https://www.facebook.com/574626625732368/

Sky First

“ስካይ ፈርስት — እውነተኛ መረጃ፣ የሁሉም ድምጽ።”

ምርትዎንና አገልግሎትዎን በተሻለ ለማስተዋወቅ ከእኛ ጋር ይስሩ።

ቴሌግራም ላይ ያግኙን 👉

https://t.me/SkyFirstMedia YouTube.com/-sf

11/02/2026

ዜለንስኪ ቢደውልልኝ ስልኩን አነሳለሁ – ፑቲን

የሩሲያው ፕሬዝዳንት ቭላድሚር ፑቲን የዩክሬኑ አቻቸው ቮሎዲሚር ዜለንስኪ በስልክ ቢደውሉላቸው ምላሽ እንደሚሰጡ የክሬምሊን አማካሪ ዩሪ ኡሻኮቭ ገለጹ። ፑቲን ከውይይት ሸሽተው እንደማያውቁም ተናግረዋል።

መግለጫው የሩሲያና ዩክሬን የሰላም ድርድር በአሜሪካ አስታራቂነት በዚህ ወር በአቡ ዳቢ እንደገና ሊጀመር በተዘጋጀበት ወቅት የተሰጠ ነው።

ሁለቱ መሪዎች ሩሲያ በ2022 ዩክሬንን ከወረረች ወዲህ በቀጥታ ተነጋግረው አያውቁም። የዩክሬን መንግሥት በአካል እንዲገናኙ ተደጋጋሚ ጥረት ቢያደርግም፣ ክሬምሊን በስልክ ውይይት እንዲያደርጉ እየገፋ መሆኑ ተዘግቧል።

የክሬምሊን ቃል አቀባይ ዲሚትሪ ፔስኮቭ ፑቲን ከዜለንስኪ ጋር ለመወያየት ፈቃደኛ መሆናቸውን ገልጸው፣ “እስካሁን ማንም አልደወለም” ብለዋል።

በተያያዘ ሩሲያ በሰላም ድርድሩ አውሮፓን ማካተት እንደምትፈልግ ሲገልጽ፣ የዲፕሎማሲ ምንጮች ግን የሞስኮ ዓላማ በኔቶ መስፋፋት ላይ ቅናሽ ለማግኘት እንደሆነ ለቴሌግራፍ ጋዜጣ ገልጸዋል።

በሌላ በኩል የአሜሪካ የመከላከያ መሥሪያ ቤት የኔቶ አባል አገራት ሩሲያን በተመለከተ የሚሰጧቸውን ጠንካራ መግለጫዎች እንዲያለዝቡ ጫና ማድረጉን ሮይተርስ የዲፕሎማሲ ምንጮችን ጠቅሶ ዘግቧል። የአሜሪካ መከላከያ መሥሪያ ቤት በዘገባው ላይ አስተያየት አልሰጠም።

11/01/2026

አርሰናል ሊቨርፑልን በማሸነፍ የሊጉን መሪነት ተረከበ

በፕሪሚየር ሊግ ተጠባቂ መርሐግብር አርሰናል ሊቨርፑልን 1ለ0 በሆነ ውጤት ማሸነፍ ችሏል።

የአርሰናልን የማሸነፊያ ግብ ካይ ሀቨርትዝ ማስቆጠር ችሏል።

መድፈኞቹ ማሸነፋቸውን ተከትሎ ሊጉን በሶስት ነጥቦች ልዩነት መምራት ጀምረዋል።

ሊቨርፑል ሁለተኛ የፕሪሚየር ሊግ ሽንፈቱን አስተናግዷል።

11/01/2026

የ31 ዓመቷ ኢንጂነር የሚጥል በሽታ መድኃኒቷን በቻትጂፒቲ ምክር መሠረት ከቀነሰች በኋላ ሕይወቷ አለፈ፤ ወላጆቿ ኦፕንኤአይን ከሰሱ

በአሜሪካ ሲያትል ከተማ በአማዞን ኩባንያ የሶፍትዌር ኢንጂነር ሆና የምትሠራው የ31 ዓመቷ ቦዌን ዋን፣ የሚጥል በሽታ መድኃኒቷን በቻትጂፒቲ የተሰጣትን ምክር ተከትላ ከቀነሰች በኋላ ሕይወቷ ማለፉን የኒውዮርክ ታይምስ ዘግቧል። ወላጆቿም የቻትጂፒቲ ፈጣሪ የሆነውን ኦፕንኤአይንና የኩባንያውን ዋና ሥራ አስፈጻሚ ሳም አልትማንን ከሰዋል።

ዋን ከ14 ዓመቷ ጀምሮ በሚጥል በሽታ የምትሠቃይ ሲሆን፣ ለሦስት ዓመታት ያህል ቻትጂፒቲን ስትጠቀም ከቆየች በኋላ በጤና ጉዳዮች ላይ ምክር ለማግኘት በመሣሪያው ላይ መተማመን መጀመሯን የወላጆቿ ክስ ያመለክታል።

በ2025 መጨረሻ በአማዞን ያላትን የሥራ ቦታ በ90 ቀናት ውስጥ ልታጣ እንደምትችል ከተነገራት በኋላ፣ የምትወስደው መድኃኒት የማሰብ ችሎታዋንና በሥራ ቦታ እንግሊዝኛ የመናገር ችሎታዋን እየጎዳ እንደሆነ በማመን ምክር መጠየቋን ክሱ ይገልጻል።

በወላጆቿ ክስ መሠረት፣ ቻትጂፒቲ ሐኪም ያዘዘላትን ላሞትሪጂን የተባለ መድኃኒት በ25 ቀናት ውስጥ ከ400 ሚሊግራም ወደ ዜሮ እንድትቀንስ የሚያስችል ዕቅድ ሰጥቷታል። መድኃኒቷን ከቀነሰች በኋላም የበሽታዋ መጥለቅ መብዛት፣ ግራ መጋባትና የእንቅልፍ ችግር እንዳጋጠማት ተገልጿል።

የሕክምና ምርመራው ለሞቷ ምክንያት በሚጥል በሽታ ምክንያት የሚከሰት ድንገተኛና ያልተጠበቀ ሞት መሆኑን ማረጋገጡ ተዘግቧል።

ኦፕንኤአይ በበኩሉ በተፈጠረው ክስተት ማዘኑን ገልጾ፣ ከሐኪሞችና ከሌሎች የጤና ባለሙያዎች ጋር በመሥራት ቻትጂፒቲ ለጤና አደጋ በሚያጋልጡ ሁኔታዎች ላይ የሚሰጠውን ምላሽ ይበልጥ ጥንቃቄ የተሞላበት ለማድረግ እየሠራ መሆኑን አስታውቋል። ኩባንያው ቻትጂፒቲ የሐኪምን የሕክምና ክትትልና እንክብካቤ ሊተካ እንደማይችልም አስገንዝቧል።

የወጣቷን ሞት በተመለከተ ተጨማሪ ምርመራ በሚቀጥለው ዓመት እንደሚካሄድ ተገልጿል።

11/01/2026

‟መርጣችሁን ስለመጣችሁ እናመሰግናለን” የመቐለ ዩኒቨርሲቲ ፕሬዝዳንት ለአዲስ ተማሪዎች የእንኳን ደህና መጣችሁ መልዕክት አስተላለፉ

የመቐለ ዩኒቨርሲቲ ፕሬዝዳንት ዶክተር ፋና ሓጎስ፣ ለ2019 ዓ.ም. የትምህርት ዘመን ዩኒቨርሲቲውን መርጠው ለተመዘገቡ አዲስ ተማሪዎች የእንኳን ደህና መጣችሁ መልዕክት አስተላለፉ።

ፕሬዝዳንቷ በመልዕክታቸው ዩኒቨርሲቲውን መርጠው በመምጣታቸው ደስታቸውን የገለጹ ሲሆን፣ የትምህርት ዘመኑ የተሳካ እንዲሆን ዩኒቨርሲቲው አስፈላጊውን ዝግጅት ማጠናቀቁን አስታውቀዋል።

በተጨማሪም የአዲስ ተማሪዎች አቀባበል መርሐ ግብር በድምቀት እንዲካሄድ ላስተባበሩና ለሠሩ የሥራ አመራር አባላት፣ የተማሪዎች ህብረት፣ ተማሪዎችና መላው የዩኒቨርሲቲው ማኅበረሰብ ምስጋና አቅርበዋል።

በመጨረሻም ለአዲስ ተማሪዎች የተሳካ የትምህርት ዘመን ተመኝተዋል።

11/01/2026

ቅዱስ ጊዮርጊስ ስፖርት ማኅበር የ2019 ዓ.ም. ጠቅላላ ጉባኤውን እያካሄደ ነው

የቅዱስ ጊዮርጊስ ስፖርት ማኅበር የ2019 ዓ.ም. ጠቅላላ ጉባኤውን እያካሄደ ሲሆን፣ በጉባኤው የማኅበሩ አባላት፣ የሥራ አመራር ቦርድ አባላት፣ ከፍተኛ ኃላፊዎችና ሌሎች ባለድርሻ አካላት ተገኝተዋል።

የማኅበሩን ህልውና ለማስቀጠል በቅርቡ የተቋቋመው ጊዜያዊ ቦርድ፣ ባለፉት አምስት ወራት ያከናወናቸውን ተግባራት ለጉባኤው አባላት ይፋ አድርጓል።

የቅዱስ ጊዮርጊስ ስፖርት ማኅበር ሊቀመንበር አቶ ነሲቡ ጫኮ፣ ጊዜያዊ ቦርዱ ባለፉት ወራት በዋናነት የክለቡን የፋይናንስ ህልውና ለማስቀጠል በስፋት ሲሠራ መቆየቱን ገልጸዋል።

የክለቡን የፋይናንስ ሥርዓት ለማስተካከልም ከተለያዩ አጋር ድርጅቶች ጋር ስምምነቶች መፈጸማቸውን አስታውቀዋል።

በዚህም የሚድሮክ ኢንቨስትመንት ግሩፕ ለቅዱስ ጊዮርጊስ ስፖርት ማኅበር በዓመት 200 ሚሊዮን ብር ድጋፍ ለማድረግ መወሰኑ ተገልጿል።

በተመሳሳይ የሞሀ ለስላሳ መጠጦች አክሲዮን ማኅበር 80 ሚሊዮን ብር፣ ዳሸን ባንክ 200 ሚሊዮን ብር እንዲሁም ቢጂአይ ኢትዮጵያ 50 ሚሊዮን ብር በየዓመቱ ለማኅበሩ ድጋፍ ለማድረግ ቃል መግባታቸው ተመላክቷል።

በሌላ በኩል ጊዜያዊ ቦርዱ ከፖርቹጋሉ ቤኔፊካ እግር ኳስ ክለብ ጋር በታዳጊ ተጫዋቾች ልማት ዙሪያ በጋራ ለመሥራት ስምምነት ላይ መድረሱም በጉባኤው ተገልጿል።

ጉባኤው የማኅበሩን አጠቃላይ የበጀት ዓመቱ ሥራ አፈጻጸም ገምግሞ በቀጣዮቹ ዓመታት ሊከተለው በሚገባው ስትራቴጂያዊ አቅጣጫ ላይ ውይይት በማድረግ ውሳኔዎችን እንደሚያሳልፍ ይጠበቃል።

11/01/2026

‟ማኅበራዊ ጉዳዮችን ማንሳት የኪነጥበብ ባለሙያ ኃላፊነት ነው” - ኮሜዲያን ምናለ ያረጋል

ኮሜዲያን ምናለ ያረጋል፣ "ማኅበራዊ ጉዳዮችን ማንሳት የአንድ ኪነጥበብ ውስጥ ያለ ሰው ኃላፊነት ነው ብዬ አምናለሁ" ይላል። በሥራዎቹ ያሳስቡኛል የሚላቸውን ጉዳዮች እንደሚያነሳ፣ በሳቅ የተዋዛ መልዕክት እንደሚያስተላልፍ ተናግሯል።

"እንደ ዜጋም ሆነ እንደ አንድ ኪነጥበብ ውስጥ እንዳለ ሰው ፖለቲካው ውስጥ ባሉ ሰዎች የሕዝብ መናቅ በጣም ያሳስበኛል፤ የሕዝብ አለመከበር፣ የሕዝቡ ፍትሕ ማጣት፣ ባመናቸው ሰዎች መካዱ በጣም ያሳስበኛል። ማንነት ተኮር ጥቃቶች፣ የሰብዓዊ መብት ጥሰት፣ መቆሚያ ያጡ ጦርነቶች እነዚህ ሁሉ የሚደረጉ ነገሮች ሁሉ በጣም ያሳስበኛል" በማለት ስሜቱን አጋርቷል።

የኮሜዲ ሙያ እነዚህን አሳሳቢ ያላቸውን ጉዳዮች "የሚተነፍስበት" መድረኩ እንደሆነ ይገልጻል።
#ቢቢሲ

11/01/2026

“እኔም በኦሮምያ ክልል አርሲ ዞን የተፈጸመው የንጹሃን ግድያ አሳስቦኛል” - በኢትዮጵያ የአሜሪካ አምባሳደር

በኢትዮጵያ የአሜሪካ አምባሳደር የሆኑት አምባሳደር ኤርቪን ማሲንጋ በኢምባሲው የፌስቢክ ገጽ ባወጡት ጽሑፍ ነው ይህን የተናገሩት።

አምባሳደሩ የአሜሪካ መንግስት የአፍሪካ ጉዳዮች ቢሮ ያወጣውን መግለጫ በማጋራት የአሜሪካ መንግስት ስጋት የእኔም ነው ብለዋል።

አሜሪካ በሃይማኖት፣ በብሔር ወይም በፖለቲካ ምክንያት የሚፈጸሙ ጥቃቶችን አጥብቃ እንደምትቃወምና የኢትዮጵያ መንግስት በግድያው ላይ ምርመራ በማድረግ አጥፊዎችን ለፍርድ እንዲያቀርብ አፅዕኖት ሰጥተዋል።

10/31/2026

ድንበር ተሻጋሪ ወንጀሎችን ለመከላከል ኢትዮጵያ አዲስ የተጓዦች መረጃ ሥርዓት ልትተገብር ነው

ኢትዮጵያ በወንጀልና በሽብርተኝነት የሚፈለጉ ሰዎችን ለመለየትና ለመያዝ የሚያግዝ ዓለም አቀፍ የተጓዦች መረጃ ሥርዓት ልትተገብር መሆኑን የፌዴራል ፖሊስ ጠቅላይ አዛዥ ኮሚሽነር ጄኔራል ደመላሽ ገብረሚካኤል ገለጹ።

በዓለም አቀፉ የፖሊስ ትብብር ድርጅት የተዘጋጀው ሥርዓት፣ የተጓዦችን መረጃ ከዓለም አቀፍ የወንጀል መረጃ ጋር በማገናኘት በወንጀል የሚፈለጉ ሰዎችን ለመለየት ያግዛል።

ኮሚሽነር ጄኔራሉ እንደገለጹት፣ የፌዴራል ፖሊስ ሥርዓቱን ወደ ተግባር ለማስገባት ከኢሚግሬሽንና ከአየር መንገድ ተቋማት ጋር እየሠራ ሲሆን፣ ቴክኖሎጂው በቀን በሚሊዮኖች የሚቆጠሩ ተጓዦችን መረጃ ማስተናገድ ይችላል።

ከዚህ በተጨማሪ ፌዴራል ፖሊስ ከዓለም አቀፉ የፖሊስ ትብብር ድርጅት ዓለም አቀፍ የሥልጠና ማዕከል ጋር የመግባቢያ ሰነድ መፈራረሙን ገልጸዋል። ስምምነቱ ለአባል አገራት የሕግ አስከባሪ ተቋማት ሥልጠናና የአቅም ግንባታ ድጋፍ ለመስጠት ያለመ ነው።

አዲሱ የተጓዦች መረጃ ሥርዓት በአሁኑ ወቅት በዝግጅት ላይ ሲሆን፣ በቅርቡ ወደ ተግባር እንደሚገባ ኮሚሽነር ጄኔራሉ አስታውቀዋል።

10/31/2026

በአፍሪካ የኢኮኖሚ እድገት ቢታይም የፖለቲካ ነፃነትና ደህንነት እየተባባሱ መምጣታቸውን ጥናት አመለከተ

ባለፉት 10 ዓመታት በብዙ የአፍሪካ አገራት የኢኮኖሚ እድገት ቢመዘገብም፣ የደህንነት፣ የፖለቲካ ነፃነትና የሕግ የበላይነት ሁኔታ እየተባባሰ መምጣቱን የሞ ኢብራሂም ፋውንዴሽን በካይሮ ባቀረበው አዲስ ጥናት አመለከተ።

ከ2016 እስከ 2025 ያለውን ጊዜ የቃኘው ጥናቱ፣ ከአፍሪካ 54 አገራት ውስጥ 44ቱ የኢኮኖሚ እድገት ማሳየታቸውን፣ 34ቱ ግን በደህንነትና በሕግ የበላይነት ዘርፎች መሰናክሎች እንዳጋጠሟቸው ጠቁሟል።

በተጨማሪም የአህጉሪቱ ሕዝብ ግማሽ ያህሉ ኢኮኖሚያዊ እድገትና የደህንነት እንዲሁም የፖለቲካ ነፃነት መጓደል በአንድ ጊዜ በታየባቸው 25 አገራት ውስጥ እንደሚኖር ጥናቱ አመልክቷል።

ጥናቱ የደህንነትና የሕግ የበላይነት ሁኔታን ለመገምገም፣ ዜጎች ከጥቃት ምን ያህል የተጠበቁ እንደሆኑ፣ መንግሥታት ሕግን ምን ያህል እንደሚያከብሩና ፍርድ ቤቶች ነፃና ገለልተኛ ውሳኔ የመስጠት አቅም እንዳላቸው ጨምሮ የተለያዩ መለኪያዎችን ተጠቅሟል።

በእነዚህ ዘርፎች መሻሻል ያሳዩ አገራት በአማካይ ከፍተኛ የኢኮኖሚ እድገት ማስመዝገባቸውንም ጥናቱ አመልክቷል።

በሌላ በኩል፣ በመሠረተ ልማት በተለይም በስልክ አውታረ መረብ፣ በኢንተርኔት ተደራሽነትና በኤሌክትሪክ አቅርቦት ረገድ ከፍተኛ መሻሻል መኖሩን ጥናቱ ጠቁሟል። በጤና አገልግሎት፣ በትምህርትና በጾታ እኩልነት ረገድም አዎንታዊ ለውጦች መታየታቸውን፣ በተለይም በሴቶች ላይ የሚፈጸሙ ጥቃቶችን ለመከላከል የሕግ ጥበቃዎች መጠናከራቸውን አመልክቷል።

ሆኖም በፖለቲካዊ ተሳትፎና በደህንነት ረገድ የቀረቡ መሰናክሎች የአህጉሪቱ ዋነኛ ተግዳሮቶች ሆነው መቀጠላቸውን ጥናቱ አሳይቷል።
via DW

10/31/2026

‟ባለሀብት ሁሉ ሰርቆ ነው አይባልም ” - በላይነህ ክንዴ

Address

US
Atlanta, GA
404

Website

facebook.com

Alerts

Be the first to know and let us send you an email when Sky First posts news and promotions. Your email address will not be used for any other purpose, and you can unsubscribe at any time.