CyHub Armenia - EIF Cybersecurity Initiative

11/11/2026

Ալեքսեյ Չալաբյանի խորհուրդները լսելու համար արժի միանալ՝ https://luma.com/m0xmg9bt

Արհեստական բանականությունն (ԱԲ) այսօր կարող է ստեղծել տեքստեր, պատկերներ ու հաղորդագրություններ, որոնք գրեթե չեն տարբերվում իրականից։ Այն օգնում է աշխատել ու սովորել ավելի արագ, բայց միաժամանակ նոր հնարավորություններ է տալիս խարդախներին։ Ինչպե՞ս օգտվել ԱԲ-ից՝ առանց վտանգելու քո տվյալներն ու անվտանգությունը։

​«ԱԲ օրեր 2026»-ի շրջանակում CyHub Armenia - EIF Cybersecurity Initiative -ի հետ համատեղ հրավիրում ենք առցանց հանդիպման, որտեղ պարզ ու գործնական լեզվով կխոսենք ԱԲ-ի անվտանգ օգտագործման մասին։

​Բանախոսն Ալեքսեյ Չալաբյանն է՝ թվային և տեղեկատվական անվտանգության խորհրդատու, կիբեռանվտանգության փորձագետ։

​🔎Ինչի մասին կխոսենք՝
🔹Ինչպես ճանաչել ԱԲ-ի կիրառմամբ ֆիշինգն ու խարդախությունները
🔹​Ինչ տեղեկություններ չի կարելի կիսվել ԱԲ չաթ-բոտերի հետ
🔹​Ինչպես ստուգել ԱԲ-ի տված պատասխանների ճշգրտությունը

​Քննարկումը կլինի իրական օրինակներով, և հանդիպման ընթացքում կարող ես տալ քո հարցերը։

​Հանդիպումը բաց է բոլորի համար, ովքեր օգտվում են ԱԲ գործիքներից կամ հետաքրքրված են դրանցով՝ անկախ տարիքից, մասնագիտությունից ու փորձից։ Քանի որ միջոցառումն առցանց է, կարող ես միանալ Հայաստանի ցանկացած անկյունից։

Հանդիպումը տեղի կունենա առցանց՝ նոյեմբերի 13-ին, ժամը 19:30-ին։ Մասնակցելու համար գրի;ր մեկնաբանություններում, քեզ կուղարկենք գրանցման հղումը։
---------------------------
​«ԱԲ օրեր 2026» միջոցառումը կազմակերպում է ՄԱԿ-ի զարգացման ծրագրի (ՄԱԶԾ) ԿԶՆ նորարարական կենտրոնը՝ ՀՀ ԲՏԱԱԲ նախարարության հետ համագործակցությամբ։

​Նախաձեռնությունը համաֆինանսավորում են Եվրոպական միությունը, Նորվեգիայի զարգացման համագործակցության գործակալությունը (Norad) և Ավստրիայի զարգացման գործակալությունը (ԱԶԳ)։

06/11/2026

Յոթերորդ անգամ ինչ-որ բան ենք նախապատրաստում ... բայց այս տարի այն բոլորովին նոր տեսք ունի 👀

13/10/2026

🎯 «Կիբեռանվտանգություն | Խորացված մակարդակ»-ը սկսնակների համար չէ:
Սա 80 ժամանոց ինտենսիվ գործնական ծրագիր է՝ Linux, կրիպտոգրաֆիա, ցանցային հիմունքներ (TCP/IP, DNS, ամպային ենթակառուցվածքներ), OSINT, ներթափանցման թեստավորում (Pentesting), SIEM համակարգեր, Threat Hunting, CTF մրցույթներ ու իրական լաբորատոր սցենարներ։

Պատասխանիր այս 4 հարցին․
🔹 Ունե՞ս համակարգչային կարգավորումների հետ աշխատելու փորձ։
🔹 Գիտե՞ս ծրագրավորման որևէ լեզու (թեկուզ բազային մակարդակով)։
🔹 Անցե՞լ ես «Կիբեռանվտանգության ներածություն» դասընթացը կամ ունե՞ս համարժեք գիտելիքներ։
🔹 Պատրա՞ստ ես շաբաթական առնվազն 3 օր տրամադրել ուսմանը։

Եթե ունես 3-4 այո, ապա պատրաստ ես։ Դիմի՛ր մինչև հոկտեմբերի 18-ը։
(Մասնակիցների ընտրությունը կատարվում է ընդունելության թեստի միջոցով)։

⏰ Օրերը՝ երեքշաբթի, հինգշաբթի, ուրբաթ | 20:00–22:00
⏱ Տևողությունը՝ 40 դաս (80 ժամ)
💳 Արժեքը՝ 350,000 ՀՀ դրամ (գործում է մինչև 100,000 ՀՀ դրամի սոցիալական վճարի փոխհատուցման հնարավորություն)
📲 Լրացրո՛ւ հայտը մեր կայքում՝ https://tr.ee/3Yx4OM կամ զանգահարիր․
📞 (099) 545 343 | (041) 545 343

24/09/2026

🛡«Կիբեռանվտանգություն | Խորացված Մակարդակ» դասընթացը նախատեսված է նրանց համար, ովքեր արդեն ունեն բազային գիտելիքներ և պատրաստ են տիրապետել մասնագիտական գործիքակազմին:
Մենք պատրաստել ենք 6 ինտենսիվ մոդուլ, որոնք քեզ կդարձնեն մրցակցային սկսնակ մասնագետ։
🔹Հիմունքներ
🔹Օպերացիոն համակարգեր
🔹Կրիպտոգրաֆիա
🔹Ցանցային հիմունքներ
🔹Հարձակողական անվտանգություն (Red Teaming)
🔹Պաշտպանողական անվտանգություն (Blue Teaming)
🎯Դասընթացի ընթացքում աշխատելու եք լաբորատոր միջավայրերում, որը հնարավորություն է տալու պրակտիկ մակարդակում կիրառել ձեր ստացած գիտելիքները։
Մանրամասների համար՝ https://tr.ee/QlDv1t

03/08/2026

Հաքերին կանգնեցնելու համար պետք է մտածել հաքերի պես։ 👀💻
Ucom-ի աջակցությամբ իրականացվող կիբեռանվտանգության դասընթացի շրջանակում այս անգամ սովորում էինք իրական պատմություններից՝ կինոդիտման ու քննարկման միջոցով։ 🎬🔐

27/07/2026

📢 Լավ առիթ է հիշեցնելու, որ մեր կիբեռանվտանգության կրթական ծրագրերը հաստատված են ՀՀ ԿԳՄՍ նախարարության կողմից, ինչը հնարավորություն է տալիս օգտվել սոցիալական ծախսի փոխհատուցման ծրագրից։

Սա նշանակում է, որ մասնակցելով՝

🛡️ «Կիբեռանվտանգության ներածություն» և
🔐 «Կիբեռանվտանգություն | Խորացված մակարդակ» դասընթացներին,

կարող ես պետությունից ստանալ մինչև 100,000 դրամ սոցիալական ծախսի փոխհատուցում։

📌 Դասընթացները նախատեսված են ինչպես կիբեռանվտանգությամբ հետաքրքրվող սկսնակների, այնպես էլ ոլորտում իրենց գիտելիքներն ու գործնական հմտությունները խորացնել ցանկացողների համար։
📌 Ծրագրերը համատեղում են տեսական գիտելիքներն ու գործնական առաջադրանքները՝ պատրաստելով մասնակիցներին իրական կիբեռսպառնալիքներին դիմակայելու համար։
📌 Կիբեռանվտանգությունն այսօր ամենապահանջված և արագ զարգացող ՏՏ ոլորտներից մեկն է։

Եթե մտածում էիր կիբեռանվտանգության ոլորտ մուտք գործելու կամ մասնագիտական հմտություններդ զարգացնելու մասին, սա ամենաճիշտ պահն է։

📌 Հիշեցնենք, որ սոցիալական ծախսի փոխհատուցումը գործում է նաև ընտանիքի անդամների՝ ամուսնու/կնոջ, ծնողների և զավակների համար կատարված կրթական ծախսերի դեպքում։
Մանրամասները ստանալու համար կարող ես մեկնաբանություններում գրել
«Կիբեռ»։

23/07/2026

Ավարտական վկայականներ, նոր գիտելիքներ և առաջին կարևոր ձեռքբերումներ։ 🎓
Ucom-ի աջակցությամբ իրականացվող «Կիբեռանվտանգության հիմունքներ» անվճար դասընթացի առաջին խմբի մասնակիցներն ստացան իրենց ավարտական վկայականները, որոնք հանձնեց Ucom-ի գլխավոր տնօրեն Ռալֆ Յիրիկյանը։

Շնորհավորում ենք բոլոր մասնակիցներին՝ ծրագրի այս կարևոր փուլն ավարտելու կապակցությամբ։ Մաղթում ենք, որ ձեռք բերած գիտելիքներն ու հմտությունները դառնան ամուր հիմք՝ կիբեռանվտանգության ոլորտում հետագա զարգացման, պատասխանատու թվային վարքագծի և նոր հաջողությունների համար։

11/07/2026

Մինչ միլիոնավոր երկրպագուներ Հյուսիսային Ամերիկայի մարզադաշտերում հետևում են խաղին, մեկ այլ թեժ պայքար է ընթանում կադրից դուրս: ⚽💻
ՖԻՖԱ Աշխարհի առաջնություն 2026-ը պատմության մեջ ամենախոշոր թվային մարզական իրադարձությունն է, և կիբեռհանցագործները, հաքերներն ու խարդախները սա դիտարկում են որպես իրենց անձնական առաջնությունը: Ահա թե ինչ է կատարվում կիբեռֆրոնտում.
🚨 Հեռարձակման համակարգի խոցելիությունը. «Բարի» (էթիկական) հաքերներից մեկը ՖԻՖԱ-ի պորտալում հայտնաբերել էր API-ի լուրջ խոցելիություն, որը կարող էր անօրինական մուտք ապահովել ուղիղ եթերների և մարզադաշտերի մեկնաբանների էկրանների կառավարմանը (բարեբախտաբար, այն փակվեց մի քանի ժամում 👏):
🎟️ 13,000+ կեղծ տոմսային դոմեններ. Խարդախները գրանցել են հազարավոր կեղծ կայքեր՝ թիրախավորելով ընդունող քաղաքները (Դալաս, Լոս Անջելես, Նյու Յորք/Նյու Ջերսի)՝ երկրպագուների բանկային քարտերի և անձնական տվյալները գողանալու համար:
📱 Կեղծ SMS ուղարկող սարքեր (SMS Blasters). Իշխանությունները ֆիքսել են մարզադաշտերի մոտակայքում տեղադրված շարժական կապի աշտարակների նմանակող սարքեր, որոնք ֆիշինգային SMS-ներ են ուղարկում երկրպագուների հեռախոսներին՝ ներկայանալով որպես խաղացանկի պաշտոնական թարմացումներ կամ տոմսերի ստուգման պորտալներ:
📺 Վտանգավոր ստրիմներ և կեղծ հավելվածներ. Ոչ պաշտոնական ստրիմինգային կայքերը և բուքմեյքերական կասկածելի APK հավելվածները լցված են վիրուսներով, որոնք թիրախավորում են պահպանված գաղտնաբառերն ու կրիպտո-դրամապանակները:
Ժամանակակից խոշոր միջոցառումները միայն մարզադաշտերը չեն. թիրախում է ամբողջ թվային համակարգը՝ մարզադաշտի Wi-Fi-ից մինչև քաղաքային տրանսպորտի հավելվածները: 🏆🔒

#Կիբեռանվտանգություն

07/07/2026

Վերջին հնարավորություն՝ միանալու ծրագրին։

Մայքրոսոֆթ ինովացիոն կենտրոն Հայաստանը, Ucom-ի աջակցությամբ, հայտարարում է «Կիբեռանվտանգության հիմունքներ» անվճար դասընթացի վերջին խմբի գրանցման մեկնարկը։
Եթե 14-17 տարեկան ես և ցանկանում ես սովորել՝ ինչպես պաշտպանվել թվային սպառնալիքներից, հասկանալ կիբեռանվտանգության հիմունքները և ձեռք բերել գործնական գիտելիքներ, ապա սա քո հնարավորությունն է։
🔗 Գրանցման համար կարող ես անցնել այս հղմամբ՝ https://tr.ee/1cVIxo

⏳ Տեղերը սահմանափակ են, իսկ գրանցման վերջնաժամկետը հուլիսի 8-ն է։

26/06/2026

📌Միացե՛ք սպասման ցուցակին՝ https://tr.ee/1cVIxo

📌«Կիբերանվտանգության հիմունքներ» անվճար դասընթացի գրանցումները փակվել են։
Շնորհակալ ենք բոլոր դիմորդներին հետաքրքրվածության և ակտիվության համար։
Հաջորդ փուլը՝ ընդունելության քննությունն է։ Քննության վերաբերյալ ամբողջ տեղեկատվությունը մասնակիցներին կուղարկվի էլեկտրոնային փոստով։ Այնպես որ, խնդրում ենք ուշադիր լինել էլ․ հասցեներին։
Եթե դեռ չեք հասցրել գրանցվել, կարող եք միանալ վերջին՝ երրորդ խմբի սպասման ցուցակին (waiting list)․ տեղեկատվությունը հասանելի կլինի շատ շուտով:
Գրանցման հղումը ստանալու համար մեկնաբանություններում գրի՛ր՝ Cyber 🔐