05/20/2026
ဆေးတံတို
အသက် ၁၉ ၂၀ ပတ်ချာလည် ဆေးလိပ်အရမ်းကြိုက်လို့သောက်ခဲ့တဲ့ ကာလတွေထဲမှာ ကြိုက်မိတဲ့တစ်ပုဒ်
အဲ့ဒီတုန်းကတော့ ကိုတွေဘော်ဒါတွေထဲမှာ oldies တွေကို မရမကရှာပေးတဲ့ကောင်ကရှာ ဝိုင်းနားထောင်ကြကာလတွေထဲမှာ တွေ့ခဲ့တဲ့တစ်ပုဒ်ဆိုလဲ မမှားဘူးပေါ့
စိုင်းထီးဆိုင်ကို ငယ်ငယ်က အဲ့လောက်မသိဘူး အဖေတို့ နားထောင်သလောက်ပဲကြားခဲ့ဖူးတာကိုး အဲ့လောက်မသိဘူးဆိုတာက စိုင်းထီးဆိုင်နဲ့ ဆရာစိုင်းခပ်လိတ်တို့ အဲ့လောက်ကောင်းမှန်းမသိဘူးဆိုတာကို ဆိုလိုတာ
ကျောင်းတက်တုန်းကတော့ ရံဖန်ရံခါ တစ်ခါတလေလဲ အမြဲလိုလို နားထောင်တတ်ပေမယ့် မွှေနှောက်ပြီး နားထောင့်လေ့သိပ်မရှိဘူး အရင်ခေတ်ကဘဲရီးတွေကြိုက်လို့ နားထောင်တဲ့သဘောလောက်ပဲ Artist Singer ဆိုပြီး ကွဲကွဲပြားပြား သိပ်နားမလည်ဘူး မှတ်မိသလောက် ကျောင်းပြီးတော့ ပေါင်းဖြစ်နေတဲ့ ဘော်ဒါတစ်ကောင်နဲ့ သီချင်းတွေတူတူနားထောင်ရင် ပြောဖြစ်ကြတဲ့အခါမှ ဒီကောင့် listening ကြီးက ကို့ထက်ကြမ်းသလို ကို့လောက်လဲ သီချင်းပေါ်ခံစားမှု အစွန်းမရောက် အစွန်းရောက်တယ်ဆိုတာက ငယ်ငယ်တည်းက Rock N Roll နဲ့ Heavy Metal ကြိုက်လာတဲ့သူ အတွက် တော်ရုံတန်ရုံ Hip Hop လောက်မတိုး သီချင်းတိုင်းကိုအတင်းတုတ်နေသလိုပဲ ထင်လာလို့ ကို့ဟာကိုအကျီဆင်ရင်တောင် Rapper ဒီဇိုင်းဖြစ်နေရင် သိပ်သဘောမတွေ့ဖြစ်လောင်အောင် အစွန်းရောက်ခဲ့သူ ဒီကောင်နဲ့တွေ့ပြီးနောက်ပိုင်းမှာ အတွေးခေါ်တစ်ခု အသိပညာအသစ်တစ်ခုကြီးကို ဒီကောင် ကို့ခေါင်းထဲ ရိုက်သွင်းပြီး ပြောင်းပြန်စဉ်းစားပုံကြီး သင်ပေးသွားတာက ကို့လို အစွန်းရောက်တစ်ကောင်အတွက် ဘဝထဲက အမှတ်ရစရာများ နံပါတ်တစ် ဖြစ်သွားလေသည်။ အဲ့ဒီမှာ ခနက ဆေးတံတိုအကြောင်း ပြန်ဆက်ရရင် ဆေးလိပ်အရမ်းသောက်ဖြစ်နေတဲ့ကာလမှာ ကြိုက်ခဲ့တဲ့သီချင်းတစ်ပုဒ်ပေါ့ ဘာအကြောင်းရယ်လို့မဟုတ် အရင်ခေတ်က လူကြီးတွေဆိုတော့ ဆေးတံတိုလေးအကြောင်း သီချင်းဆက်ထားတာလေး သဘောကျလို့ နားထောင်မိယုံ နောက်ပိုင်းမှာ စတူဒီယိုမှာ အသံသွင်းထားတဲ့ အကြမ်းဖိုင်ကြီး နားထောင်ကြည့်မှ တော်တော်ကျွတ်တာ သိလိုက်ရတယ် ကိုက သီချင်းလဲမရေးတတ်သလို ဆိုတာကလဲပေါက်တတ်ကရ တီးတာဖြင့်လဲပေါက်ပေါက်ရောက်ရောက်မရှိသူ ဒါပေမယ့် ကို့ကိုယ်ကို ခံစားမိတာက ကိုသည် နားထောင်သူကောင်းတော့ ဖြစ်ခဲ့ဖူးတယ်ထင်တာပဲ ဆိုတော့က နားသောတလေးကို ဆေးတံလေး မှုတ်ပြီး ရေနွေကြမ်း လက်ဖက်သုပ်လေးနဲ့ ဆင်ကြပါကုန်
