17/06/2026
🔐💻 IPKO mirëpriti Finalen e Kampionatit të parë Shtetëror të Sigurisë Kibernetike të Kosovës 🇽🇰
Sot, në zyrat qendrore të IPKO-s, u mbajt finalja e Kampionatit të parë Shtetëror të Sigurisë Kibernetike të Kosovës, ku 25 finalistët më të mirë, të përzgjedhur nga mbi 100 aplikantë nga e gjithë Kosova, u sfiduan në fusha si reverse engineering, web security, kriptografi dhe binary exploitation. 🚀
Si Sponsor Gjeneral i Kosova Cyber Team 2026, IPKO është krenare të mbështesë talentët e rinj që do ta përfaqësojnë Kosovën në European Cyber Security Challenge (ECSC) 2026 në Gjermani. 🌍🏆
Në një botë gjithnjë e më të ndërlidhur, siguria kibernetike është themel i transformimit digjital. Prandaj, krahas investimeve të vazhdueshme në rrjetin dhe infrastrukturën tonë teknologjike, ne mbështesim iniciativa që zhvillojnë njohuritë, aftësitë dhe ekspertizën e gjeneratave të reja në këtë fushë strategjike. ⚡
Përmes partneritetit me Kosova Cyber Team, po kontribuojmë në ndërtimin e një ekosistemi më të sigurt digjital dhe në fuqizimin e ekspertëve që nesër do të mbrojnë organizatat, institucionet dhe komunitetet tona. 🤝🛡️
Ngjarja mblodhi përfaqësues të institucioneve dhe sektorit të teknologjisë, përfshirë Drejtorin Ekzekutiv të IPKO-s, András Páli, Ministrin e Ekonomisë dhe Digjitalizimit, Lulezon Jagxhiu, si dhe përfaqësues nga Policia e Kosovës, Forca e Sigurisë së Kosovës (FSK) dhe Ministria e Mbrojtjes, duke dëshmuar rëndësinë që siguria kibernetike ka për të ardhmen digjitale dhe sigurinë e vendit.
Urime të gjithë finalistëve dhe suksese ekipit që do ta përfaqësojë Kosovën në arenën evropiane! 👏🎉
