U-Grow Advertising Agency

12/04/2021

شركة للدعاية والإعلان تهنئ العالم الإسلامي عامة و عملاءها الكرام خاصة بحلول شهر رمضان المبارك ، أعاده الله علينا وعليكم بالخير واليمن والبركات 🌙

01/01/2021

عائلة "U-Grow" تتمني لكم سنة جديدة سعيدة مليئة بالتوفيق و تحقيق النجاحات المبهرة

🔥💜✊

18/06/2020

رحبوا معنا بأحدث الكيانات المنضمة لعائلة "U-Grow" 👇
شركة "بيراميدز" للاستثمار العقاري
Pyramids Company

انت كمان تقدر تنضم لينا دلوقتي عشان نساعدك تكبر البيزنس الخاص بيك

عشان تتواصل معانا كلمنا علي :

- رسائل الصفحة
- الإيميل : [email protected]
- أرقامنا : 01201000841
01201000871

23/05/2020

تتقدم شركة لخدمات الدعاية والإعلان بأسمي التهاني للأمة العربية و الإسلامية عامة و عملائنا الكرام خاصة بمناسبة عيد الفطر المبارك أعاده الله علينا وعليكم بالخير واليمن والبركات ، وكل عام وانتم بخير 🌙😍💜

15/05/2020

Our latest social media campaign for Leen home (ننسج تفاصيل حياتك )

https://www.behance.net/gallery/95262977/Leen-home…

Contact us through:
- Page messages
- [email protected]
- 01201000841
- 01201000871

10/05/2020

النشيد الوطني لـ "مدينتي"

قبل ما تفهم العنوان غلط!..

تعالى نطبق الـ STP Model اللى اتكلمنا عنه في آخر بوست على براند #مدينتي بشكل عملي و مختصر جداً

احنا قولنا بنبدأ منين؟.. برافو عليك من العميل

1- الـ Segmentation
ممكن تتقسم لأكتر من نقطة:
- Demographics:
* الحالة الاجتماعية (متزوج) ..
الـ Age (من 30 إلى 65 مثلا)
* الـ Career: دكتور جامعي – أوفي مجال الـ Business Consulting – الاستثمار –
ريادة الاعمال – أو مجال السياحة مثلا
(مجالات مستوي دخلها مرتفع)

- الـ Geographic:
* مكان الإقامة: مدينة نصر – التجمع الخامس – الشيخ زايد
* أماكن تانية احتمال تواجد العميل فيها:
الجامعات (AUC – GUC) ... المراكز التجارية (City Stars) و المولات التجارية في التجمع
و ممكن نضيف بعض الكافيهات

- الـ Life Style:
هنا بيتحدد العميل انه Class A بناء على المعلومات اللى فاتت (الـ High Class يعني)

- الـ Interests & Behaviors: ممكن يبقى مهتم بالسفر برا مصر و الأماكن السياحية و قراءة المقالات بالانجلش مثلا أو الـ Online Shopping

2- الـ Targeting
هناخد Segment واحدة بتجمع صفة من كل نقطة في التفاصيل اللى فوق و هنفترض شخصية خيالية فيها كل الحاجات دي و هيكون هو العميل
شخص متزوج عنده 45 سنة و ساكن في مدينة نصر
دكتور جامعي في AUC و مهتم بالسفر برا مصر و بيشتري احتياجاته أونلاين

3- الـ Positioning
الاستراتيجي هتكون مركزة انه مدينتي هتوفر مستوى عالي من الرفاهية و الخصوصية
غير أي مدن تانية في مصر
لحد كده انت كـ Marketer هتقدر تحدد خطة واضحة توصل بيها للعميل ده و من غير أي حيرة

بس تفتكر ايه المشكلة اللى كانت في اعلان مدينتي السنادي؟ 🤔
في الحقيقة احنا مش هنا عشان نحكم على الإعلان ... لكنه أكيد مناسب للجمهور اللى عايزين يوصلوله
بس أحياناً بتكون المشكلة فى استخدام الـ Marketing Channels الغلط!
زي انه يظهر على شاشة التليفزيون بمحتوي غير مناسب لكل الفئات اللى هتتفرج عليه
أو بمعني أصح بيحصل حاجه اسمها inaccurate targeting
"استهداف غير دقيق"
و هو ده السبب في رد الفعل السلبي على الإعلان و اللى غالبا اتمنع من العرض على كل القنوات
فلما توصل للعميل الغلط .. لازم تتحمل النتايج 😉


#مدينتي

07/05/2020

"احنا يا فندم هنبهرك ونعمل إعلان يوصل لمصر كلها"...

مبدئياً أول ما تسمع الجملة دي من ماركتير أو من أي شركة اجري بسرعة!
ده عشان مصلحة البيزنيس بتاعك طبعا

وتعالى بس اشرحلك بهدوء كده ليه لازم تخاف من الجملة دي
في مقولة بتقول:
“ Marketing to Everyone is Marketing to No One! ”
يعني بالبلدي كده لو بتستهدف الناس كلها فانت مش هتوصل لأي حد ولا هتحقق أي نتايج.

و عشان تحل المشكلة دي.. في موديل أو عملية من 3 مراحل لازم تمر بيها و هي الـ "STP"

أو
(Segmentation – Targeting - Positioning)

هنشرح معني كل خطوة في الجزء الجاي ده:
------------------
1- الـ Segmentation

زي ما قولنا قبل كده إنك لازم تبدأ من عند العميل و تهتم بيه و تدلعه.. و من هنا اول حاجة بتدرسها هما العملاء المحتمل يهتموا بالمنتج او الخدمة و تقسمهم لطبقات (segments) و تحدد صفاتهم
و التصنيف ده ممكن يبقى بالنسبة لأكتر من حاجه.. مثلاً:
- الـ Demographic
انك تعرف الحالة الاجتماعية للعميل و الفئة العمرية؟ و ايه الكارير بتاعه و مستوي دخله

- الـ Geographic
العميل اللى عايز توصله ده ساكن فين؟ و ايه الأماكن اللى ممكن يبقى موجود فيها عشان يشوف الإعلان بتاعك و يهتم بيه؟

- الـ Interests
يا تري بيهتم بالموسيقى؟ او مثلا بيحب الطبخ و القراءة ولا عنده هوايات و احتياجات تانية تقدر توصله من خلالها ؟
و معايير تانيه ممكن نتكلم عنها في بوست منفصل

2- الـ Targeting

إذا كان مينفعش تستهدف الناس كلها.. فهل ينفع تستهدف عملائك كلهم مره واحدة؟
- مش منطقي طبعا
في المرحلة دي هناخد شريحة أو فئة معينة من العملاء اللى حددناهم في الـSegmentation عشان نركز عليهم و نشتغل على كامبين محترمة توصلهم و يعرفوا البراند

طب هستفيد ايه لما احدد و الـ Segment ؟
- هتعرف منها ايه الاستراتيجي المناسبة مع الفئة دي من العملاء و اللي هتستخدمها في بداية الـMarketing Process بتاعتك

3- الـ Positioning

تخيل انك تبقى عميل مستهدف لشركة موبيلات و تشوف اعلان بيقولك "احنا عندنا موبايلات للبيع!" بس كده
بغض النظر عن الكوميك بتاع حمادة هلال اللى جه في بالك أول ما قرأت الجملة دي
لكن ايه اللى يخليك تشتري من المكان ده الموبايل و متروحش لغيره؟ ايه الميزة اللى عنده أو الحاجه اللى هتعلق في ذهنك من ناحية البراند و كل ما تشوفها هتفتكره هو بس
و هو ده دور الـPositioning اللى بيتحدد في الاستراتيجي بتاعتك.. باختصار كانك بتحجز مكان جوا دماغ العميل كل ما يشوفك المكان ده هينور تلقائياً

في النهاية خليك فاكر ديما أن "البداية من عند العميل " 😉

تابعونا في منشورات جاية عن مثال تطبيقي علي نظرية ال STP عشان الموضوع يوصلك بشكل أكثر واقعية

28/04/2020

#اللوجو هو الرابط بين البراند الخاص بيك وبين العملاء بتوعك

و زي ما بيقولوا الجواب ب يبان من عنوانه البراند بيظهر من تميز اللوجو الخاص بيه

دي أمثلة ل شعارات صممتها شركتنا لعملائنا المميزين

انت كمان تقدر تكون مميز زيهم وتصمم اللوجو عندنا

U grow , We grow 💜✊

25/04/2020

Check our latest brand build-up for مصنع لين للمفروشات
(ننسج تفاصيل حياتك )

Contact us through:
Page messages
[email protected]
01201000841
01201000871

Advertising,Branding

21/04/2020

Check our latest social media campaign for our client Itop therm
https://www.behance.net/gallery/94798787/i-Top-Therm

Contact us through:
Page messages
[email protected]
01201000841
01201000871

24/02/2020

المنتج ولا العميل يا طه 🤔😅
عشان نفكر فى إجابة سؤال مهم زى ده لازم نعرف الموضوع من بدايته ..

لو بصينا على بداية الثورة الصناعية زمان .. هنلاقى كل تركيز أصحاب المصانع على توفير منتج معين لسد احتياج معين لفئة محدودة من الناس و فى الغالب مبيكونش فى منافس أو مصنع تانى بينتج زيه إلا قليل جدا على مستوى العالم
و فى الوقت ده اقترح خبير فى التسويق -اسمه Neil Borden- نظرية و أطلق عليها المزيج التسويقى أو الـ "Marketing Mix" أو الـ 4Ps
و كانت عبارة عن 4 عناصر هما اللى بيمثلوا عملية التسويق للمنتجات بشكل كامل و بيتحكموا فيها .. و هما:
(Product, Price, Place, Promotion)
1- الـ Product
وهو المنتج نفسه اللى هدف المشروع توفيره لسد إحتياج، و جودته المطلوبة

2- الـ Price
أحدد إذا سعر المنتج مناسب مع الجمهور المستهدف ولا لا؟

3- الـ Place
هل العميل بيحصل عليه بسهولة؟ و ايه أماكن التوزيع؟

4- الـ Promotion
و هنا المقصود منه الإعلانات اللى فى الأماكن العامة و العروض على المنتجات لزيادة المبيعات

كان من وجهة نظر Borden انه الاهتمام كله فى التسويق لازم يتوجه للـ(منتج)
و لكن مفيش حاجه بتستمر على حالها .. مع انتشار التكنولوجيا و سباق عدد كبير من رجال الأعمال و الأغنياء على فتح مصانعهم الخاصة .. بقى فى منافسة عالية جداً فى أغلب المجالات، وبدل ما كان فى مصنع واحد بينتج عربيات مثلاً بقى براند و اتنين و تلاتة لنفس المنتج

فى السبعينات تقريباً علماء التسويق و المُتخصصين فى المجال قرروا أنه النظرية دى مبقتش تنفع فى السوق الحالى .. و طوروها بأنهم أضافوا 3 عناصر عناصر جديدة و أطلقوا عليها الـ7Ps و هى:
5- الـ People أو الـ Costumers
و دول هما الأهم، لأنهم الفئة المستهدفة اللى عايز توصلها المنتج و هنا بتدرس اهتماماتهم و ايه الوسائل المناسبة معاهم لإستخدامها
فى عرض منتجك و دراسة سلوكهم

6- الـ Processes
المقصود بيها هى الخطوات اللى المنتج بيمر بيها لحد ما يوصل للعميل و كمان الـ Funnel اللى العميل بيمر خلالها مع الشركة، من بداية طلب المنتج لنهاية عملية البيع

7- الـ Physical Evidence
هو الدليل اللى بيميز البراند عن أى براند تانى عنده نفس المنتج و الفكرة الواقعية الملموسة عند العملاء من خلال خبرتهم في التعامل مع البراند و هو ده اللى بيثبت فى ذهن العميل .. زي مثلاً لما تسمع جملة "أسرع دليفري في مصر" هتفتكر ماكدونالدز على طول :D

و الإختلاف ما بين الـ4P's والـ 7P's مش بس عدد العناصر لا .. إنما كمان فى الإستراتيجيات المستخدمة فى التسويق و إنها بتركز على العميل نفسه و احتياجته و طريقة إقناعه و ارتباطه بالمنتج
نظريات التسويق اتطورت بسرعة أكبر فى الفترة دى و ظهرت فرضيات جديدة مناسبة أكتر للسوق و قدرت تساعد براندات كبيرة إنها تستمر لسنين طويلة و منها اللى مستمر لحد وقتنا الحالى
تابعونا فى المقالات الجاية 😃😉