا ادوك مشروع وانت ماقدرتا تنجزو، هم زي مابقول بدر خلعة كدا عندهم (البياان بالعمل وضح ياااا)
بالاضافة اذا الشركة كبيرة شديد، وطلبو شهادة بطلبو شهادة جامعية عشان يتاكدو انك زول قاري وفاهم بس ماعشان يتاكدو انت اتعلمت تصميم وين ، عشان كدا بتلقاهم مارابطين الشهادة بالتصميم، مثلا بشترطو عليك شهادة جامعية في تصميم الجرافيك أو اي مجال اخر مرتبط بيه او قريب ليه (قريب ليه زي تسويق، ادارة ،خدمة عملاء، او حتى هندسة، مابتفرق)

عشان كدا انت ممكن تتعلم التصميم براك ممكن تتعلمو من زول ممكن تتعلمو من اليوتيوب ممكن تتعلمو من كورسيرا ممكن تتعلمو من اي موقع و اي مكان عايزو، في النهاية الشي الفاصل والمهم هو مهارتك ومستواك فيه.

عشان كدا كراي شخصي بالنسبة لي لما اشوف زول ساكي الكورسات البي شهادة في مجال التصميم تحديدا ،بستغرب فيه ،لانو التصميم ماحاجة بتعتمد فيها على شهادات، يعني اذا شهادات من جامعات كبيرة مامهمة اذا اختبروك ولقوك ماكويس معاهم، حاتكون مهمة شهادة كورس اون لاين مثلا من زول اساسا مامعروف او من معهد عادي في اي دولة من الدول ؟

طيب بحتاج شهادة في شنو وفي ياتو كورسات ؟ بتحتاجها في المجالات الأكاديمية ،زي المحاسبة وغيرها.

اتمنى الاجابة تكون كافية
#تصميم #بورتفوليو #جرافيك

25/09/2024

مادائما بحب أشارك في المسابقات بتاعت التصميم، بس بما انه المسابقة لمنتجات سودانية، ليه لا ؟ انا بحب مجال المنتجات السودانية عموماً والشغل فيه ممتع نوعا ما، وبرضو عشان نشجع الناس انو ندعم اي ❤️✌🏽

مشاركتي في مسابقة Noub نوب
فكرة التصاميم كلها كانت عبارة عن التركيز على المنتج مع اضافة فكرة بسيطة لكل تصميم.

من الحاجات الاخدت معاي وقت، مراجعة صور المنتجات نفسها، لأنو الصور كانت اقرب لي 2D تقريبا، فكانت محتاجة شغل اضاءة وظلال وغيرو عشان تظهر بشكل مناسب.

بالتوفيق لكل المصممين الشاركو في المسابقة، الناس تاخد الموضوع على انه تغذية بصرية، انك تشوف مختلف التصاميم لنفس المنتجات دي حاجة مفيدة جدا.

19/09/2024

⭕ ورشة تعلم التصميم من الصفر إلى واحد
الليلة الساعة 08:00 مساء بتوقيت السودان
على قناة التيلجرام الرابط في التعليقات

13/09/2024

⭕ جيناكم تاني، اتعلموا التصميم.

عشان انتو ناس ماساهلين ابدا وعشان القبول اللقيناه في الورشة لما عملناها المرة الفاتت، جيتكم تاني بي اعادة الورشة لانو ناس كتار فاتتهم وطلبوها مرة تانية.

بنعتذر شديد على التأخير في اعادتها، نسأل الله تسهيل الامور والأمن والأمان للسودان 🇸🇩

⭕️ ورشة تعلم التصميم من صفر إلى واحد
ح نتكلم فيها مع بعض عن:
● أقسام التصميم
● برامج التصميم
● التصميم باللابتوب ولا التلفون ؟

نقاط كتيرة جداً حانتكلم فيها.

المكان : قناة التليغرام
الزمان: الخميس 19.09.2024

الورشة مجاانية
ح انتظركم خليكم كتار؛ رابط القناة في التعليقات

09/09/2024

السلام عليكم مساء الخير، عملنا قناة تيليجرام حانتكلم فيها عن المجال عموما وحاتكون فيها معظم الورش والدورات ان شاء الله وكل مايخص التصميم.
نتشرف بي وجودكم معانا هناك

رابط القناة:

07/09/2024

تعالو قريب 📢📢
بوست ونسة ودردشة مسائية.

السلام عليكم ورحمة الله، مساكم الله بالخير، يمكن في ناس بعرفوني من زمان وعارفين انا بعمل شنو ومجالي شنو بالضبط وفي ناس لسة، ظهروا لينا مع الورشة الاتعملت قبل فترة، الليلة جاي في ونسة خفيفة كدا اعرفكم بي نفسي من جديد و اديكم لمحة بسيطة عني.
انا مجاهد طائف محمد، مصمم جرافيك ومتخصص تسويق وادارة صفحات السوشال ميديا.
• بكالريوس التسويق جامعة السودان للعلوم والتكنولوجيا 2017 - 2018
بعد التخريج في ناس اتجهو للمسار الأكاديمي طوالي، وواصلو قراية زي الماجستير وبرامج الزمالة وبرامج الMPA وغيرها، بس انا من الناس القررتا اني ادخل في سوق العمل طوالي واستكشف الحاصل شنو (كنت مستعجل شديد لي انو الواحد يبدا حياته العملية وكدا 😂)
• اول تجربة شغل لي كانت في مركز خدمة العملاء شركة سوداني 🎧 (الكول سنتر) 2018 بي الأقسام طبعا المختلفة (call center/back office)
• بعدها كانت عندي تجربة الشغل في البنوك واشتغلت في بنك النيل الأزرق المشرق بس طبعا كان لي فترة بسيطة نسبة لي اني كنت شغال في محلين في وقت واحد صباح ومساء وكان في شوية ضغط.
الكلام دا تقريبا 2018 - 2019
• بعدها حاولتا ارجع للمسار الأكاديمي ورجعتا الجامعة سجلتا في برنامج تمهيدي الماجستير ،الفترة ديك بتذكر كان طلع قرار انك لازم تعمل الحاجة دي قبل ماتسجل في برنامج الماجستير مباشرة، و درسنا تقريبا 4 سمسترات اضافية وخلصناهم على خير بحمد الله.
• بعدها اتجهتا لاتحاد وكلاء شركة سوداني واشتغلتا هناك برضو لفترة من الزمن (الشغل كان لامي كول سنتر على متابعة مناديب المهم يعني)

بعدها دخلت فترة كورونا وتقريبا الحياة شبه وقفت مؤقتاً وفي الفترة دي قررتا اني اتعلم مهارة جديدة تساعدني في انو اشتغل واكسب قروش وانا في البيت، بالاضافة لي انو اساسا كان عندي شغف وحب كبير جدا للتصميم، بي كدا بديت اتعلم التصميم براي كتعلم ذاتي من الكورسات الاون لاين واليوتيوب والحمد لله في فترة بسيطة جدا بقيت اطلع شغل انا راضي عنه تماماً.
الحاجة الما كنت عارفها انو الحاجة دي حاتفتح لي باب انا ما كنت بتوقع انه يتفتح وبي سبب التصميم دا نفسه جاني عرض اني اسافر واشتغل برا السودان وبي كدا بديت رحلة جديدة واتجهتا لي سلطنة عمان في نهاية 2021 واشتغلتا هناك مصمم جرافيك ومدير حسابات السوشال ميديا لفترة سنتين تقريبا، والفترة دي تحديدا اضافت لي كتير شديد في حياتي من خبرات لي تطور في مجال التصميم لي شغل وعملاء داخل وخارج السودان.
بعدها كطبيعة الحال أي زول بحاول يفتش لي نفسه عن الافضل دائما، فاتجهتا للدوحة قطر، وحاليا انا هناك.
الشئ الجميل في الفترة دي كلها اني ماوقفتا شغل الفري لانس ودائما كان عندي مشاريعي الجانبية وقاعدة العملاء الخاصة بي ومشيت فيها كويس جدا.

في فترة الحرب، نسأل الله انه يعين الناس وترجع بلدنا امنة مستقرة، دخلتا في تجربة جديدة وهي الدورات والورش التدريبية وعملتا ورشة اتكلمتا فيها عن التصميم وأساسياتو والحمد لله لقت قبول واسع جدا وانضم ليها اكتر من 1000 متدرب، وبالمناسبة دي ، بعتذر جدا للناس الفاتتهم الورشة وقلت ليهم حا اعيدها ليهم وماعدناها بي سبب الظروف البنمر بيها كلنا كسودانيين حالياً، لكن خليكم قراب لأنو في الفترة الجاية ان شاااء الله حانرجع نعيدها ليكم، وماهي بس، برامج تانية كتيرة سواء كانت ورش تدريبية او مشاريع فري لانس نتعاون فيها كلنا كمصممين اساسا موجودين في المجال والكتير باذنه تعالى.

جزء من الشركات والمشاريع الاتعاملتا معاهم كفريلانسر :

1/ شركة جياد للجرارات والمعدات الزراعية ✅
2/ تطبيق سوقني معاك ✅
3/ مستشفى الشيخ البدري الجامعي ✅
4/ شركة الخندقاوي للتأمين ✅
5/ شركة المحاسن للانشاءات - البحرين ✅
6/ مجموعة الصفوة ✅
وغيرها كتير جداً من المشاريع الكبيرة والمتوسطة وحتى الصغيرة.

حا اخلي ليكم روابط حساباتي في السوشال ميديا وقناتي في اليوتيوب واتمنى نتقابل هناك.
اذا كملتا للنهاية ماتنسى تكتب لينا شوية عن نفسك، رغباتك، اهتماماتك، وحابي تتعلم شنو بالضبط.

رابط حساب لنكد ان
https://www.linkedin.com/in/mugahid-taif-04aa401bb

رابط قناة اليوتيوب
https://youtube.com/?si=GlMI8fHpZn1nwt1u

رابط حساب بيهانس
https://www.behance.net/mugahidtaif

#تصميم #تسويق

08/05/2024

الناس العندهم واتساب GB تحديداً وظهرت ليهم مشكلة التحديث، تعالو اوريكم حل مناسب.

(الواتساب بقفل فجاة وبقول ليك عايز تحديث ولما تحدثو برضو مابفتح ولسة بطلب منك تحديث مع انك حدثتو اساسا.)

⛔ اول خطوة عشان تعالج المشكلة هي انك ماتمسح التطبيق القديم الفي تلفونك نهائي، لأنك اذا مسحتو حاتضطر تسجل رقمك من جديد وحاتدخل نفسك في قصة انو يطلب منك كود تفعيل، واذا شريحتك مامعاك حاتكون مشكلة بالنسبة ليك لأنك حاتفقد الوصول لي واتسابك وبياناتك.

• الخطوة التانية تحمل تحديث التطبيق V.20 معظم الملفات البتلقاها V.17 ماشغالة، في قناة في تلجرام حا اخلي ليكم الرابط بتاعها في البوست دا، حاتدخل فيها تحمل التطبيق عادي جدا ،وتضغط تثبيت، حايظهر ليك عبارة (هل تريد تحديث التطبيق ؟) اضغط نعم وواصل عادي والواتساب حايفتح معاك بي شكل طبيعي.
• اي ملف تنزلو لما تجي تضغط تثبيت اذا كتب ليك (هل تريد تثبيت هذا التطبيق ؟) وانت كنت اساسا التطبيق القديم مامسحتو قاعد في تلفونك معناها التلفون قرا ليك انو دا واتساب من نوع تاني ،ماحايحل ليك المشكلة ماتثبتو لانو حايتثبت ليك كواتساب جديد ماعندو علاقة بالقديم القافل.
لكن اذا كنت مسحتا التطبيق القديم من تلفونك هنا ثبتو عادي وفي الحالة دي حاتضطر تتقيد بي كود التفعيل سواء كان عن طريق رقم التلفون او عن طريق الايميل.
• رابط القناة /

https://t.me/joinchat/AAAAAE7lYxH3sB1kSPfXJQ
https://t.me/ALMBRMG_ALMHTRF2019
⛔ تنبيه : القناة دي انا لقيتها بالصدفة مابعرف عنها حاجة ومامسؤول عن اي حاجة فيها، لكن ملف الواتساب GB عندهم مجرب وناجح.

حاجة أخيرة :
ياريت الناس تبعد من المشاكل دي كلها ويشتغلو بالواتساب الرسمي الأخضر العادي، لأنو مشاكل الواتسابات المعدلة كتيرة جدا.

02/02/2024

شباب السلام عليكم وجمعة مباركة ان شاء الله، عشان تعرفو اننا بنحبكم كيف وعاملين حساب الظروف، بالنسبة للناس الفاتتهم الورشة، حانعيدها تاني ان شاء الله بنفس تفاصيلها، حا اخلي ليكم رابط قروب الاعادة في التعليقات الناس تدخل وتلاقينا هناك ❤️

#تصميم

30/01/2024

الحمد لله أمس خلصنا ورشة تعلم التصميم من الصفر الى واحد بنجاح ✅
الناس تشاركنا رايها، وبالنسبة للناس الفاتتهم الورشة يتواصلو معاي ان شاء الله حانعمل مجموعة واتساب جديدة ونرسل ليهم المحتوى مسجل.
• انتظرونا في وِرش وكورسات جاية كتيرة باذنه تعالى.
• الورشة كانت بالتعاون مع منصة المعراج للتسويق وادارة صفحات السوشال ميديا، كذلك التنظيم وتصميم البوستر عن طريق تيم نفس المنصة، لهم الشكر والتقدير.

Mugahid Graphics

16/10/2024

09/10/2024

28/09/2024

25/09/2024

19/09/2024

13/09/2024

09/09/2024

07/09/2024

08/05/2024

02/02/2024

30/01/2024

Address

Telephone

Website

Alerts

Shortcuts

Share

Category