17/09/2026
𝐇𝐚𝐫𝐇𝐮𝐛 𝐢𝐲𝐨 𝐒𝐡𝐢𝐫𝐰𝐞𝐲𝐧𝐢𝐡𝐢𝐢 𝟐𝐚𝐚𝐝 𝐞𝐞 𝐆𝐚𝐧𝐚𝐜𝐬𝐚𝐭𝐚𝐝𝐚 𝐘𝐚𝐫𝐲𝐚𝐫, 𝐊𝐮𝐰𝐚 𝐃𝐡𝐞𝐱𝐞 𝐢𝐲𝐨 𝐈𝐬𝐤𝐚𝐚𝐬𝐡𝐚𝐭𝐨𝐨𝐲𝐢𝐧𝐤𝐚 𝐒𝐨𝐦𝐚𝐥𝐢𝐥𝐚𝐧𝐝
HarHub aya si wayn uga qaybqaadatay Shirweynihii 2aad ee Ganacsatada Yaryar, Kuwa Dhexe iyo Iskaashatooyinka Somaliland, oo 16–17 September 2026 lagu qabtay Hargeysa.
Shirka oo ay soo qabanqaabisay Wasaaradda Ganacsiga iyo Dalxiiska Somaliland waxa uu isu keenay hay’adaha dawladda, hay’adaha maaliyadeed, ganacsatada, hay’adaha horumarinta iyo daneeyayaasha kale ee ka shaqeeya horumarinta ganacsiyada Somaliland.
Abdiaziz Mohamed, Maamulka HarHub ayaa ku metelayey shirka, isaga oo ka jeediyey hadallo ku saabsan caqabadaha iyo fursadaha ganacsiyada Somaliland, gaar ahaan helitaanka suuqyada, adeegsiga tiknoolajiyadda iyo xidhiidhka ay la leeyihiin helitaanka maalgelinta.
Shirku waxa uu soo saaray 11 qodob oo muhiim ah oo lagu xoojinayo jawiga ganacsiga, helitaanka maalgelinta, diyaarinta ganacsiyada, helitaanka xogta suuqyada, adeegsiga tiknoolajiyadda iyo kobcinta awoodda ganacsatada.
HarHub waxa ay ku faraxsan tahay in ay qayb ka noqoto wada-hadallada iyo dadaallada lagu xoojinayo SME ecosystem-ka Somaliland, iyo dhisidda ganacsiyo awood u leh inay helaan suuqyo, kobcaan, abuuraan shaqooyin, una gudbaan heerar maalgashi oo waara.
Wasaaradda Ganacsiga iyo Dalxiiska Jamhuuriyadda Somaliland