16/11/2026
🔥🔥🔥
📢📢 بطاقة شُكر من مركزنا لأحد الزبائن على الشهادة والإشادة بجودة الخدمة لدينا ..
👈👈 الزبون :
(0******093).
(وبالحرف الواحد "دون تصرف").
"السادة في مركز VIP المحترمون..
هي رسالة شكر وتقدير لنوعية الخدمات العالية التي لمسناها عند التعامل معكم نهار أمس.
بداية، وعند الدخول من الباب، ما كنا نتوقع إلا مكان آخر من أمكنة البرج، والأجوبة المعتادة من نوع "مافي، بدك تدور، موبايلك زبالة ولازمك غيره"، وهي القصص.
لفت نظري في البداية ملاحظتين مكتوبين على الحائط وفيهم الكثير من الصدق والاحترافية العالية:
لايمكن استرجاع الداتا من موبايل مقفول بدون محيها بالكامل، ونحن لانقوم بفتح الأجهزة المقفولة... نقطة انتهى.
ياريت الكل بيحكي بهي الصراحة والمباشرة والوضوح..
كتير حبينا انه المهندس محي الدين والسيد علي تبنوا مشكلتنا، ومنذ اللحظة الأولى، وكأنها مشكلتهم.. وهي قصة كتير نادرة في بلدنا للأسف... بدون لف ودوران وبدون محاولة ل "جر زبون" باي ثمن وأي طريقة..
عرضتوا علينا الخيارات، كلفة كل خيار، وحرية التصرف وقت طلبت اني شوف محل ثاني بغير طابق وعدني يعمل شي... كل شي عم يصير كان عم يقول انه هدول الجماعة محترفين ومختلفين.
نحنا منعرف انه قصة استعارة شاشة هي قصة أبدا مو سهلة وشكراً لكم أنكم سهلتوا الموضوع جداً وبدون أي منية والسيد علي هو لحاله دبر القصة مشكوراً بدون ما نحنا نضطر نترجى بائع الشاشات.
كرمال نقل الداتا، كان لازم نقعد شخصين جوا المحل، وعمليا داخل الورشة يلي هي عقر دار الشغل، كان لازم نقعد شخصين ولساعات..
وهي لحالها قصة غليظة جداً على الشباب الفنيين.. خاصة انه قصص نقل الداتا مو دائماً بتمشي بسلاسة وبتطول وغليظة، بس أنتوا سمحتولنا نستمر لساعات، ومالكم مضطرين، وبكل لطف ورحابة، وبدون أي تململ أو تأفف على الإطلاق.. وعطيتونا أكسس على الانترنيت كرمال تمشي أمورنا... مشكورين جداً.
خلال وجودنا لساعات معكم، قدرنا نلمس مستوى الاحترافية الموجود عندكم... الاحترافية الإدارية بشكل خاص وليس فقط الفنية.. تعامل راق من الجميع مع الجميع.. لا صراخ، لا كلمات غير مناسبة، لا أغاني تصدح وتصرخ، ابتسامة عند الحديث، طاولات مرتبة، مافي موبايلات مكسرة وقطع متناثرة... وحتى ان أحد الفنيين قام بواجب الضيافة مشكوراً (حتى بياع السكاكر يلي فات يبيع كان لطيف 😋).
المهندس محي الدين وخلال عدة مواقف صارت اثناء تواجدنا أظهر تعامل محترف سواء مع الزبائن أو مع فريق العمل.. أسلوب إدارة راقي بدون كلمات أستعلاء او أوامر لفظية بلا طعمة... وهاد شي نادر و تجاوز كل توقعاتنا بشكل كبير الحقيقة.. كل الاحترام والتقدير.
طلعنا من عندكم مسرورين ومرتاحين.. وطلعنا ومعنا قصة حلوة حابين نحكيها لكل رفقاتنا..
شكراً أستاذ محي الدين و شكراً للسيد علي... وشكراً لكل الفريق.. وفقكم الله لكل الخير 🙏".
🥇🥇🥇🥇 VIP 🥇🥇🥇🥇
اسم من ذهب وعنوان الثقة لصيانة وتدريب الموبايل في سوريا، نفخر بجودة خدماتنا.👑