18/08/2025
فيه برنامج مهدور حقه مهم جدًا من مايكروسوفت... وناس كتير متعرفش عنه حاجة للأسف !!
البرنامج ده اسمه: Microsoft PC Manager
وده مايسترو بيظبط كل حاجة في الجهاز برنامج رسمي وخفيف من مايكروسوفت، معمول مخصوص علشان يحسّن أداء الويندوز ويحافظ على سرعة جهازك بشكل آمن وبسيط.
فلو جهازك بقى بطيء، بيسخن أ, مساحة الهارد بتتملي يا صديقي ، أو بتظهرلك أي مشاكل غريبة، ركّز معايا في اللي جاي:
برنامج Microsoft PC Managerهيفرق جدا مع جهازك ودي نبذة عن الخصائص الي فيه والي بالمناسبة بيتحدث باستمرار
1- خاصية تنضيف الجهاز (Boost):
بزرار واحد اسمه boost ، بيقفل كل العمليات التقيلة، ويمسح الملفات المؤقتة ويفضي الرامات ... فالجهاز بيقى أسرع.
2- بينضيف الملفات المؤقتة بخاصية (Deep Cleanup):
بيشيل كل الملفات مالهاش لازمة من النظام، البراوزر، وسجل التطبيقات… يعني بيوفرلك مساحة الهارد وكل ده بضغطة زرار برضه!!
3- خاصية إدارة البرامج الي بتشتغل مع الويندوز (Startup apps):
بيخليك تتحكم في البرامج اللي بتشتغل مع بداية تشغيل الجهاز… واللي بتسبب بطء رهيب لو ممنعتهاش انها تفتح مع بداية فتح الوينجدوز.
4- خاصية الأمان (Security):
بيفحص الجهاز لو فيه ملفات مشبوهة
كمان يربط مع Windows Defender ويحذرك من أي مشكلة أمنية
5- إدارة تحديثات ويندوز:
بيقولك لو فيه تحديثات ضرورية، أو فيه مشاكل محتاجة تتحل.
6- خاصية فحص حالة الجهاز (Health Check):
بيعمل سكان شامل ويقترح عليك حلول لو فيه مشاكل بتأثر على الأداء.
7- بينبّهك لو الجهاز محتاج تنضيف، أو فيه حاجة بتسحب ريسورس كتير، أو حتى لو فيه برامج تقيلة شغالة وانت مش واخد بالك.
8- بيحمي و يشيل البيانات حساسة (Privacy Cleanup):
زي سجل التصفح، كلمات المرور المؤقتة، وسجل التطبيقات… وده بيحافظ على خصوصيتك.
9- رسمي من مايكروسوفت
10- مجاني 100%
11- مفهوش أي اعلانااات
12- خفيف جدًا على الجهاز
13- واجهته بسيطة وسهلة لأي حد، حتى لو مبتدئ
طب تنزله ازاي؟؟؟؟؟
ببساطة تقدر تحمّله من الموقع الرسمي لمايكروسوفت أو من Microsoft Store الي موجود في الويندوز
ولو ملقتهوش ابحث في جوجل عن Microsoft PC Manager
جربه وخلي غيرك يجربه .. هيعجبك
