MN cele

09/02/2026

07/10/2026

သမီးငယ် နေခြည်ထွေးကို စီးပွားရေးအရ အသုံးမချဘဲ သမီးအရင်းတစ်ယောက်လို ဘဝလမ်းကြောင်းမှန်ပေါ် တင်ပေးမယ့် ရွာဦးဆရာတော်နဲ့ ဦးမိုးတို့ရဲ့ မွန်မြတ်လှတဲ့ စိတ်ထား

ကျပ်တည်းမှုတွေကြားကနေ အားသွန်ခွန်စိုက် ကြိုးစားခဲ့တဲ့ သမီးလေး နေခြည်ထွေးရဲ့ ပညာရေးကို တာဝန်ယူ စောင့်ရှောက်ပေးချင်သူ အယောက် (၁၀) ဝန်းကျင်လောက်အထိ ရှိခဲ့တာပါ။ ဒါပေမဲ့လည်း ကလေးရဲ့အနာဂတ်အတွက် တကယ့်လမ်းမှန်ပြပေးနိုင်မယ့် ရွာဦးဆရာတော်နဲ့ ရပ်ရွာက ကပ္ပိယဦးမိုးကိုပဲ မိသားစုနဲ့ ရပ်ရွာက ယုံယုံကြည်ကြည်နဲ့ အပ်နှံလိုက်ပြီ ဖြစ်ပါတယ်ဗျာ။

ဦးမိုးဟာ တခြားသူတွေလို "ဒါလုပ်ပေးမယ်၊ ဟိုဟာပေးမယ်" ဆိုပြီး ကလေးကို မက်လုံးတွေ ပေးခဲ့တာမျိုး မရှိသလို၊ စီးပွားရေးအရ အသုံးချချင်တဲ့ ရည်ရွယ်ချက်လည်း လုံးဝမရှိပါဘူး။ ဦးမိုးကိုယ်တိုင်ကလည်း သမီးလေးကို အလိုလိုက်ထားမှာ မဟုတ်ဘဲ စည်းကမ်းတကျနဲ့ ဘဝလမ်းကို ဖြောင့်ဖြောင့်တန်းတန်း လျှောက်လှမ်းနိုင်အောင် လမ်းကြောင်းမှန်ပေါ် တင်ပေးဖို့ကိုပဲ အဓိကထားသွားမှာပါတဲ့ဗျာ။

ကျောင်း ဆက်မတက်နိုင်တဲ့ လူငယ်တွေ အများကြီး ရှိတဲ့အထဲကမှ နေခြည်ထွေးကို ရွေးချယ်စောင့်ရှောက်ဖြစ်ခဲ့တာကတော့ ကလေးရဲ့ ငယ်ဘဝရုန်းကန်ရမှုတွေဟာ ဦးမိုးရဲ့ ငယ်ဘဝနဲ့ ချွတ်စွပ်တူနေတာကို မြင်တွေ့ခဲ့ရလို့ ဖြစ်ကြောင်းလည်း သိရပါတယ်။

"သမီးလေးက ကျပ်တည်းမှုတွေကြားကနေ ရုန်းကန်ထိုးဖောက်လာတဲ့ အရည်အချင်းရှိပြီး အားမာန်အပြည့်ရှိတဲ့ ကလေးပါ။ ဘေးမချော်သွားဘဲ ပတ်ဝန်းကျင်ကောင်းတစ်ခုမှာ ရှင်သန်ကြီးပြင်းပြီး ထိပ်ဆုံးထိ ရောက်သွားနိုင်အောင် လမ်းကြောင်းမှန်ပေါ် တင်ပေးဖို့ပဲ လိုတာပါ" လို့ ဦးမိုးက ရင်ဖွင့်ပြောကြားခဲ့ပါသေးတယ်။

ဦးမိုးရဲ့ စိတ်ထားက တကယ်လေးစားဖို့ကောင်းတာက တက္ကသိုလ်ပညာရေးစရိတ် ထောက်ပံ့ပေးဖို့တင် မဟုတ်ဘဲ ဘဝတစ်လျှောက်လုံး ကိုယ့်ခြေထောက်ပေါ်ကိုယ် ရပ်တည်နိုင်တဲ့အထိ ပြုစုပျိုးထောင်ပေးချင်တာပါ။ ဒါကြောင့် ကျောင်းအားတဲ့အချိန်တွေမှာ စီးပွားရေးလုပ်ငန်း အတွေ့အကြုံတွေ၊ စာရင်းကိုင်ပညာနဲ့ ကွန်ပျူတာပညာ အပါအဝင် ဘဝအတွက် တကယ်အသုံးဝင်မယ့် အတတ်ပညာတွေကိုပါ သမီးအရင်းတစ်ယောက်လို သင်ကြားစောင့်ရှောက်ပေးသွားမယ်လို့ ကတိပြုခဲ့ပါတယ်ဗျာ။